اسلوب الضرب غلط وما كان له داعي
عسى ما شر شلون يطقه! لا هو اخوه ولا اصغر عياله
بس زوجج من حبه لج ما يبي اخوج يقلل من احترامج
و بصراحة اخوج زودها وايد و مصخها
رغم اني ضد الضرب الا ان ان شاء الله هالطراقات جابت نتيحة عشان ما يتطاول عليكم

حاولي تكلمين ابوج وتستعطفينه عشان يتقبل اعتذار زوجج

__________________

حاجة الناس إليكم من نعم الله عليكم ، فـ لا تملوا النِعم ☁✨

مرحباً أختي

جزاهم الله خير الأعضاء قالوا رأيهم بخصوص الخطأ والصح

الآن دور الحل

الإتصال ما ينفع .. أخوك أنضرب وأنكسر سنه وأي أب يزعل على ولده .. وكويس أبوك ماتهور وجا تضارب مع زوجك أو أشتكاه .. ولكن يبدو أنه عشان خاطرك وعشان لا يصير لك مشكلة مع زوجك سكت

لذلك .. رأيي الشخصي
أن تذهبي أنت وزوجك ويستسمح زوجك من أبوك ويسلم على رأسه ويعتذر له ثم يعتذر لأخوك .. ويطلب من أبوك أن يأتي بذبيحة وهدية رضوة في بيت والدك وأن حساب سن أخوك عليه .. وأنكم أهل وماحصل إلا كل خير


أما بالنسبة لكِ .. فلابد أن تضعي حد لأخوك أن لا يشتمك وخصوصاً أمام زوجك ... فربما في المستقبل والله أعلم يتجرء عليك زوجك بالشتم لأنه ظهر أمامه أنك ضعيفة



أعانك الله

الظاهر زوجك شايل ومعبي بقلبه
يضرب لين يكسر سن
أعوذ بالله من الغل
قال إيه من حبه لك
طيب.

أخوكِ مهما كان دلوع لايتحمل المسؤولية لسانه طويل لايحترمك ويسبك ، من المفترض زوجك ماله شغل، لديه أم و أب هم من يربيانه و ليس زوجك هو الذي سيربيه !
واضح انّ زوجك لديه تراكمات في نفسه على أخوكِ ، كنت سأبرر لزوجك لو كان التطاول عليه أما عليكِ أنتِ أخته كان من المفترض ألّا يتدخل بما يحدث بينك و بين أخوكِ، ويبعد نفسه عن المشاكل.

أشكركم على تفاعلكم معي و الله يسعدكم

زوجي يحاول يعتذر مني طول اليوم و أنا أصد عنه يقول إنه ما تحمل يشوف أحد يهين زوجته قدامه أو يشتمها بس انا بفهمه إن هذا طفل دلوع الصراخ عليه و شدة العين لحالها تخوفه ما كان له داعي الضرب أخوي الله يصلحه لو أن رديت عليه أمي و أبوي يزعلون مني حتى أكله و أغراضه نشيلها له و ما يخدم أبد لو نحتاج منه أي شي ما يتحرك و يتلفظ على أمي و أبوي و يرفع صوته لكنهم مدلعينه أنا ما وقفت بصف أخوي ضد زوجي لكن حزني هذا طفل عمره 14 سنه متعود على الدلع تضربه مره وحده أبوي يعز و يغلي زوجي و يقول هذا سندي و عزي لكن هو عتبان عليه لأن محمد ولده الصغير و اللي ما يرضى عليه اي شي و ما يرد له طلب

لا والله زوجك غلطان ولا له حق
خير إن شاء الله يضربه بهالشكل!!
أخوك قلّ أدبه بالكلام المفروض زوجك يتكلم معاه بأدب ويفرض عليه يحترمك أما يضربه بهالشكل سلامات! لو راح أشتكى عليه الحق معه
وزوجك ماله دخل موضوع بين أخت وأخوها اللي يتدخل بينكم أمك أو أبوك
وبعدين زوجك وش دخله إذا أهلك مدلعينه ويشترون له ويسوون له دافع من جيبه شي!!
الولد بسن مراهقة ومعروف هذا سن التمرد والعناد إذا هو فعلاً ناوي يربيه يجيه بأسلوب أفضل ويعامله كأخ كبير أما ضرب مبرح وين عايشين إحنا
وأبوك له حق يزعل صراحة
لازم تفهمين زوجك إنه الموضوع خاص فيكم وماكان لازم يتدخل
أجل بكره إذا أخت زوجك قلّت أدبها عليه قومي إضربيها!!
لازم تبعدين زوجك عن أخوك وماتخلينهم يحتكون ببعض خففي زيارات زوجك لبيت أهلك موب لازم كل زياره ينزل معك إلا لو كان ولد عمك ولا ولد خالتك هذي فيها كلام ثاني لأنه لازم يصل رحمه

أشكرك.....

بكرا اذا اخت الزوج غلطت على اخوها خل الزوجة تروح تعطيها كف ولا بس ترفع صوتها

من حبها له بعد 😏

ونشوف وش يقولون الاخوان عن الزوجة الملقوفة

__________________

اختلافي عنك لا يعني اختلافي معك

مع هذا الراي

و تشجيع و شايفينه بطل انه ضرب طفل مراهق بالمتوسط ؟!!!
لو اخوك بالثانوى وقت المراهقه الجد و الصياعة اجزم لك ان زوجك مايتجرا يمد يده عليه و يصير عنتر

ولو ابوك له احترام و تقدير عند زوجك ماسوى معه كدا وبوسط بيته !!!
هذى فيها ارقاب و دم. ..
واجزم لك ان اخوك بيكبر و ماينساها لا لك ولا لزوجك وانتى اساس الفتنة ...
ترى مالك سند بعد الله غير اخوك .. الزوج يطلق يتزوج يتجبر و الابن يولد و الاخ مفقود..
وان رضيتها على اخوك كيف ترضينها على ابوك و امك ..!!
مسكين ابوك واضح شخصيتة ضعيفة ماحد حاسب له حساب يعتدون على ولده وسط بيته ..!!
اخوانك الذكور الكبار وينهم ؟؟ يبدو ماعندكم اخ غيره ..
وواضح كمان انك شايله على اخوك و كل شي ببيتكم تنقلينه لزوجك ..
والغريب الحريم مويدين !! اذا لا نزعل من الاخ ان وقف بصف زوجته ضد اخته ..

بس تدرين لو انى مكان امك بما ان ابوك ضعيف
خليت الولد المضروب مكانه فاقد وعيه و بدمه و دقيت على الشرطة وخليتهم يجون و قضية اعتداء
علينا وبوسط بيتنا ...

دنيا عجيبة ...

معليش زوجك غلطان وألف غلطان

من زمان نفسه يضرب البزر ومالقي إلا هذي الطريقه يعنني ضربته عشان أخته !!!!

شي عجيب صراحه

عنده قوة زوجك يحطها في رجال مثله مو يحطها في طفل مايقدر يدافع عن نفسه

وبعدين المفروض يروح ويقتص منه الولد هذا شرع من الله السن بالسن

والله أبوك طيب مررره أكتفى إنه مارد عليه الله يكثر خيره