حتى ردودك مافيها ندم
فيها جفاااء واضح
ليني شوي الله ينور عليك
ارحموا الضعفاء حرام ياناس

قساوة ما اظن فصلت في حياتي ومو عشان موقف تحكمين عليه انا اعاملهم مو عشان ابوهم لاني عارفه اني لم اموت راح اتحاسب عن معاملتي معهم وعندي بنت احطها دائما في مكانهم والشيء اللي ما ارضاه لها ما ارضاه لهم بس ياليت تشيلون من روسكم حكاية انه زوجة الاب دائما شريرة وجبارة

بنته بالنسبه له موضوع حساس فعلشان كذا انتبهي اكسبي بنته وتعاملي معاها بالزين واذا راح علميها قولي لها ياماما الحمام الثاني حقك وهاذا حقي وكذا بس لما يجي ابوه خليك عاديه ومشي الامر ليين تتعلم البنت صغيره حاليا يعني تقدرين تكسبينها وتعليمنا

مرحباً أختي

من حقك أن تمارسي حياتك كما تشائين وتحافظين على خصوصياتك

ولكن... بعض الأحيان يضطر الإنسان إلى المجاملة أو إلى الإحتساب إذا كان يرغب بالأجر

وبالنسبة لموضوعك... فهمت منه أنها بنت زوجك تعيش معكم وقد تستخدم حمامك الخاص أو بعض أدواتك الخاصة

ومن الحكمة... أن تداريها بعض الأحيان وتتقبلي تصرفاتها خصوصاً إذا كان ذلك يسعد زوجك ويسعد طفلته ولايضرك كثيراً

وبالنسبة لغسيلك الحمام... إن كنتِ تقصدين الكرسي فالأمر هين جداً ولا يأخذ دقيقة
أما إن كنتِ تقصدين الحمام كامل... فأعتقد هذه مشكلة وسواس عندك حاولي أن تتخلصي منها.

أما بالنسبة لزعل زوجك... فأعتقد أنه مؤقت وسيزول سريعاً
فالأمر يعتمد عليك
فإن كنتِ متضايقة ولا ترغبين بطول الزعل... فلتعتذري له شفوياً وتفهميه وجهة نظرك حتى وإن لم يتناقش معك وسكت

أما إن كنتِ تنتظرين بوادر منه ولا ترغبين بالإعتذار... فأنتظري حتى يعود بالكلام معك... وعندها تصرفي عادي جداً وكأن شيئاً لم يحدث.



أعانك الله

انا فهمتها بس وش يفهم ابوها ابوها يقولها روحي حمامنا لم يكون اخوها في الحمام وبنته الله يصلحها اذا دخلت الحمام ما تخرج الا بخصمه تطول ما ادري وش تسوي فهمتها اكثر من مره ما احد يتنظف بالمويه بس اذا خرجتي غسلي يدك تقول ما احب لدرجة ابوها احيانا يخاصمها لانها تطول

شكرا لك اخي لحاول اليوم الطف الجو والله يعين

الله يكون بعونك بصراحه ماله حق يزعل هو عارف بنته بس الحين اتركيه وخليك طبعيه وحاولي تضمين البنت وتبوسينها بدون مايحس انك متعمده او تلعبين معاها مع اني متاكده انك ماتقصرين معاها او سوي لعبه اانتي وهي ولولد وابوه كذا شوي يتغير بعدها فهميه قولي له انك تحبينها بس الحمام هاذا خاص وفي اغراض شخصيه اخاف تلمسهم او يعوزها شي ومن هالحكي

انا وانا اقرأ ردودك حسيت بنفور منك من اسلوبك كيف المسكينة و زوجك

زوجك لو شايف ان تعاملك مع بنته ممتاز ما كان تحسس من موضوع الحمام ولا حتى فكر فيه ، راجعي نفسك و احسني للبنت لوجه الله ، و انتبهي تتقربين منها وتحسنين معاملتها عشان ابوها وبس لأني اخشى عليك ان تدخلي في الرياء عافانا الله و اياك منه


عموماً عندي همسة لك ، انتِ تقولين اخاف الله فيها لأن عندي بنت ، ياختي عشان يرق قلبك اكثر او بالاخرى يتحرك شوي تأكدي ان زوجك بنته تسوى عيونه و لو خُير بينك وبينها راح يختارها لهذا فكري في نفسك و لا يصدر منك شيء يضايقها ..


و بالأخير اذا حمامك داخل غرفتك يحق لك تكلمين زوجك ان هذا خاص فيني و لو مو خاص ما كان اصلا وجد داخل الغرفة ، و بنتك زي بنتي ولو بنتي تبي تدخله ما خليتها

اما اذا خارج غرفتك هذا شيء ثاني

،

ماله داعي تمنعيها من الحمام ..ايش بتعمل فيه يعني!!ترا الدنيا بكبرها بالي فيها زااااااااااايلة
عامليها لوجه الله معاملة زينه مو عشان زوجك لله سبحانه ...

ولاتكوني انسانه سطحية

كالعادة كل ما اكتب موضوع ولاني زوجة اب تكون التعليقات ان تعاملي سيء معهم اني انفر منهم اني اكرهم انا تكلمت عن موضوع الحمام وبس ما اظن فصلت في حياتنا
واللي تقول هو الا حمام اذا انتي عادي عندك في ناس ماتحب تستخدم حمام واحد هي واطفال حتى اطفالهم وكل شخص ومبدأه


انا ارسلت له واتس اوضح له الموضوع عارفه مابيرد بس ان شاءالله يتفهم الموضوع