اهلا بك اخي الفاضل وشكرا لإهتمامك

في الفتره الماضيه رأيت حلم مزعج مره واحده(جاء ع هيئة زوجي ويضغط ع بطني بقووه ويتحداني واتحداه وجلست اذكر الله الين ما خف كالعاده وراح وع نهاية روحته كنت اسبه اقول انت حشره بس كأني بداخلي خايفه انه يسمعها ولماصحيت اتذكر هو سمع ولا لا)
_ بنتي مخوفتني شوي كل ما اقولها نامي تقول ما ابغى انام اخاف يجيني الحلم اقولها وش تشوفين تقول بابا وديناصورات وبابا مات وكلام كثير اقول احيانا يمكن متأثره بالتلفزيون بالرغم انها ماتتفرج ع اشياء تخوف وبهالفتره مقلله لها ساعات التلفزيون علشان الروضه بس اتذكر انها من زمان من لما كانت صغيره كانت تقوم مفزوعه وتصرخ وخايفه وكنت اقول يمكن لأني لما كنت حامل فيها تجيني الأحلام فكانت تخاف وتحلم مثلي

مو عارفه فيه حركتين كمان حصلت كلها اليوم بس ما ابغى اقولها يمكن انا يتهيألي شي بالرغم ان وحده متأكده فيها بس مو عارفه بشوف اتأكد
بخصوص القراءه انا الحمد لله من قبل رمضان بأربع اشهر او او ثلاث مستمره ع سورة البقره وصارت بحياتي تطورات كثيره من خلافات مع زوجي وغيره بس الحمد لله الوضع الآن هادي وحياتنا ماشيه عاديه صح احيانا احس بتقلب مزاجي واحساس تجاه زوجي اني بس بمشي الحياه معاه بس احس هالامور تصير بكل بيت
وبالنسبه للعبادات انا الحمد لله من زمان محافظه ع الصلاه بوقتهاوكل ماسمحت لي الفرصه اني اتصدق الحمد لله ما اقصر..بس بالبيت عندي العاب بنتي دومى ودباديب مو قادره اتخلص منها لانها العابهاتلعب فيهاوكل ما اجي ارتب البيت واشيلها بغرض الترتيب تجيني افكارغريبه انها ممكن تتحرك ممكن تسويلي شي..بس هالاحلام كانت تجيني من زمان قبل لا اتزوج بكم سنه ونقلنا تقريبا ثلاث مرات وكمان بعد زواجي نقلنا اكثر من مره ما اظن المشكله بالبيت
اما القراءه بالرابط اللي اعطيتني يادوب ع المره الاولى قرأته وتقريبا طبقت اللي فيه من اهتمام بالبيت وبخور بس مو عارفه لسا احس بخوف مو قادره اتجرأاقرا في هالامور وحتى موضوع الاخت ادمنتك احيانا افتحه واقفله ع طول لاني من قرأته وانا اخاف يتهيألي شي

انا اللي افكر فيه ومستغربه منه طريقه وسيناريو الحلم زمان كان بس يضغط ع صدري ويخنقني واجلس اذكر الله اقول الله اكبر واستغفر الله ويروح اما من فتره انا مو متأكده هل من فتره استمراري ع سورة البقره او قبلها او بعدها مو عارفه بالتحديد بس الوضع له تقريبا فتره يجي ويتحدا وانا اتحداه واحيانا كثيره اقرا اية الكرسي واخلصها بالحلم واخر ايتين من سورة البقره والمعوذات ثلاث مرات يعني بنفس الحلم اقول الاذكار كلها وبعد جهد جهيد يروح وكمان يتحدا وبالاحلام الاخيره صرت اشوفه ع صورة زوجي بالرغم اول ماكنت اشوفه الا مرتين يمكن كان ع هيئة الوالد الله يرحمه...وحلمي المستمر بالوالد الله يرحمه مو عارفه ليه

لا اعلم لماذا عندما اقرأ ردودك الاخيره تخنقني العبره واشعر اني بحاجه للبكاء وربما تساقطت كم دمعه مع قليل من الخوف
-بعد ما قرأت ردك الاخير كانت بنتي نايمه وقمت وفتحت التلفزيون ع قناة المجد للقران وكملت شغلي شوي ابوها جاء وغير ع الاخبار ومع اذان العصرقامت البنت ومبلله نفسها وعيونها مليانه دموع وتصرخ قلت وش فيك تقول انتِِ متي جوا ناس كثير في بيت خاله حزنتني مو عارفه شسويلها قلتلها انتِ ماقلتي بسم الله قبل لا تنامين...لاني قبل كم يوم قلتلها نامي قلت ما ابغى اخاف يجيني الحلم قلتلها قولي بسم الله ومايجيك ولما صحيت قالت ماما صح كلامك قلت بسم الله وماجاني نوم وفي نفس اليوم اخوها صحي يصرخ وقالت هو ماقال بسم الله وقالتله قول بسم الله...(انا بالفتره اللي راحت صرت احرص كثير انها ماتنام الا محصنتهاوقبل لاتروح للروضه كمان احصنها)
-بعد العصر قمت ورتبت المطبخ وشغلت شريط الرقيه ((اول ماشغلته حسيت بحزن كبير وبكيت شوي بس حاولت اشغل نفسي بالشغل وما استرسل بشعوري واتذكرت اني نفس الشي قبل رمضان لما داوت ع البقره وشريط الرقيه اني مره فجأه بكيت بدون سبب كنت صاحيه من النوم وداخله المطبخ وفجأه حسيت بحزن وضيق وبكيت شوي وبعدين خفت زوجي يجي يشوفني ويتريق كالعاده ع دموعي فحاولت اتمالك نفسي)) وغريبه ماصار مثل دايما يسكت المسجل من نفسه كان عادي وكملت ترتيب البيت غرفتي وغرفة بنتي وبخرت البيت بس احس الألم اللي بأكتافي يزيد صاركتفي الشمال واليمين واحيانا نغزات وتآآكل بظهري وكان شوية الم ببطني يمكن ربع ساعه والحمد لله راح بس كتفي وظهري احس الألم لسا ومن امس احس حلقي فيه نفس الألم اللي احس فيه لما اصحى من النوم بعد مايخنقني ....اما عيني اليمين (انا في المشاركه اللي قبل كتبت الشمال وهي اليمين)مازال فيها الم وخاصه بالعلاقه مع زوجي ولما اصحى من النوم وببداية النوم قبل لا ادخل بالنوم العميق
-انا عندي مواهب كثيره ماشاء الله ومن ضمنها احب شي اسمه تجميل وكنت افكر افتح مشغل بس فكرت ابدا ع خفيف في بيتي واخذت قرض وسويت غرفه بالبيت ع اساس ابدا واشتريت الاغراض بس ما اشتغلت احس بكسل ولما افكربالالم اللي بكتفي يزيداقول كيف راح اشتغل كثيروما احس صار عندي حماس مثل اول دائما ابدا بالفكره بس لما اجي اطبق احط كذا عذر وانا متأكده انها عذار مالها داعي بس مو عارفه ليه ماعندي عزم وحزم للموضوع ياما اشتريت من الاغراض وبعضها تطول وينتهي تاريخهاوهي باقيه بالادراج -بالموضوع اللي صارلي تقريبا قبل سنتين لما الحرمه قالتلي اتغير جسمك وبعدها تعبت واخذت من مويتها بعدها بفتره بسيطه يمكن اسبوعين تعبت جاني الم ببطني مره قالولي زايده ومره قالوا التهاب واخر شي طلع قولون ومازلت اعاني منه من فتره لفتره
-قبل اربع سنوات حضرت مناسبه عند ناس مو من جماعتنا كانوا اغرب عنا شوي وكنت ع قولة وحده ملفته وبعد المناسبه بأقل من اسبوع جات حكه برجلي وصرت ما ارتاح الا لما احكها وصارت بقعه كبيره ودايما يطلع منها دم من كثر الحك وايام تجي لونها زهري وكأن مكبوب علي مويه حاره راجعت بالمستشفى قالوا حساسيه واعطوني مراهم مافاد وجبت سدر وحطيته بمويه وقرأ عليه زوجي وجلست اسبوع كامل احط منه واقرا بنفس الوقت والحمد لله راح وباقي الحكه تجي من فتره لفتره بس الحمد لله مافيه اثرالا بسيط جدا ويمكن معدوم
-بالعيدحطيت مكياج كان حلو ماشاء الله اليوم الثاني صحيت من النوم عيوني مو قادره افتحها وكان يوم جمعه مافيه مستوصفات واحس الم فيها مو طبيعي جلست من 8 تقريبا الى 12 الظهر كل ما افتح احس بنار فيهاوالم وبس تدمع حطيت عليها مويه بارده..شاهي دافي مافادوجلست اقرا عليها والحمد لله راح الألم ولا عاد رجع بس هالكلام من زمان وكذا مره وحده تقولي مره بالعيد حطيتي مكياج اتحدينا انا ووحده انك رحتي لكوفيراوكثير قالولي حلو
احس من كثر الاشياء اللي صارت كثير اخاف واحيانا اخواتي يقولون انتِ فيك طيره صح بمزحه بس احيانا اقول شكلهم يقصدونها بس لاني كل ما احد مدح شي اقولهم قولي ماشاء الله
-بالنسبه للمشاكل كثير تصير بس الحمد لله تنحل..مو عارفه ليه لما اقرا سورة البقره احس مشحونه كثير عليه خاصه بآآخر مشكله كان يجي من صلاة الفجر وانا اكون اقرا سورة البقره اقفل القران واروح وراه ع غرفة النوم وبس نقاش يتحول لمشكله كبيره لدرجه مره رميت جواله بالجدار وكسرت الابجوره من القهروحتى بهالفتره احس اني مو متطمنه للموضوع اللي صارت المشكله بسببه وهي قريبته اللي كان يكلمها علشان شغل واتطور الموضوع لتحويل مبالغ ماليه وفكرة زواج بينهم وربي يسترها بس
-احس اتكلمت كثيروانا عارفه انك مشغول بس اتذكرت هالمواضيع وقلت يمكن تفيد بشي ويمكن صار الموضوع فضفضه وطرح لشي انا افكر فيه انه ممكن تكون هالأحلام معناته عين تتجدد لاني احس مو متخيله انه يكون فيه شي اكبر من كذا(كلمة متبوعين قصدك سحر؟؟ممكن توضحلي هالنقطه))
_بالنسبه للألعاب لازم اشيلها برى البيت نهائي؟؟لاني عندي غرفة المشغل افكر احطها فيها...وبالنسبه للصور صورزواجي عند بيت اهلي وكنت افكر اجيبها بس بحطها بالدولاب ما ادري عادي ولا لازم ماتكون اصلا فيه صور بالبيت
-من ضمن الاحلام واللي اظن هو اول حلم جاء ع هيئة زوجي..اني كنت اشغل شريط فيه سورة البقره وزوجي يعاندني اني ما اشغله وكل ما احط الشريط بالمسجل يطلعه ويخرب الشريط يحاول يفله وانا احاول امنعه واول ماصحيت من النوم كنت خايفه ومفزوعه ودقايق الا يجي زوجي وبنفس الشكل لابس ثوب وكأنه هو الجني اللي شفته وجلست كم يوم افكر بالحلم وارسلت ع الشيخ قالي اضغاث احلام وبعدها بكم يوم شفلت نفس الشريط اللي شفته كان اسود وكتوب بالاخضر سورة البقره وكان المسجل بنفس الوضعيه ع طرف التسريحه وشوي من تشغيله الا خرب الشريط وانفل وارجع اسويه واحطه وبرضه خرب وكنت بهالفتره صح اشغل الشريط هذا كثير بغرفة النوم

اخي الفاضل..بنتي ماشاء الله حافظه المعوذات والفاتحه وآية الكرسي صح تلخبط شوي بس احاول اعدلها وماشاء الله من فتره قبل لاتنام تقول قولي معاي يعني بس ابدالها وهي تكمل وماشاء الله دايما تقول بسم الله لما احد يفاجأها بشي او تجي بتطيح لاني لاحظت زمان اني مره قلتها عندهالما جيت بطيح فصارت احيانا تقولها فصرت احرص في كل شي اقول بسم الله وبصوت عالي علشان تسمع وماشاء الله الاحظها دايماتقولها
-بالنسبه للرقيه مستمره ع الاذكار(وشريط الرقيه دايما شغال خاصه بغرفتي واحيانا بغرفة بنتي)بس احيانا احس بتعب كأني باذله مجهودمثل الجري حتى لما احصن بنتي واقرا بصوت عالي احس شوية تعب واحيانا هي توقفني تقول انا اكمل اعرف بس اكملها بصوت اقل شوي علشان اضمن انها اتحصنت تمام وكمان وقت الصلاه وصلاة المغرب والعشاء دايما الخبط فيها خاصه المغرب اجلس اوسوس كم ركعه صليت احيانا اطنش اقول لو عدت الصلاه بفتح مجال اكبر للوسوسه واكمل صلاتي واحيانا اعيدها
-امس قرأت جزء من سورة البقره وبعدين شغلت شريط الرقيه ونمت وهو شغال كل شوي صرت احلم مرتين ببسه لونها اسود ومتمدده ما ادري هي ميته ولا لا ومره بالستاره حقتي الي لونها اسود وكأن فيه هواء يحركهاومره بوحده من اخواتي تشوفني وانا اهاوش ع الجني وماكنت ابغاها تعرف وحزنت لما شفتها انها عرفت واخر شي حلمت بالجني انه معاي بعلاقه حميمه واتفاعلت معاه يمكن ثلاث دقائق او خمس ما ادري وشوي رفع راسه وكلمني الا عرفت انه هو الجني وانتبهت انه ع هيئة واحد من اخواني فبعدته عني وصار هواش بس ما اتذكروش الكلام وبكل الاحلام الاولى كنت جالسه احصن نفسي بس نسيت وش الايات بالضبط اظن اية الكرسي وكنت اقولها بصوت عالي واجاهد نفسي واتنفس بصعوبه وكأني اقول هذا هو وبتحداه
-بالنسبه للبخورقليل ابخر بالبخور العادي اما الاشياء اللي بالرابط بعضها عندي وبعضها لسا ماجبتهابحاول ان شاء الله اجيبها بأسرع وقت..وبصراحه البيت صرت اتملل من ترتيبه بالرغم اني اجاهد نفسي بس مو عارفه ليه الكسل وليه اتضايق منه
-بالنسبه لمشاكل مع زوجي تصير احيانا وع اشياء تافهه جدا مثل قبل امس رحنا لمناسبه واتصل كذا مره ومارديت لاني ماسمعت الجوال وعصب علي وجلس يتكلم بالبدايه اتكلمت وبعدين طنشته خليته يتكلم لما يهدا لاني كنت متضايقه من نفسي ومو فايقه لشي كان راسي مصدع وشفت ام قريبته وكان دمي يغلي بهاوش عليها بس اختي اتصلت علي وقالت لاتسوين لنفسك مشاكل طنشي وحاولت قد ما اقدرامسك اعصابي وهي كمان راحت بدري ومو عارفه ليه دايما لمايصير عندنا فرح ولا مناسبه كذا اتضايق واحزن واجلس طول الليل مزاجي مو رايق
-فيه اشخاص كثير احس عندهم عين حاره وفي كلامهم تحس انهم حاسدين بس صعب نبعد عنهم لانهم من محيطنا مثل بعض الاهل والاقارب
-قبل كم يوم جاتني اضافه ع الفيس بوك من الشخص اللي خطبني وانتظرني سنتين بس قلت يمكن بالغلط لاني قبلها بيوم طلبت قريبته اضافه واضفتها وقلت يمكن بالغلط بيشوف ملفي فجاتني الاضافه لاني ما اتوقع شخص بعمره وبأخلاقه يكون هدفه شي ثاني بس ليه اصلا يشوف ملفي اخاف انه لسا نفسه باقيه هذا اللي فكرت فيه
-تفسير الاحلام زمان كنت دايما افسرها وتطلع ياعين ياسحر يانفس وعليك بالرقيه بس واتذكر زمان شفت ع شريط احدى القنوات شخص يطلب من الشيخ يفسرلها حلم وكان نفس احلامي وقاله الشيخ انه مس عاشق وعليك بالرقيه جلست كم يوم افكر وبعدين حاولت اطنش واقول مو شرط يكون نفس تفسير حلمي لإختلاف الاشخاص
-المشكله بعض من اخواتي يعانون من الجن كمان بأحلامهم ووحده منهم شعرها اتغير كثير وصار كله اكزيميا واحيانا ينزل منه دم ويوصل التقشير بالجسم للأذن ووراها وبأماكن معينه بجسمها تستخدم كريمات فتره يخف ويرجع مثل اول لما تترك الكريمات واستخدمت السدر يخف شوي ويرجع وقبل كم يوم تقول شافتني بالحلم وشافت كمان الجني وامس كلمتها ع اساس نبدا ببرنامج علاجي من تحصين للبيت والاستمرار بالرقيه بس تقول انا مافيني شي قلت واللي بشعرك والاحلام تقول عادي شسويلها والثانيه اتذكر زمان كلمتها وتقول اسكتي ما احب هالسيره قلت ولا انا احبها بس لمتى بنجلس كذا كل حياتنا خوف ..بحاول فيهم وان شاء الله اقنعهم او اخلي الوالده تساعدني
-اخوي انا ااسفه والله احاول اختصرلاني ادري انك مشغول بس مو عارفه لما ابدا اكتب يطلع كثير من الكلام يمكن بعضه ماله داعي بس مو عارفه كيف اختصر اكثر واتكلم بنقاط محددده يمكن لو تسألني عن اشياء محدده افضل بدل ما استرسل واكون ع راحتي

اهلا بك اخي الفاضل
-الوضوء احاول ان انتظم عليه بس احيانا صعب بحكم اني متزوجه بس حتى بعد العلاقه احيانا اتوضأوالتحصين الحمد لله مستمره عليه صح زمان كنت اقوله بسرعه واكون مشغوله بس الله يجزاك خير شددت عليًبهالنقطه والحمدلله احرص اني اقولها بقلب حاضر مو لاهي
-ايه احسه كثير مو مرتب الترتيب اللي انا راضيه عنه خاصه اني ما احب زوجي يشوفه بوضع مو حلو حتى لو ما اتكلم بس احياناكثير مع حرصي احس كل شي يتخرب
-والانواريعني تخرب قبل فتره بسيطه خرب نور المطبخ وامس لحقه النور الثاني بالرغم انه جديد
-لما اشوف ناس مو اتعب بس احيانا لما يرمون كلام احس فيه حقد وحسد ولو بالمزح احس اتضايق واقول ليه يفكرون كذا واحيانا اقول يمكن ماقصدهم شي بس انا اشك بزياده
واني اخذ من الاثر..احيانا اسويها بس احس صعب كل شوي اسويها فأقول انا احصن نفسي واتوكل ع الله وربي يكفيني شرهم
-اللي خطبني كان يبغاني بالتحديد
-اختي شعرها ماشاء الله كان طويل وكثيف جدا بس الحين لو شباصه صغيره تمسكه..واحنا نشك بالكوفيرا لانها اتذكر انها كانت سريعه بس مع اختي عصبت لانها طولت وهي تستشورلها وكان واضح عليها