بصراحة معك حق تزعلين انه ماراح خاصة انه قايل لك رايح، برايي مهما كانت المشكلة لما الاخر يعزمك معناته عمل الخطوة الاولى والمفروض الثاني يتقدم خطوة والا بتكون اهانة كبيرة وبتزيد القطيعة اكثر من قبل..

لكن بالنهاية مابيدك شي وماكان لازم تكبر المشكلة بهالشكل..

زوجك ماشاء الله قلبه قوي وموعامل حساب لاحد، حاولي تتفادي المشاكل معاه واذا كنتي نحسين انه يستغلك ماديا فاقضي على هالنقطة بصرف جزء من اموالك في شي يفيدك حتى ماتبقاله فرصة يطلب منك وتسكروا هالباب..


ومبروك عليك التوأم يتربون بعزك ان شاءالله

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

وليش هو دايم يعايرني انه ماأحد مثله وماأحد بيتحملني قده وانه اهلي مابيتحملوني .. تدرين وش قال لما وداني لاخوي عشان اركب معه يوديني لاهلي عشان العشاء! قال اخوك انفجع على باله طلقتك وجبتك .. يتمنن علي انه باقي ماطلقني .. بالله وين باقي بحس بالامان معه بعد اللي قاله لاخواني .. بالقوة قدرو يهدوه ويعدل عن الطلاق ... والله لو انهم ماهم عاقلين ويبون الصلح كان رماني زوجي بعد كل اللي وقفت معه فيه

الله يبارك فيك .. هذا اللي مضايقني ليش ماهو عامل حساب لأهلي .. والله لو كان فعلا يحبني كان وجب اهلي عشاني على الاقل .. ليش أنا اوجب اهله عشانه .. تدرين انه كان يمنعني اروح عند اهلي باولادي .. وكان يخرص علي لااتركهم مع اي أحد .. ولما سافرنا عند اهله بالعيد كان يتركهم مع اخواته وانا ماتكلمت قلت اكبر عقلي،، بالله مايحق لي ازعل وقتها؟

المشكلة ان نص راتبي يروح قروض والنص الثاني اجمعه للبناء


اللي مضايقني الان مو هو . اللي مضايقني ان اهلي عرفو اني طلعت له سيارة .. وانا اللي كنت مااعطي امي احيان الا كم كل سهر وشهر٥٠٠ .. وكنت اقصر عليهم .. بيقولو الحين تقصر علينا وتعطي زوجها .. والله هذا اللي مضايقني وندمت اني قلت لهم عن موضوع السيارة مو عشانه هو عشان موقفي قدام أهلي

والله اخواني طبين زوجي هو اللي قلبه مريض والعياذ بالله

لا مايستغلني حرفيا بس يتحكم في اللي اعطيه واللي ماأعطيه .. يبي خو اللي يستفيد من فلوسي وبس .. مايبيني اعطي اي احد من اهلي شي .. يقول خلاص اللي عطيتيهم وصرفتيه عليهم .. حتى السيارة اللي جبتيها لأبوك لهفوها .. يبيني اطالب فيها وهي سيارة صغيرة قيمتها ماتوصل٥٠ألف .. تخيلي .. قلت له طيب انت صرفت عليك وش اخذت منك غير التجريح والظلايم .. من جد يقهر اسلوبه تجريح وكلامه سم .. ياأعطيه واسوي اللي يبيه ياأكون عقلي مريض ومالي فائدة على قولته .. هههه .. المشكلة كل اللي صار في حياتنا من تخطيطي أنا من شراءنا لأرض لانجابنا لهالتوأم وبالاخير أنا عقلي مريض ومالي فائدة .. هههههه

اختنا العزيزة افتقدناك والحمدالله انك رجعتي لنا
ومعك اخبار السعيدة اللي تفرح الحمدالله ..

بنسبه لزوجك اشوفك صراحه غلطتي بحقه لانه
مو مجبور يحضر عرسكم عادي يعني مافيها شي

وهو يبدو انه انسان طيب ولا ماكان حاول يخفي عنك
عشان لا يزعجك وموقفه هذا افضل من انه يرد باسلوب اخر

وغلطتي انك تمني عليه بالسيارة خلاص انتي ساندتيه عشان يشتريها
وخلاص اعتبريها هديه العمر 😜

غلطتك الثانيه استعنتي باهلك واخوانك وبكيتي قدامهم ليش؟؟
ضربك او اهانك شتمك ؟؟؟؟ عشان تستعيني باهلك!!

زوجك رجال محترم ويبدو انه مهتم بك والاهم من ذلك يتحملك كثير
في اغلب مواضيعك اقول في نفسي ليش متحملها؟؟ الجواب امكن يحبك ^^

الله يرضى عليك حافظي على بيتك وتمسكي بزوجك مالك الا زوجك
ومثل ما قال لك ماحد بيتحملك الا هو لسبب واحد انه زوجك وكذلك طيب

ونصيحتي لك مهما ابدى زوجك من تصرف سي غطي عليه امام اهلك
لا تذكري عيوبه ..ع سبيل مثال عدم حضوره لعرس اخوك برري له امامهم
طلعه بصوره افضل من كذا

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

يسبك كل شوي لانو قلبك مليان منك ولو مايحبك ماابقاك معاه ويقولك كدا يباك تتغيري .. هالكلام مايفهمو الا اللي يعرف مواضيعك قبل وقد ايش نصحوك الاعضاء ..
انتي قلبك طيب وواضح دا الشيء انك طيبه بس ينقصك ذكاء بالتعامل ..طب قد جربتي تمدحيه وتعززي له اكيد بيعشك ملكه لو بس قدرتيه وماابينتي انك متصاغرته وانك متمننه عليه..

__________________
مضى مامضى والله على المقبلات يعين ..! وعسى الله يزينها على القلب لاشانت~

أبرر له كيف .. ليته قالي ماراح اروح كان أقلها اختلقت له ألف عذر وعذر عند أهلي .. أو تركت اطفالي عنده وتعذرت فيهم .. أما يقولي بروح ويطلعني كذابه وفوق كذا مقصر قدامهم فهي صعبة. .. ممكن أنا غلطت بهالشي واني كبرت الموضوع لكن هو ماغلط انه مافكر يبرر لي ويحتويني ويعتذر عن عدم حضوره بأي شيء..

ثاني شي ياما وقفت مع زوجي وقفات ووقفات ماجات على السيارة وماقلت شي قدام اخواني عشانه... وفوق كذا مو شايفني شي .. ولا مقدر لي أي شي ..

خلاص زوجي انكشف قدام أهلي ماعاد ينفع امدحه او اغطي .. مو من جيت اخواني لامن قبل .. من لما سوى العقيقة عند اهله وطنش أهلي ومن عدم جيته لزواج أخوي .. وهو نسيبه وخال عياله .. ولو عشان خاطري

تدرين من بعد سالفة رمضان لما طلبني سلف ورديته وطردني من البيت وانتهت السالفة .. قلت بطوي هالصفحة وبكون انسانة ثانية معه والله عشنا أحلى شهر في حياتنا انواع المدح والغزل والاهتمام .. وحتى هو قال انتي متغيرة مرة من زمان ماشفتك كذا .. وللاسف حصلت هالمشكلة نسفت كل شي ..

أنا مؤمنة إن مالي الا بيتي وزوجي واولادي ... ورغم كل هذا وربي اني احب زوجي وماابي نفترق بس ليش انا اللي مفروض اتنازل واعتذر .. ليش مايجيني هو ويعتذر او على الاقل نجلس نتناقش يحسسني انه مهتم .. عايشين برود عاطفي مميت أقرب للهجر .. أحس اني بدوامة .. حتى امي واختي ماسألو عني وش سويت مع زوجي وعسى تصالحنا .. أخاف يكونو زعلو مني لما عرفو موضوع السيارة .. هالشي مخوفني بعد