صدقيني ما تكلم زوجك من فراغ
اكيد فعلا فيك نقاط مزعجه دققي في نفسك
عمي مثلا يقول الانثى صدق ماترفع صوتها ابد
لا ضحك ولا مزح ولا حزن ولا كلام عادي
ابغاها تهمس همس
وفعلا لاحظت زوجته اوطى صوت فينا هو صوتها
خلاص تعودت
حتى كلامها العادي السوالف
وااااااااطي صوتها
غير كذا كلامها قليل خلقه
وهو مبسوط
من ناحية المزح كنت احيانا امزح مع زوجي
كأنه اخوي
قام قال لي كلمه
خلتني فعلا استحييييييييييييييي
قال( ابد كأني مع واحد من الشباب ) !!!!!!!!
والله انا وجهي حسيته تقطع وطاح وتنثر ولاعاد عرفت القطه
قالها كم مره
بعدين صرت انتبه لاعاد امزح معاه بهذاك الشكل...
ومن زمان والله ماعاد سمعتها
احد اسباب انك ترتاحين مع زوجك انك تعرفين انك فعلا تتعاملين مع زوجك
لا تقارنين بينه وبين زميلاتك ولا خواتك ولا اهلك ولا ولا ولا
له خصوصيته
شرايك يعاملك زي امه والا خالته ؟
كنك مره كبيره
والا زي اخته
يصير مره سطحي معك؟
والا زي بنته ؟
وهذي عاد ماتصير
شفتي كيف انتي لك خصوصيه
هو بعد له خصوصيه
دايما اذا حسيتي نفسك بتغلطين خذي نفس ودققي في تصرفاتك وانتبهي
حطي في بالك تسعدينه وربي بيقدرك
بالنسبه للزعل
اسألي امك او اقرب خواتك او صديقاتك عن زعلك
واذا فعلا انتي شينه
تذكري كم موقف وحلليها براسك وشوفي فعلا انتي نكديه او لا
وبعدين ليش تزعلين طالما زوجك يقول تكلمي
روحي فضفضي له وبصوت هادي وان شاء الله بترتاحين
لا تشيلين بخاطرك ابد
فيه حركه حلوه صرت اسويها
ونفعت معاي
اذا تضايقت وجا زوجي بيضايقني زياده او حسيت اني بأنفجر
اروح بكل هدوووووء اقول ترى انا واصله معاي ومتضايقه فياليت تخلوني لحالي
اذا جا يتناقش معاي عشان يمتص غضبي اقول له معليش اجلها لبعدين
واقفل على نفسي حق ساعه او اقل
وارجع طبيعيه
واروح استسمح منه
واكلمه بهدوء عن اللي ضايقني
ونتفاهم سوا
والحمد لله أهي ماشيه
بالتوفيق