أشكر جميع الأخوان والأخوات على النصائح ...


بالنسبه لأم الزوج قالوا لي إنه طيبه مره اللي يعرفونها ...


وهذا هو نفس إحساسي

عمه يقول ظروفه ماتسمح له صعب يفتح بيتين لأنه موظف عادي وانا لا أعرف وجهة نظر العريس نفسه هل عمه يتحدث رسميا عنه او من راس عمه هالكلام هو ماحضر عند الاتفاق على المهر اللي حضر عمه لأنه هو في منطقة عمله وعمه بالقرب منا ..

اذا رجل صالح وصاحب خلق ودين لاتفرطين فيه

لو ان كل بنت اشترطت الأستقلالية بعد الزواج لأمتلأت البيوت بنات وماكان تزوجت الا القليل من البنات

نحن عندنا واااااااااايد بنات يتزوجون الى بيت أهل الزوج وغرفة وحمام بعضهم

المرأة الصالحة تعيش حياتها لرضى رب العلمين مو لتحيا حياة النعيم

النعيم والراحة التامة في الجنة .............أختي وانتي لست صغيرة في السن

والله حتى الصغيرات يتزوجن في مثل ظروفك ............

أنا أقول لك ماراح تحصلين كل اللي تتمنينه لكن مو مهم

أهم شيء ترضين بمكتوبك وتجعلين حياتك سعيدة بالموجود وان كان أقل من الطموح

واجعلي غرفتك جنة والمكان التي تهدأ فيه نفسيكما وتكون به راحتكما وملاذكما

وأحب أقول لك ربما تجدين اختلاف في الطبايع او تجدين من أهله غير ما ظننت وتوقعتي

لكن أختي عليك بالصبر وكسب قلوبهم بأي طريقة خلي خاطرهم طيب عليك

ولا تجعلين احد يتدخل بينكم حتى لو كانوا أهلك لاتشتكين لأحد

واصبري وابذلي المعروف والكلمة الطيبة والهدية والابتسامة من القلب النظيف المسامح

والله بترتاحين وبرتاحون الجميع في البيت وبيصير البيت جنة لكم جميعا

وبتكسبي ود زوجك واحترامه وتقديره

هذي نصيحة أخت لك في الأسلام مرت بما انت مقبلة عليه ان شاء الله .


طمنينا هل ستوافقين ؟؟

*
*

ابدا الموضوع بسيط بإذن الله
اسكنوا مع بعض بس كل واحد لوحده

يعني شقتين بجنب بعض وافتحوها على بعض وخلو بينها باب
يصير انتي في بيتك مستقله
وأمه وخواته مستقلين ايضاً
وكلكم تحت نظره وتحت عنايته

__________________

وينها
كيف اتركتني
ليييييش ما جت في وعدها

لا تفرطين فيه
وتذكري حديث الرسوا ( اذا جاكم من ترضوت دينه وخلقه ازوجوه ....... الخ) او كما قال النبي صلى الله عليه وسلم

__________________
كتاب رجال من المريخ ونساء من الزهرة

لا تفرطين فيه

والسكن المستقل لا حقه عليه باذن الله
مهما طال الوقت

لكن فرصة الزواج من رجل بمواصفات ممتازة
قد لا تحصل لك مرة اخرى

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

أختي ما دمت قد صليت الاستخاره وشعرتي بميول اتجاهه فتوكلي على بركة الله وأنت بنفسك أعجبتي به ولا تنسي سنك لست بالصغيره وهناك العديد من الفتيات ممن يعيشون مع أهل الزوج وعلاقتهم جد ممتازه ولله الحمد والتعلمي أختي أن أغلب المشاكل تنتج بسبب أعمال المنزل وكيفية توزيعها فإن كانت لديكم خادمه فبإذن الله لن يكون هناك أي مشاكل

بالتوفيق عزيزتي ولكن نصيحه لا تضيعي الفرصه فهي من اسمها فرصه وقليلاً ما تتكرر

اخوانى واخواتى انا شاكره لكم على نصائحكم ...


بس مشكلتى انى ماادري عن رايه هوو هل كان ناوى على السكن مع اهله او بس هذه خطط عمه

عمه قال لاخوى ان هالشرط( فتح بيتين ) مايقدر عليه الولد لأنه في بداية حياته وقال لنا نرد عليهم اذا وافقنا على شرطهم وهو السكن مع اهله والمشكله اخوي يقول حتى لو احنا موافقين على شرطهم ماراح اتصل فيهم انا واقول خلاص وافقنا هم المفروض يتصلون لأن هم الحاجه لهم وغير كذا اتصالنا عليهم وموافقتنا على شرطهم كان فيه ايحاء باننا ماصدقنا يجون ماهي حلوه بحق اخوانى واهلي وهم بنفس الوقت مااتصلوا واخاف انسحبوا او يحسبونا مو موافقين .. مع العلم ان اخوانى اتصلو عليهم بعد المشوره والسؤال عنه اول ماخطبوا منهم وقالوا اننا موافقين فصراحه صعب اللحين بعد يتصلون عليهم ويقول موافقين على شرطكم لو هم اتصلوا افضل نقول راينا ..


محتاره والله بتاخرهم بالاتصال ادعوا لي ان الله ييسر اموري ويوفق بيننا

اللهم اختر لها الخير اينما كان وارضها به
عزيزتي
لا تتراجعين مع الوقت هو بنفسه يستقل خصوصا اذا حس بكبت حريته واذا رزقكم الله بأبناء

حبيبتي في الله...عليك بالإستخارة ثم الإستخارة ثم الإستخارة...ولا تقولي ما أحس بشي يالغالية انت بس استمري واذا في هذا الزواج خير ربي بيسهل عليك الأمور...وبما إنك إستخرتي والرجال أخلاقه عالية ومتدين..فعز الطلب يالغالية..ولا تنسي قوا الحبيب صلوات الله وسلامه عليه وعلى آله وصحبه وسلم:"إذا جائكم من ترضون دينه وخلقه فزوجوه"...وعسى ربي يسخرلك قلوب أهله...وتجتمعوا على الطاعة دائما...

ربي يسعدك ويسدد خطاك ولا تنسي الإستخارة..انا احاول حتى ادعوا بدعاء الإستخارة في السنن بغية تسهيل الامور إذا كانت خير..والله أعلم

اللهم إجمع بينها وبي مبتغاها"الصالح"واجعل بينهم المودة والرحمة والسكن إنك على كل شي قدير..آمين


دعواتك لأختك رحيق فهي في أمس الحااااجة لدعوة صادقة من أخت عن ظهر الغيب
دعواتك لي ولأهلي وأحبتي بالهداية وبالفرج القريييب"يالله كم أتمنى ذلك" وبالشفاء
والسعادة في الدانيا والآخرة..

أحبك في الله

والسلام عليكم ورحمة الله وبركاته

نصيحتي هي

الاستخــــــــــــــــــــــــــــــــــــــــــــ ــــــــــارة

مراراً وتكراراً حتى يتبين الامر