
محتاره في طلب الطلاق !!! ساعدوني أرجوكم
السلام عليكم ورحمة الله وبركاته
اخوتي اخواني في الله سامحوني ازعجتكم بمشاكلي اللي ما تنتهي مع زوجي .......بدخل على الموضوع على طول.......يوم الاحد اللي فات كنت قاعده مع ولدي يكتب الواجب مع الكتابه قالي ان نسى المحايه بالصف وبالبيت ما عندي قلت حق زوجي اني باروح البراده ((البقاله))عشان اشتري له محايه قال لي لا ما تروحين قلت له شلون عيل انت بتروح تييب له قال لي لا انه ما
بأجيبب له وانتي ما تروحين قلت له شاسوي يعني قالي محي بصبعج تنرفزت حدي ولبست عباتي وقلت له انه باروح قالي ما تروحين قلت له انت ليش ما تتفهم انه ابي اخلص الواجب مع ولدي قالي ما يهمني المهم انه قعدت اقوله اني باروح وهو يقولي ما تروحين لين قام وقف على طوله وعطاني كف على وجهي قمت
ودفعته ورد يضربني على وجهي من 15 الي 20 كف تقريبا الين انشقت شفتي السفلى شق صغير وتورم خدي وانطبعت اصابعه على وجهي وصار وجهي بنفسجي طبعا اليهال ما يدرون شالسالفه ولدي قاعد يضحك على باله ان احنا نمزح مع بعض وبنتي قاعده تطالع وما تدري شسالفه انه على طول اتصلت على امي وكنت ابجي وقلت لها اني مابيه ولا ابي اعيش معاه عقب اليوم امي قالت لي انه باكلم ابوج اتصل لي ابوي وقعد يهديني ويفهمني ان الطلاق مو حل ووعدني انه بيكلم زوجي عن الموضوع وانه قلت له اني باعيش معاه وما لي علاقه فيه الا اليهال وصار لي خمس ايام لا اكلمه ولا يكلمني ودايما افكر اني اتطلق بس لين افكر في المستقبل وافكر اني اذا تطلقت خلاص ما راح اشوفه ولا تربطني علاقه فيه اكتشف اني احبه وما اقدر على فراقه بس فكرة الطلاق شاغله بالي هالايام وحبيت استشيركم واشوف رايكم
تم تعديل العنوان ليتناسب مع المحتوى
المراقب / النور والحنان
__________________
لا اله الا انت سبحانك اني كنت من الظالمين