ولا تزعلين من الي يقولونة لان في ناس تفكيرهم جدا بسيط ؟؟ وبعدين أنت متى متزوجة ؟ جدا طبيعي يتأخر الحمل عن تجربة شخصية يمكن يكون عندج التبويض ضعيف أنا تأخرت في الحمل
لاتنسي الدعاء في كل صلاة والله يكتب لج الي فية الخير

صادقه اختي ذكريات الطفولة



كلامها صحيح 100% انا كانوا يحرجوني بأسئلتهم ليش ما حملتي ؟


مافيه شي بالطريق ؟


عسى المانع خير ؟


يمدحون دكتورة بالمستشفى الفلاني ؟؟




الخ..................................... ودارت الأيام ودارت وانا الآن حامل وقاموا يتفلسفون نبي ولد أن شاء الله بيجي محمد


العيد الجاي أن الله أحيانا حياه طيبه بيصير ( محمد ) معنا!!!!


مايدرون ان اللي في بطني بنت والله لينجن جنانهم ,, وعقب ما تطلع بنتي بالسلامه راح يقولون يله عاد جبتي البنت


احملي مرة ثانيه وجيبي محمد خلاص يكفي بنات !!!






ويله أشتغلي بالحمل كأنك أرنب كل ساعه حامل علشان تجيبين لهم ولد وأذا جا الولد انشبي مرة ثانيه


جيبي له أخو حرام الولد يجلس بين البنات جيبي له اخو !!!!!!!!










يعني كلام الناس مــــــــــــــــــــــــــا فيـــــــــــــــــه مجـــــــال ترتاحين منه ,, سواء حملتي والا ما حملتي راح يظلون


(( طفيلين ))


وأسئلتهم ما تنتهي أبدا ,,,وانتقاداتهم بعد ما تخلص ابدا

__________________

و نحن نعاني أيضاً !

فأنا عميدة التأخر في الإنجــاب

أربعة عشر سنة زواج دون إنجاب

دعواتكم

(رضا الناس غاية لا تدرك)انه يوم صار عمر ولدي 3 سنوات ابتدو يزنون على راسي متى بتحملين ولدج صار كبير لازم تجيبين له اخت او اخ ،ما يصير تقعدين جذي على ولد واحد وكنت اطنشهم واقولهم ما ابي عيال احين تو الناس مع انا كنا نحاول بس الله ما كتب لي الحمل الا بعد سنه من المحاولات ،في هاذي السنه انه عورني راسي منهم ومن كلامهم،احين بنتي صار عمرها سنتين يقولون لي بتنج كبرت اقولهم انه خلاص ما بجيب غيرهم يقولون لا انتي توج صغيره جيبي عيال والا زوجج بيتزوج عليج ،اقولهم زوجي مقتنع عندنا بنت وولد الحمدلله بس ما نبي غيرهم،،،،،عل وعسى يسكتون،،،،انتي سكتي وطنشي وقولي لهم انكم ما تبون احين وان انتو ماخرين الموضوع يمكن يسكتون ولا تحطين في بالج ولا تعورين راسج لاحقه على العيال وسندارتهم

__________________

دعوني أشارككم هذا الهم.. والله المستعان

أما أنا يا عزيزتي فأكتفي بكلمة ( الله كريم)

أو ( ما كتب الله )

وما أراد الله..

....... أما بالنسبة للأسباب فأدعي أنه لا يوجد سبب وكل شيء سليم


ورزقنا الله بالذرية الصالحة عاجلا غير آجل

قولي رحت للطبيب وقال لي خير وعطاني علاج وعد شهر قولي غيرت الطبيب واذا سفرتي انتي وزوجك قولي مرينا الدكتوره هدية الدكتوره زينب في منطقة كذا وعطتني علاج وطنشي انا والله الذي لا اله الا هو صاحب ابوي 15 سنه متزوج ورزقه الله بولد قبل سنتين والله الذي لا اله الا هو اخت زوجتي رزقها الله بولد بعد 4 سنوات من الزواج يعني ربي يكتب اللي فيه الخير مع العلم ان زوجتي ما تأخرت الا 4 شهور وحملت ونفس الشي سمعنا كلام زيك بالظبط ولكن اذن من طين واذن من خبز <<< لانه طولت عجين صارت خبز من الكلام الساخن اللي نسمعه

يووووووووووووه ياكثر ماتعرض له

انا للآن ماحملت

بس ماتأخرت واجد .. يعني سنه واربعه شهور

بس اكثر وحده تستجوبني هي زوجه اخو زوجي .. سلفتي يعني

ابلشتني

كل ماشافت خشتي سألتني .. خلصتي دراسه ولالا

انا : باقي لي تيرم

هي : طيب يمديك تولدين بعد ماتخلصين

قاعده تؤقت لي الولاده انها تصير في الاجازه هههههه

بس رديت عليها مره رد قوي خلاها ماعاد تسأل

سألتني كـ العاده ... انتي تاكلين مانع

قلت لها / شوفي ترا هـ الشي مب بيدي ولا بيدك ولا بيد زوجي ولا بيد احد الا رب العالمين


عقبها سكتت

يوووه ياشين اللقافه

انا في البداية سكتهم لأن اول سنة زواج لي كانت عندي دراسة, بس من خلصت دراستي اشتغلو علي كأن محد عندهم

إلا انا, وانا ما عندي الا اني اقول الله كريم احسن شي.

المشكلة يا اخواتي هذي مشكله المجتمع الذي نعيش فيه لا مفر منه

اني مريت بالهتجربة

بالاول مدة خطوبتي طويلة حوالي 6 سنوات واهل زوجي وبالخصوص والدته اهي اللي ما تركتني في حال رغم ان اهلي مقدرين ظروف زوجي الصعبة و لآنهم يشوفون زوجي شلون كان يصارع الريح والموج علشان يوقف على رجله يعني ماماخد راحته مرواح ومجي
تلاها بعد زواجي ان الحمل تأخر سنتين تقريبا ..
أهلي يعتبرون هالموضوع خاص فيني وفي زوجي فمحد منهم تدخل بس الكلام والهدرة وصلني من ام زوجي عن طريق بناتها و جناتها ..
في بداية الزواج كأي عروسين يستحون من هالموضوع فكنت ابتسم واسكت على امل مو اليوم بكرة بس لمن الموضوع تأخر شوي والكلام ما يزال يوصلني أهني حطيت خط أحمر وشديد الحمرة بعد علشان محد يتعدى على خصوصياتي

قلت لمرة حماي اللي جابت لي الكلام عن قلق ام زوجي ان كلام يوصلش ويتعداش لكل خوات زوجك ولأم زوجك بالتحديد ان الموضوع خاص فيني وفي زوجي وكل عائلة لها اسرارها واني وحدة ما ابي بعد هاليوم احد منكم يفتح لي الموضوع و قلت لها تخص ام زوجي بالكلام ليه جبت الولد لو البنت محد بيقعد يربيه غيري فلا تشيل همي اهي مب ناقصتني
ان الله رزقنا فهذا من كرمة ورأفته واحسانه وان ما عطانا فهذه رحمته ...

ودارت الايام والحمد لله الله عطاني

قومي يا ام زوجي وولدي في الشهر الثاني اشتغلي علي من جديد
زوجة فلان اللي ولدت اياي في نفس الفترة أكاهي حامل

فقلت ليه عليها بالعافية ليش تبيني ادخل سباق واياها

واتصور ام زوجي رغم انها تحبني اني بعد ما تتحملني في هالموضوع

ولدي قريب يكمل السنتين والنص واني للحين ما فكرت أحمل من جديد


ويمكن بعد فترة تدز على المنذوبين ...