ان شاء الله عزيزتي..........اولا اشتري زيت دابر املا الاخضر تلقينه في السوبرماركت او محلات الهنود

لا تشترين غير الاخضر..........واشتري كريم دابر بتلقينه في السوبرماركت ريحتــه حلوووه.....واشتري

شامبو ( هيمالايا ) بتلقين انواع اختاري اللي يناسب شعرج يعني للشعر ( الجاف أو الدهني أو المتقصف

وهكذا ) .....واستخدميه كالتالي:


حطي الزيت في الشعر وركزي على الفروة وبعد ما تحطين الزيت دلكي الفروة تدليك بسيط وهادئ.

خلي الزيت لمدة ساعتين او اكثر ....وانا انام بالزيت ويوم اصحى الصبح اغسل شعري لانه زوجي مب موجود

وبعدين اغسلي شعرج بشامبو ( همالايا ) لانه ما فيه مواد كيماوية

وبعد ما تجففين شعرج ...بتلاحظين النعومة واللمعان والتساقط بيتوقف من ثاني او ثالث استعمال ان شاء الله

ولا تنسين الكريم بعد ما يجف شعرج...علما بأني استعمل بلسم مع كل استعمال للزيت

كرري العملية كل يوم لمدة اسبوع ....وبعدين استعمليه

لمدة اسبوعين ( يوم وترك ).....وقيسي شعرج قبل الاستعمال وبعد ما تخلص المدة

ولاحظي الفرق في الطول...وعلى فكرة....من اول استعمال بتلاحظين في شعرج تساقط بسيط لا تخافين..

لانه هذا بيكون الشعر المتضرر والمتكسر.....ولا تستعملين اكثر من زيت لانه يأثر على الفروة ويتعبها..

انتي جربي اول استعمال وعطيني خبر.....اذا نفع معاج ولا لأ....

ملاحظة: انا استعمل حمام زيت مرة في الاسبوع .


واذا كنتي ما تحبين الزيوت ولا تحبين ريحة زيت املا لأن ريحته قويه...انصحج باستعمال منتج ممتاز جدا

ومشهور اسمــه ( كامينوموتو ) تلقين معاه مسرع لنمو الشعر والتونيك لتكثيف وتقويه الشعر...بتلقينه في

الصيدليات....معروف والكل يمدحه ونتايجه سريعه ومضمومنه....

الله يوفقج اختي.....واي سؤال انا في الخدمة...