هل عندكم الحاسة السادسة ..مثلي ؟؟ - الصفحة 2 - منتدى عالم الأسرة والمجتمع

28-11-2006, 10:04 AM

اعذروها

قلم مبدع

تاريخ التسجيل: Aug 2006

المشاركات: 1,822

هل عندكم الحاسة السادسة ..مثلي ؟؟

لا لا ..لا تصدقون ..ماعندي هذي اللي يسمونها الحاسة السادسة

واللي يقصدون بها . ..أنك تتوقعين حدوث الشي قبل وقوعه ..

أحيانا أحس ان حاستي السادسة(( نمبر ون ))

وكثير طبعا تخذلني

لكن قوة الأحساس عندي ..يكون مؤؤشر قوي ..على أنه راح يصير ..

تعالوا أعطيكم أمثلة ::

أحياناً ..لما يتقدم لي أحد ..وبالرغم من مرور الموضوع بشكل عادي ..لكن يكون عندي إحساس قووووي أنه ماراح يتم

وهذي صارت كثير ..

وحدة من صديقاتي في الدوام من السنة الماضية وهم يجهزون لعرس أخوها ..والسنة هذي كان محدد العرس لى نهاية هذا الشهر

لكن كان عندي احساس قوي أن ( هذا الزواج ماراح يتم)

والله كنت استغرب لما أشوفها تجيب لنا الفستان اللي راح تلبسه في عرس أخوها ..

وفجأة بين يوم وليلة ..قالت لي ..خلاص تفركش الموضوع ..والله اني مااستغربت

قصة ثانية : تقدم لي واحد بعد انفصالي ..وانرفض لأسباب مقنعة ..

بعدها قالت لي صديقتي أنه خطبب وتملك ..وهي حضرت حفلة خطوبته ..:14:

وجات تقول لي وتوصف لي

لكن ..انا بعد كنت حااااااااسة أنه ماراح يستمرون ..

وفعلا جااني خبر انفصالهم من كم يوم ..

الله يعوض على الجميع

..وكثير أمثلة لبنات أحس انه بتزوجون في فترة معينة ,وتصير فعلا :

((وإن كانت لاتصدق أحيانا))

* وأختم لكم قصة انفصالي ::

لما تقدم لي ..سألتني زوجة اخوي ..ها شلون تحسين ..

قلت لها:احس فرااااااااغ هنا ..وأشرت على قلبي ..

وفعلا والله كنت حاسة بفراااااغ في جسمي ..

المهم ..لما سألوا عنه وتم الموضوع ..وجا الشيخ يسألني عن الموافقة : ترددت كثير في قول نعم ..

وكنت ابكي وسألتني زوجة أخوي ..ليش تكبين ..

تدون إيش قلت لها :

قلت لها : أنا حاسة ان هالانسان راح(( يبهدلني ))..

ولما جاني أول زيارة وطلع ..قلت في خاطري : هذا مو أبو عيالي ..

ولما جا اخر زيارة مع هله ..كنت عااااااااااااااارفة إنها آخر زيارة ..

لدرجة اني قلت في خاطري لما شفته طالع من مجلسنا (( يارب تروح وماترجع ))

وسبحان الله ..هذا اللي صار ..

لكن بصراحة ما جا في بالي أني اح اكون مطلقة في يوم من الأيام ..

والحمد لله على كل حال ..

عموما ..حابة اسمع تجاربكم وسوالفكم ..

التعديل الأخير تم بواسطة اعذروها ; 28-11-2006 الساعة 10:07 AM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 01:37 PM.

روابط سريعه