قبل شوي اتغديت .. وجلست اطالع لقيت نفسي جالسة لوحدي على السفرة كالعادة ...

ايام الاجازات مانبطخ الا وجبة واحدة في اليوم .. ماندري فطوور او غداء او عشاااء ...

وخلاص كل واحد يدبر نفسه في الاكل .. واللي يبغى يجيب اكل من برة حر ...

طلبت من امي لما نرجع البيت من المدارس نلاقي غداء عشان نكوون جيعانييين ... (( بعض الايام طبعا مافي ))

ومثل كل يووم كل واحد ياخذ صحنه ويروووح غرفته او اي مكان يعجبه واجلس انا لوحدي على السفرة آكل .. وصرت

اطييييييييير بعييييييد في احلام اليقظة .. اكوون جالسة مع زوجي نتغدى ويقلي تسلم يدك ..

(( بس ان شاء الله يراعي شعووري لما اكوون راجعة تعبانة من الجامعه )) ..

اسوأ شئ عندنا 3 تلفزيونات في البيت .. واحد لاخواني الكبار (( 18 - 15 سنة )) والثاني لاخواني الصغار .. (( 7 سنين

وسنتين )) ... وواحد ليا انا واختي وامي ....

مااااااااافي احد يطيق الثاني .. امي تاكل لوحدها في غرفتها قدام الكمبيوتر وابويا لوحده و يخرج اخويا مع اصحابه ..

والثاني على التلفزيون في غرفته .. والثالث على البلاي ستيشن .. والصغيروون يلعب مع اختي وجالسين لوحدهم ..

وانا لوحدي على السفرة في الصالة ... اكلم نفسي واتمنى احد يجلس معايا ...

لما اقلهم تعالوا ما احد يرد .. ... واذا جلسوا ياكلوا بسرعه ويقوموا ...

انا فعلا اعيش في وسط اسري مفكك ...

احس احيانا اني اتعلمت من حياتي اشياء كثيرة ان شاء الله اصححها في حياتي بعدين ... ولايمكن اعيد الاخطاء ...

ياترى مين بيجلس ياكل معايا ؟.... والا لمتى باقعد لوحدي على السفرة مافي احد معبرني ...