عزيزتي زينة الحياه
صدقتي اختي زينه بخصوص الاستغفار فعلا الاستغفار صاير عندي مثل المضاد الحيوي اللي يحسن حالتي كثير وبس اوقفه اتعب ولازم استمر عليه وهو اللي يريحني ويخفف عني الحاله اللي انا فيها
وقلتي اختي زينه
اقتباس:
|
صدقيني أنا مجربة هالشيئ ومريت بظروف شبيهه بظروفك احس ما ابغى اتكلم ولا أروح ولا أجي واتمنى زوجي يطلع من البيت عشان ما اشتغل تدرين لدرجة أني شهر كامل ما طبخت ولا غسلت ملابس ولا نظفت البيت تخيلي الوضع شهر كله نوم وأكل ...... والله انتفخت وحالتي النفسية سيئه حتى الصلاة بالموت أصليها ....
|
ريحتيني بكلامج يازينه حسيت في حد مثلي مر باللي امر فيه وطمنتيني الله يطمنج باني ممكن ارجع مثل قبل وارتاح من هالضيق اللي يتعبني والزهق من الزوج والعيال
جزاج الله كل خير
............................................
الاخ abo_fah
جزاك الله كل خير على الرد والمساعده
.........................................
اختي كل الغلا
راح ادور على كتب الرقيه واداوم عليها
جزاج الله كل خير
.......................................
اختي شذى 30
وعليكم السلام ورحمة الله وبركاته
ارتاح بكلام من مرت بمثل ما اعاني وشفيت منه
بس قلتي
اقتباس:
وطلع عندي فري بسيط في الراس( بعد ما لفيت المستشفيات وكانوا يقولون عندك إختناق عصبي بسيط )
وسويت عند طبيبة شعبيه صبخة ( جبر ) ثلاث اسابيع
وقرات سورة البقرة كل ليله لمدة شهر
والحمد لله طيبة وكل شي طبيعي
أتمنى تكونين استفدتي من تجربتي
|
خوفتيني وش يعني فري بسيط في الراس !!!
.................................................. ........
اختي ليلي 610
بالنسبه للوظيفه حتى ولو كنت محتاجه للراتب بعد مابيها ومستحيل ارجع لها
سألتيني هالسؤال:
اقتباس:
|
هل عندما تجلسي في البيت سيتحسن الوضع ؟؟ اذا الاجابة لأ فلماذا تتركيها ؟
|
سألت نفسي هالسؤال وكانت الاجابه ............... لا !!
وادري اني اسوي شي غير منطقي بس ماقدر استمر فيه كل اللي افهمه اني لازم اترك شغلي وبس وباسرع وقت وانا ما ذكرت هالمشكله اللحين الا لان اجازتي قربت تخلص وصار لازم اداوم وهاللي تعبني افكر اموت ولا ارد لها بختنق يوقف الاكسجين عندي احس فيل قاعد على صدري كل شعور الضيق اشعر فيه من مجرد ذكري للوظيفه واني ممكن اداوم فيها لهذي الاسباب مابي اساعد نفسي باي شي يخص الوظيفه ابي اتخلص منها وبس وزوجي يأس مني وهلي من كثر مانصحوني تعبت اكثر وصرت من مجرد مايذكرون لي هالموضوع اطلع من عندهم واروح بيتي واذا كلموني في التلفون انهي المكالمه المهم محد يكلمني عنها
اما لماذا اتركها ؟؟ فلا ادري كل اللي اعرفه هو ان علي ان اترك الوظيفه نهائيا وبدون عوده يعني سالفه اجازه ثانيه لاااااااااااااااااااااااااااا
اقتباس:
|
اذا انتي لستي محتاجة للراتب اتركي الوظيفة مادام راحتك في الجلوس في البيت .. مادام انك تركتي الشغل وحالتك لم تتحسن يعني ان الوظيفة ليس سبب !
|
ياليلى انا اللي خايفه منه ان بداية كراهيتي للشغل هي الضيق والملل ثم تطور لضيق في النفس واختناق وخوف من العمل وانا اللحين اتضايق من زوجي وعيالي واتملل منهم بسرعه فهاللي مخوفني انه يتطور مثل ماتطورت الحاله عندي بخصوص الشغل وانا مابيها تتطور لهالشي عرضت مشكلتي وطلبت المساعده من الكسل والملل والضيق حتى من عيالي وزوجي اما وظيفتي مابيها ولا فكرت اطلب مساعده لاجلها ولا ابي ارجع لها
اقتباس:
|
اذا كنت خائفة من المستقبل اعملي مشروع خاص فيك وتابعيه كل فترة بذلك يصبح عندك ضمان ..
|
لا يا اختي ماني خايفه من المستقبل ابداً زوجي راتبه كبير ومرتاحين بس احنا كلنا موظفات يعني عندنا الواحده لازم تشتغل وشي متعارف عليه يعني نهاية التخرج وظيفه شي اساسي فشي غريب اني اترك وظيفتي الكل يقول الوظيفه سلاح للبنت وحتى الازواج يحبون زوجاتهم يكونون موظفات تريحه كثير وترتاح هي وماتحاتي ان حد بيحاسبها لانها فلوسها وعلى كيفها غير الهدايا من الزوجين تكون سبشل لكن اللحين هدايا من طرف واحد وهو زوجي بس اما انا ماهديه شي اولا لانها ماراح تكون بنفس مقام اول وثانيا لان مصروفي من زوجي يادوب يكفيني تعودت على الانفاق وماتكفيني لا الفين ولا ثلاثة
وثالثا لان مالي نفس اهديه بسبب الحاله اللي امر فيها !!
اما سالفة اني اعمل مشروع مستحيل اولا لاني اعاني من كسل وخمول من عيالي وزوجي فشلون بسوي مشروع !!
وثانيا مستحيييييييييييل لان المشروع يعتبر عمل وفيه فلوس يعني ضيق واختناق ومووووووووت لي
شي فيه عمل لاااااااااا !! نو واي!!!
اقتباس:
سواقة السيارة شيء خطر جدا عليك ..لماذا لا تتعاملي مع شركة يوصلك لاي مكان افضل من التعب ومادامت حالتك لا تسمح ؟
بالنسبة لعيونك انصحك للذهاب لاخصائي عيون او جيوب انفية .يمكن ما تعانيه بسبب مرض عضوي او نفسي
|
الغاليه انا عيوني مافيها الا العافيه فحصت عليها وطلعت سليمه وهي مو دايما اتعب منها لان الالم يتناوب بينها وبين نص جسمي وقدمي اليمنى وخاصه الابهام وسويت اشعه على قدمي وطلعت طبيعيه ومافيها شي وسويت تصوير بالموجات الصوتيه على خصرتي اليمين وكل شي والحمدالله طبيعي وسويت فحوصات مخبريه من دم وغيره والنتجه طبيعيه حللت الدكتوره الحاله بانها برد بخصوص نصف جسمي والعلاج كان مسكنات وكتبت لي فيتامينات فقط لان دمي على الحافه ولكن يعتبر طبيعي
وهالالام بس للمسافات البعيده نوعا ما من بيتي يعني مثلا اضطريت اوصل عيالي لمدارسهم او اضطريت اروح مكان بعيد شوي من بيتي تبتدي الآلام لكن المشوار القريب مايكون فيه اي مشكله بس هالالام كرهتني في السواقه وماودي اسوق حتى لمشوار قريب
اقتباس:
|
انا من رأيي تسافري شهر لاي مكان تغيري جو وتتحسن نفسيتك لانك يمكن تعبتي من الروتين اليومي شغل وبيت وذاكرة وزوج !! احسستي بالتعب ..لماذا لا تسافري مع اولادك اذا زوجك مشغول خذي الاولاد وسافري دولة عربية ..او اذهبي لقضاء عمره وادعي الله ان يفرج همك..
|
اي والله انا ودي اسافر عمره مع عيالي بحاول اقنع زوجي نسافر عمره ادري صعب اولا لان عمله حاليا مايسمح
وثانيا حتى لو باخذ محرم لي من هلي بعد فيه مشكله ثانيه وهي انه هو اللي بيدفع التكاليف كلها تذكرتي وتذاكر عيالي والاقامه في الفندق والاكل والتنقلات مو مثل قبل كنت اخفف عنه وحتى لو خاطري اسافر مع هلي يوافق على طول لان المطلوب موافقه بس والفلوس عندي واروح بأي وقت واذا احتجت ماعلي الا اسحب من الصراف ولو بطلب من زوجي فهو شي بسيط لكن اللحين ؟؟؟
بس شسوي مو مني ...........
ادعيلي ان الله ييسرلي سفر للعمره
وجزاك الله كل خير
.............................................
الاخ / أحمد عبد الرحيم
اشكرك على المساعده
وجزاك الله كل خير
............................................
aho1420
بإذن الله سأتخذ الاسباب
واشكرك على المساعده والدعاء ولك بالمثل
وجزيت كل الخير
............................................
__________________
.................. رفقاً بالقوارير .....................
26-01-2007, 09:52 PM
ضوابط المشاركة
العرض العادي
