مــــــــــــساء الخيـــــــــرااات ,,,

هذي قصه جدآ اعجبتني لاخت نقلتها لكم

وحرصت على نقلها لما اقراء بعض شكاوي الاخوات(( وانا اولهم ))والتسخط من الحياة والاولاد

تفضلوا:::


أكتب لكن تجربتي من واقع حياتي
أكتبها لكل أخت تمر بظروف صعبه


لي ثلاثة اطفال
وبيت وزوج .. وكنت أعاني حياة مريره جدا لدرج اني كرهت بيتي كره .. المطبخ ..
الغرف .. كل شي فيه كرهته
عجزت أوفق بين شغل البيت من طبخ وكنس وغسيل ملابس وكوي وغسيل صحون
وبين تربية اطفال وتحمل شقاوتهم وصراخهم وخرابهم وكان بينهم طفله رضيعه ماتنام الليل
وكثيرة البكاء وبين اني أتزين لزوجي واتجمل له وبين اني أكون بنفسيه رايقه ومرحه ومبتسمه ..

أقولكم عجزت أوفق بين هالامور .. نفسيتي تعبت ومليت وزهقت من عيشتي
دايماً حزينه دايماً اتشكى
دايماً أبكي بكاء كأني طفل او كأن مصايب الدنيا فوق راسي (الله يكفينا شر المصايب )
المهم .. تغيرت حياتي وكرهتها وعلى قولت الاخت البحاره تمنيت اني ماتزوجت
( على ان أغلب الي في سني ماتزوجت أو مامعها الاولد أو بنت )
انجنيت وقلت اكيد راح يصير فيني شي حتى اني كنت اقول في نفسي ليته يجيني انهيار عصبي واترقد بالمستشفى وابعد عن هالبيت ويحس بقيمتي ومن هالافكار ..
حتى الطلعات كرهتها لو بغيت اطلع لازم اتجهز من يومين واذا طلعت من البيت طلعت وانا نفسيتي منهاره ..
مرة شهور وانا حاليتي حاله حتى اني اقول اكيد انه فيني شي غير الناس ليش انا كذا..
لين الله برحمته وتوفيقه فرجها من عنده ..

تبون تعرفون السر
هو (لايمان بقضاء الله وقدره خيره وشره )
ادري انكم راح تقولون كلنا راضين وانا كنت زيكم اقول راضيه
لكن هالمره اقولها بشكل ثاني
هالمره عشت معها أكثر
عشت معها بكل جوارحي في كل لحظه من حياتي والحمدلله الذي هداني لهذا وماكنت لأهتدي
الحمدلله الذي وفقني وعلمني وارشدني
كل ماتعسر علي شي اردد (( اللهم ارضني بقضائك وبارك لي في قدرك ))
اذا صارلي شده أردد (( اللهم ارضني بقضائك وصبرني على قدرك )) بيقين داخلي ورجاء ..

سبحان الله ياأخواتي يهون كل شي ويتيسر من شغل من اي شي يضايقني ..

واذا انزنقت اومليت او زهقت من هالضغوط
رددت (( الهم ارزقني نفسأ مطمئنه توقن بوعدك وتسلم لامرك وترضى بقضائك)
وهذا الدعاء لرجل كانت الدنيا وكأنها فوق رأسه من هموم فأتاه في المنام اتٍ وقال له هذا الدعاء
فجاء الى الرسول عليه الصلاة والسلام فذكر له الدعاء وانه بعده اصبحت الدنيا لاتهمه فقال له الرسول عليه الصلاة والسلام ( فقد رأيت خيرا فالزم )
وذكر ان ابا معاويه الاسود يقول في قوله ( فلنحيينه حياة طيبه ) قال الرضا والقناعه
وفي الحديث ان ارسول صلى عليه وسلم قال (اذا اراد الله بعبد خيرا رضاه بما قسم له وبارك له فيه واذا لم يرد به خيرا لم يرضه بما قسم له ولم يبارك له فيه )

في كل لحظه من حياتك وانت تشتغلين وانتي تبي تنامين وانتي جالسه في كل لحظه
قولي (اللهم أرضني بقضائك وبارك لي في قدرك )

الجدير بالذكر اني قاعده أكتب الموضوع واعدل فيه الظهر وماخلصت الا وهو يذن العصر
وبعد التعب وقصة الظهر مادريت الا الموضوع ضاع بلمح البصر ضاق صدري قلت انا كاتبه
الموضوع عن الايمان بقضاء الله وقدره احسن لي اطفي الجهاز وأروح أصلي وقمت ورددت
اللهم ارضني بقضائك وباركلي في قدرك ورحت
يوم جيت بعد ساعه تقريباً ابعيد لكن الموضوع يوم فتحت الجهاز ثم الموقع
والله يمكن ماتصدقن
والله والله اني لقيت موضوعي موجود ماضاع بالعاده ينحذف لكني لقيته ولله الحمد والمنه
له الحمد وله الثناء الحسن..

ادري طولت عليكم
لكن اتمنى انكم استفدتوا ..

والسلاااااااااااااام ..

__________________