أهلين شاهين..

الحمدلله على سلامة زوجتك و أم عيالك، و على البركة المولود جعله الله من مواليد السعاده

أنا ما أنصحك انك تعيد صباغة أي غرفة في البيت... لأن ريحة البوية تطول ما تروح و ممكن تسبب حساسية للطفل أو لك أو لزوجتك لا سمح الله ((أيضا الورود المجففة ممكن تسبب حساسية))

أول اقتراح: أنك تتأكد من نظافة البيت .. لأنه شي مزعج لزوجتك لو جت و لقت شغل البيت ينتظرها.. خصوصا انها جايه و معاها بيبي يستنزف كثير من طاقتها.

ثاني اقتراح: بما انك حتروح تجيبهم من جدة.. معناته ما تقدر تجهز شموع أو تملي البيت ورود لأن الورود تذبل مع الحرارة.. إلا إذا كنت حتشغل المكيف أو إذا كنت حتجيب نوعية من الزهور (غير الورد) تكون تعيش اطول.. زي امممممممم هذا


ثالث اقتراح: انك تجهز غرفة البيبي بأشياء تريح زوجتك أثناء عنايتها به.. زي الكرسي اللي حتجلس عليه وقت ما ترضع البيبي ، طبعا هذا بالإضافة للهدية اللي حتقدمها لها شخصيا

لأنه في معظم العوائل في الرياض يقدم الزوج هدية لزوجته بعد الولادة.. يسمونها ظهارة و هي عبارة عن حلي و مجوهرات عالية القيمة

رابع اقتراح: من اجل إضافة أجواء رومانسية إذا كان في مساحه في حديقة البيت تسمح بإضافة حوض سباحه صغير.. زي الأحواض البلاستيكية اللي تستخدم للأطفال و يتم نفخها بالهواء..
ممكن تسويه زي الجاكوزي .. بس من غير التيارات المائية
تعبيه مويه.. و تحطه في مكان ما تشوفه زوجتك اول ما تدخلون البيت... تغطيه كويس عشان ما يجيه غبار أثناء رحلة الذهاب و الإياب.. و يفضل ان الغطا ما يكون شفاف..عشان ايضا يضيف حماية من الشمس
تشتري خمس وردات أو أكثر(روز حمراء) و تحطها في الثلاجه عشان ما تخرب،، هذي تستخدم لتزيين الحوض بأنك تقطع بتلات الورده وحده وحده و تنثرها في المويه... أو ممكن بدل الأحمر تستخدم الروز باللون اللي تحبه زوجتك.


تفصل البتلات زي اللي في الصورة.. أثناء ما زوجتك تحط البيبي في سريره او وقت هي تكون مشغوله و مو منتبهه لايش انت تسوي.. و تحط البتلات في المويه و ممكن تضيف للمويه ايضا ثلاث او خمس نقط من زيت عطري((زيت خشب الورد)) راااائعة ريحته زي الورد بالضبط و تلاقيه عند محل في شارع العليا العام بجانب مطعم توتي بيروتي ووو اسمه "كل شي طبيعي" يمكن تلاقيه بـ 27 ريال ... فيه عندهم برضو زيوت عطريه كثيره ممكن تستخدم خليط انت تختاره
ممكن تختار اللافندر ، أو خشب الصندل، أو خشب الأرز (خشب الأرز و خشب الصندل روائحهم دافئة و قوية)
http://www.aromaweb.com/essentialoils/default.asp في هذا الرابط تلاقي اسماء الزيوت العطرية و استخداماتها و حتى وصف لرائحتها.. بس للأسف بالانجليزي ، و هذا موقع ترجمة قوقل http://www.google.com/translate_t
((ملاحظة مهمة:عند استخدام الزيوت العطرية يجب عدم الإكثار لأن رائحتها مركزة))

لا تنسى بعد تضيف شموع صغيره حول الحوض... نور الشموع يعطي الجو شاعرية خاصه
و تكون مجهز عصير من نوع تحبه انت و زوجتك و نوع خفيف من الحلى .. تتناولونهم اثناء ما انتو تسترخون في حوض السباحه إذا تحبون
و أخيرا.. لا تنسى تجهز مناشف تكون قريبه وقت ما تحتاجون تطلعون من المويه

ممكن تختار حلى التيراميسو من صدى التحلية.. مره خفيف جربه اليوم و إذا عجبك خذ من بيتكم كاستين حلو شكلها إذا كان عندكم من الكاسات اللي بساق زي كذا

بس اللي في الصورة تيراميسو بالفراوله.. مو زي التيراميسو العادي

فإذا كان عندكم كاسات زي كذا.. ممكن تخلي الكافي شوب يسوون لك التيراميسو فيها بدل ما يحطونها في علب البلاستك حقتهم... طبعا تاخذها قبل ما تروح لجده و تحطها في الثلاجه مع الورد و العصير.. ما يضر لما ينحط في الثلاجه

طبعا مو لازم زي اللي في الصوره.. بس انا حطيتها كمثال

احس اني كتبت كلام كثير
ان شاء الله ما اكون شوشت افكارك

الف مبروك على المولود الله يجعله من ماليد السعاده
اضافة الى ماذكره الاعضاء اشتري حق زوجتك قمصان نوم من نعومي ولاسنزا لان اشياءهم حلوه وناعمه والله يسعدكم

مبروك على المولود والله يخليهم لك ويديم عليكم السعاده


عندي إقتراح


ممكن تستعين بفلبيني من إحدى محلات الزهور بصراحه العماله الفلبينيه مره ذويقين إتفق مع أحد منهم لتزيين البيت وهذا فيه إختصار للوقت وإذا أنت محتار في إبتكار طريقه جديده في البيت.


وإقتراح إضافي بأن أول يوم توصل فيه للرياض يكون في فندق فخم وتكون متفق معهم بتجهيزه ( أو مع محل خاص كما ذكرت ) بتزيين الجناح في نفس اليوم اللي راح توصل فيه مع مطعم وحلويات ومشروبات ... الخ

وكذا حتى يكون البيت نظيف ومايحتاج لتعديل ( طبعا البيت تكون معدل فيه بعد وتفاجأها بالتغيير فيه)


هذا إقتراحي وأتمنى يعجبك



والله اتمنى لكم التوفيق من كل قلبي

وصدقني أي شيء تسويه لها راح يفرحها لأنك أهتميت وفكرتك بمفاجأتها


الله يوفقكم

__________________
اللهم أغفر لوالدي وارحمهم واجمعني بهم في جنتك

مهمــا أمثــل فرحتـــــي
وأمشـي وأعيـــش بدنيتــي
تبقى ملامـــح بسمتـــي
فيـــها علاااماااات الألـــــــم

الله يسعدك يانوووووووور ويوفقك ان شاء الله

اذا امكن تذكري لي اسماء محلات راقية وزينه لملابس النوم النسائية
اكون لك من الشاكربن
بارك الله فيك

هلا اخوي الشاهين

جزاك الله خير على الدعوات الحلوة ولك بالمثل اخوي


بالنسبة لملابس النوم النسائية فيه محلات منها


نعومي


لا سنزا


اذا كنت من الرياض ( محل لانجري فيمنين في مملكة المرأة عنده تشكيلة رائعة)


ايتام


السواني


دبنهامز .

*
*
*

أنصحك بعد تشتري حق زوجتك بخور عندك


من محلات أجمل ............العود المبخر

من أجمل .................سيدة الخليج

بخور راقية............. أظنه من الرصاصي

والعود بالعنبر من القرشي رووووووووووعة



الله يوفقك ويسعدك مع زوجتك وولدك ويحفظكم الله .

والله عاجز عن الشكر لك من كتب ونصح
والله يرحم موتانا وموت المسلمين
ولا يرينا وياكم مكروه يارب العالمين

اشتري لها عقد ذهب وللولد العاب حلوه

تعلمو يا رجال تعلللللللللللللللللللللمو!!!!!!
معليش لسه ظغطي مرتفع ومعصبة من احد الاعضاء قال بيتزوج علي زوجتة عشان جابت لة عيال!!!!!
هذي الهدية !!!والله فرق!!!!
ماشاء الله الخوات وفوا وكفوا اتمنى انهم افادوك
ومبروك البيبي وحمدلله على سلامة زوجتك

هند بنت عتيبه الله يسامحك
رحت اركض من الروضة الى المحل الي قلتي لي عليه وهو ( كل شي طبيعي )
وللأسف تفاجئت عند سؤالي للعامل عن الروائح العطرية الموجودة
فبأستغراب رد علي وقال وش هذا الي تقول يازول ( طبعاً العامل سوداني )
قلت هذا مو عندكم قال لا احنا ما نبيع زي كذا وخت نفسي ورجعت الى الستي بلازا ما طاب لي شي عندهم

المهم من اجتهد واخطأ فله اجران
شكري للجميع

الشاهين


نبغى تخبرنا شو سويت حق زوجتك


ووش كانت ردت فعلها


نبي نستفيد منك ويستفيدون منك الرجاجيل


وتحمسنا نحسن لأزواجنا علهم يسوون لنا مثل ماتسوي حق زوجتك


الله يبارك لكم ويحفظكم .