السلام عليكم ورحمة الله وبركاته

اختي ام اليمان .. بارك الله فيك وبارك في زوجك ووقته .. وجعلكما قرة عين لبعض ..

اختي والله ذكرتيني بنفسي .. انا " ملكت" وعقب اسيوع تقريبا زوجي سافر .. وين كندا .. ابعد مكان في الدنيا .. والمكالمات نااار .. والله يا اختي كانت اغلب محادثتنا ع المسنجر وصرت اكره المسنجر .. صج هو الشي الوحيد اللي يربطني فيه لكن ماودي فيه ابيه ف التلفون ابيه عندي ..

واحنا اللي ملكتنا بس سنه والله حسيت اني بمووت وهو كذا مرة حاول يقرب موعد العرس بس ربي مايكتب ..

وتعبنا نفسيا من قلب .. لكن ربي ماينسى عبيده ..

اختي زوجج مشغوووووووووووووووووووووول .. انا يوم عشت هنا مع زوجي .. والله عرفت ... تلاقينه الود وده بدال الرساله يرسلك عشره .. ووده سماعة التلفون ماتنزل من ع اذنه ..

لكن مابيده حيله .. الدراسه والمصاريف .. والرجاجيل واااايد يفكرون .. اشلون بيتزوج اشلون بيعيش اشلون اشلون .. مش مثل الحريم .. يفكرون اشلون يسعدون الرجال .. اشلون يدلعونه انا ماقول لج الرياييل مايفكرون في هالشي بالعكس بس يفكرون اكثر اشلون يعيشوونج معززة مكرمه ..

وصدقيني انتو اللي صبرتوا هالسنتين .. ربي بيصبركم ع هالشهرين وبيجمعكم مع بعض عاجلاً غير آجل ..

بخصوص الرسايل .. انا رأيي ماتقطعين .. حسسيه انج دايما معاه .. انا يوم كنت ارسل لزوجي ومايرد يقول لي والله اني رسالتج تفرحني وتريحني وقتها بس من ضيق الوقت ماقدر ارد ...

بس في الاخير اختي انتي ادري واعلم بزوجج.. يعني انتي تحسينه مل من الرسايل .. والا انه من ضيق الوقت ..


ربي ييسر لكم ويبارك فيكم .. واعذريني ع ردي الطويل .. بس حاااسه فيج .. واعرف اشلون تكون المعاناة يوم كل خطيب ف صوب .. خاصة اذا كنتوا تعشقون بعض ..


" اللهم اجمع اختي ام اليمان مع زوجها عاجلاً غير اجل .. ووفق بينهما .. و اقذف حب زوجها في قلبها .. وحبها في قلب زوجها . واسعدها وبارك لهما في اوقاتهما ومالهمها وحياتهما .. اللهم آمين ."

اختج .. أم فطومه

السلام عليكم

بصراحة الاخت حاملة الهم كفت ووفت فكلامهاجدا رائع

اقول لك يا اختي لا تصاريحي زوجك لانه مشغوووول كثيرا و انت ما شاء الله لا زال شهرين و تتزوجي :14: فاصبري قليلا مادام انت عارفة انه يحبك و مشتاق اليك فلازم تقدرين ظروفه و تقفي بجانبه و لا تحسيسيه ابدا انك مليتي (رغم اني حاسة فيك) و ايضا انت قلتي ان المكالمات غالية فلهذا اصبري شهرين و ربنا بيجمعكم مع بعض ان شاء الله .... انا يا اختي مثلك انا بلد و زوجي فى بلد اخر و نحن ايضا سنتين مخطوبين بعقد شرعي و اذا تأخر زوجي فى المكالمات اقول اكيد هو مشغول فلا تفكري و لا تحملي هم ....فقد فكري بالحظة التي سوف تقابلين بها زوجك بعد سنتين اشتياق:17

و ياااااااااارب يجمعكم مع بعض على الخير و يسعدكم و يجعله قرة عين لك و تكوني قرة عين له
آمييييييييييييييييين

__________________
قال الرسول :من لزم الإستغفار جعل الله له من كل هم فرجا و من كل ضيق مخرجا و رزقه من حيث لا يحتسب
يارب يا كريم اشفي ابنتي تالين (لا تنسوها من دعائكم)

خففي المكالمات واضغطي على نفسك في هالأمر

خليه يتشوق لك ويشتاق ليوم اللقاء .

ياحبيبتى ماتفكرى فى اى حاجه خلاص باقى شهرين بس على الزواج باذن الله

__________________

	يارب يا جبار الخواطر أجبر بخاطرى

اختي الكريمة الله يجمعك انت وزوجك في اقرب وقت ويسر زواجكم يــــــــــــــــــــارب

__________________

[frame="1 98"]اللهم بعزتك وجلالك ارزقنا من حيث لا نحتسب
ويسرلي زواجي وجعل ابنتي من الذرية الصالحة يا رب[/frame

]