بالهداوة اخوي ولازم انك تكون حازم في الامور مع زوجتك

اكيد زعلاتها الكثيرة وخروجها من البيت بسبب تعاملك غير الجدي مع زوجتك .


في مثل هذه الحالة يجب ان تجلس معها وتعيد الموازين من اول وجديد . وتحاول انك تحاسبها


وتحاسب نفسك على اي مشكلة من البداية عشان ما تكبر ..

اخي الكريم استهدي بالله
وجيب حكم من اهلك واهلها وتناقش معاهم وبينلهم سبب المشكلة وان شاء الله تنحل المشكلة
وجلس انت وزوجتك وكل واحد يكشف اوراقة وقولو اللي في قلوبكم
عشان تصفى النفوس
وان شاء الله ما يكون في داعي للطلاق
وادعو الله ان ييسر اموركما ويسعدكما

__________________

[frame="1 98"]اللهم بعزتك وجلالك ارزقنا من حيث لا نحتسب
ويسرلي زواجي وجعل ابنتي من الذرية الصالحة يا رب[/frame

]

لا تخليها تطلع من البيت .. قول لها تجلس في البيت وانت الي اطلع منه ..

قل لها هذا بيتك وانا الي المفروض اطلع انتي وبناتك اجلسو في البيت ..

اذا حسيتها تلم ملابسها بتروح لبيت اهلها .. قل لها انتي اجلسي انا الي بأطلع ..


اطلع عن البيت يوم يومين لحد ماتروق تعال وراضها ..
راح تستحي على دمها مع الوقت وتترك عنها هالعادة ..

اما تفكيرك انك راح ترمي عليها يمين الطلاق عشان الشهوه ياخي كبر مخك ..

__________________
********

وين اهلها عنها مايكلمونها ماينصحوها عن خطائها كل مازعلت تركت البيت وجات عندهم ..

شوف يااخوي اذا مشاكلكم تافهه .. خليها في بيت اهلها تتأدب فترة عشان تتعلم قيمة الزوج وتتحمل مسؤلية محافطتها على بيتها .. وراح هي اللي تدور عليك وعلى رضاك ..

طبعاً هذا اذا ماكنت انت غلطان ومسوي شيء احنا مانعرفه ..

يعتمد على حسب اسباب زعلها اذا هي تستاهل فانت الغلطان واذا هي ما تستاهل فحاول تكلمها بالموضوع

اخوي
استكانة شاي شكرا على مرورك

اخت بندوره2007
شكرا على مرورك انا فعلا احبها لكن هي مي فاهمة الشي هذا وفعلا الفراق والوحدة واشتياقي لها وللبنات متعبني بس بصراحة بديت اتعود على الوضع وانا اشوف انه هذا مو في صالحها لانه هذا يقسي قلبي عليها وحتى على البنات , في الماضي كنت مااقدر ابعد عنهم يومين والحين يمر الاسبوع وعندي استطاعة ان ابعد اسبوع ثاني وثالث.
بالنسبة للطلاف انا فكرت فيه بجدية لكن قلت ابصبر واعطيها واعطي نفسي فرصة لاني بصراحة ما ابغى اكسر خاطرها واخلي الحاقدين يشمتون فيها ولا ابغى اشتت بناتي وان شاء الله كل مامر الوقت نفهم بعض اكثر .
الغلط في المرة هذه على وحاولت اراضيها واقدم لها رضوة بس هي طلبت رضوة فوق استطاعتي ورفضت لكن مو كل مرة اكون انا غلطان من يوم ماتتزوجنا خرجت من البيت حوالي خمس مرات معقول فيها كلها انا غلطان وانا بصراحة اشوف ان الزوجة المثالية تختبر في مثل هذه المواقف اذا زوجها غلط عليها وصبرت فهذا دليل على انها تحبه .

الاخ او الاخت نبض القلب111
شكرا على مرورك وفعلا هذا اللي بسويه بس على الله يجيب نتيجة.

الاخت عناد
شكرا على مرورك بصراحة مااقدر افشي اسرار بيتي حتى لو ماحد عارفني بس المشكلة الاساسية تكمن في انها مثلك عنادية وعصبية جدا المرأة الصالحة هي اللي تطيع زوجها مو تحط نقرها بنقره.

الاخت ام خالد
شكرا على مرورك بالنسبة للطلاق والزواج من الثانية هي متوقعته في اي وقت وهذا الشي محسسها بقلة الامان والمصيبة انها تسوي العكس بدل ماتتمسك فيني وترضيني عشان لا افكر اطلقها او اتزوج عليها تقوم تغضبني وتهجرني لكن ايش نسوي ناقصات عقل.

الاخ محمد هيا
شكرا على مرورك والله المشكلةبسيطة وما تستاهل لكن روحتها لبيت اهلها تكبر المشكلة وتزيد الفجوة بيننا .

الاخ رادع
شكرا على مرورك وفعلا انا اللي عودتها على هذا الشي لكن يصير خير ان شاء الله لو جات خارجة ثاني مرة بقولها لو خرجتي مالك رجعة يعني لو خرجت فهي طالق.

الاخ العازم
شكرا على مرورك والله ياخي في جميع المخاصمات اللي مرت لو انها ماخرجت كان تصالحنا لكن خرجتها لبيت اهلها تعطي الشيطان فرصة انه يكمل مشواره في الوسوسة ومباعدة القلوب بس ايش نقول وايش نخلي.

الاخ فهد هاشم
شكرا على مرورك بصراحة في المرة الاخيرة انا اللي كنت غلطان وفعلا المشكلة مبنية على مشاكل قبلها وانا ان شاء الله احاول انهي المشاكل من جذورها واغير نفسي واغيرها كمان وهذه احد الوعود اللي وعدتها بها يوم اتصلت اراضيها بس هي حطمتني لما ردتني وخلت معنوياتي صفر.

اخ فهد - الجبيل
شكرا على مرورك ...انا والله حازم جدا ويمكن هذا اللي مزعلها مني . بس فعلا زي ماتفضلت لازم نجلس ونرتب اوراقنا من جديد ونحاول ننسى اللي فات والله يكتب لنا اللي فيه خير ان شاء الله

الاخ corazon
شكرا على مرورك وصدقني جبنا حكم من اهلي وحكم من اهلها وحكم دولي كمان ولا في فايدة لانه ماحد بيحل مشاكلنا الا احنا لانه الاهل لهم الظاهر .

الاخ او الاخت ياربي لاتحرمني

شكرا على مرورك بس اطلع اغيب يومين وين اروح الله يهديك ماعندي دوام اليوم الثاني.

الاخت ندا
شكرا على مرورك مشكلة اهلهاانهم يشوفونها انها هي صح وانا الغلطان بس لو يفكرون بعقلهم يلقون انه مومعقول في كل مرة انا غلطان الله ماشفناه بالعقل عرفناه.

الاخ او الاخت هضبة من الجهل
شكرا على مرورك والله المشكلة ماتستاهل لكن الشيطان شاطر وانا اخوك.

محبكم
راكانوفا

[ان من خلال تجربتي ارى ان الزوجة اذا راحت بيت اهلها لن تجد الراحة هناك .
مرة زعلت من زوجي ورحت بيت اهلي كم يوم حسيت اني بتجنن ...اخواتي المتزوجات يجون زيارة ويروحون وانا جالسة والبنات والعيال يروحون مدارسهم وانا مقابلة امي اللي قتلتني بنظرات الشفقة المهم ماصدقت زوجي اتصل يسال عن ولده على طول حليت المشكلة وقلت توبة وصدق من قال البنت في بيتها اميرة وفي بيت اهلها اسيرة.
لكن اذا استمر وضعك كما هو عليه ارى انك تتزوج لان الغرض من الزواج هو الستر وصيانة النفس .
واذا ودك ترى عندي لك عروسة ههههههه امزح..
بس اذا قررت انا ممكن ابحث لك عن انسانة طيبة.
بالتوفيق ان شاء الله[/QUOTE]

شكرا لك اخت زوجي بموت فيني .........اسم جميل الله يديم لك حب زوجك فيك وانا والله اموت في زوجتي لكن هي مي عارفة الشي هذا .
بالنسبة انك تشوفين لي زوجة انا اشكرك على الخدمة هذه بس بصراحة ماودي اكسر خاطرها واجيب لها ضرة وان شاء الله هي ماتجبرني على الشي هذا .

السلام عليكم ...


أخي الغالي //


أختي المتزوجة , لا يعطيها زوجها مصروف أبداً ... لها او لعيالها ...

ماستدعا ... نومها عندنا لمدة شهر كامل ...

مع كذا ماستطاعت , لان أطفالها عنده ... وهي تشتاق لهم وله ..

مهما يكون حاول تكون أنت رجل ولا يعيبك شي ...


كن حازم ... حتى لو أستدعى الأمر أن تتزوج ثانية ...


أنت الان تهدم بيتك بيدك ... حاول تتفاهم معها ... أنك تحبها والمشاكل لابد في الحياة الزوجية


فلا يستدعي كل مرة نزعل فيها تذهبين الى بيت اهلك ... أنتي تقتلين الحب الذي بيننا ...


كن حازم ... وهددها ... لانك قد تفكر في الزنا والعياذ بالله ..!


والله يحفظك .

__________________

الاخت زوجي يموت فيني

انتي حكمت على المساله على طول واعطيتي الحل انه يتزوج وبتساعدينه على العروس

انتي قاعده ساهمين في هدم بيته ولاتنسين عنده بنتين

الشي الثاني ذكر انه هو الغلطان موهي وماندري اش الغلط يعني لو مكانه انتي اش بتسوين؟


واتمنى تتقبلين كلامي بصدر رحب

اخوي راكانوفا اتمنى انك ماتستعجل ولاتنسى عندك بنتين يعني المفروض يكون الطلا ق اخر الحلول

وبما انك انت الغلطان المره هذه انا من راي تراضيها وبعدين تفهمها ان اللي تسويه غلط المفروض ماتطلع من البيت
هذا راي