السلام عليكم ..



يابنات قولو الحمدلله حالنا وربي احسن من مليون غيرنا .. بقولكم قصة وحده قريبتي ..


بنت عمرها قارب على الــ 40 .. جامعيه .. يتيمه .. بنت بشوشه .. طيبه ..

اخلاقها عاليه .. محبوبه من الناس .. جميله .. لكن فيها عيب خلقي ..بنظري انا يمكن التغاضي عنه بصفاتها الحسنه المذكورة بالاعلى

قبل فتره تقدم لها شخص مطلق لااكثر من مره ( واحتفظ بعدد مرات طلاقه) .. لا ينجب .. ولا يعمل ..


رأها بالشوفه الشرعيه ووافق عليها .. لكن لمن شافوها اخواته طلعو عيوب الدنيا فيها .. لكن هو وافق وقال البنت عاجبتني ..


بعد فترة ترك الموضوع ومااتصل على اخوانها ولا حدد موقفه هل هو يبغى البنت ولا لا !! ولمن اتصلو اخوانه عليه قال انا ماابغاها


بعد شهور رجع لها وقال انا تعلقت بااختكم .. هنا اخوانها ماوافقو لانه باين انه لعاب ومزواج .. لكن هيا ياعيني المسكينه راضيه فيه ..


تمت الملكه وطارت من شدة الفرحه .. وبعدها بــ 3 ايام اهانها وعايرها بعيبها الخلقي وقال الناس تطالع في بسببك .. وقال لااخوانها رجعو المهر ولا اعلقها لكم واتزوج غيرها !!!!


ها يابنات ايش رايكم !!!

حسيتنفسي مكانها .. لاني ذقت طعم الذل والمهانه ..

وربي قلبي تقطع لحالها دعيت لها ربي يفرج كربتها ويسهل امرها ويعوضها خير ..


يابنات ماابغى منكم غير الدعوات لها بان يفرج الله كربها ويأجرها في مصيبتها ويخلف لها خير منها .. لاتنسوها يابنات من صالح دعواتكم لانها بحاجه للدعوات اكثر منا ..


قولو الحمدلله الذي عافانا .. واصلح لنا شأننا .. وجعلنا مرتاحين البال والخاطر ..

__________________


اللهم فرج كربتي ويسر امري واكتب لي الخير يارب