احسن شي تكلمين الطبيب القائم على علاجه
لانه ممكن يفيدك بكيفية التعامل معاه ويمكن تكونين جزء من العلاج

ربي يشفيه ويخليه لكم

انا ناويه على هالشي ان شاء الله بمراجعته الجايه بروح معاه وان شاء الله يفيدني هالشي مشكوره اختي

اختي اعانكِ الله ..
الحل الوحيد لتجاوز هذه المحنه هي ايجاد علاج جذري لمعانات زوجكِ النفسيه وتجاوز اثار تلك الصدمه وهذا يكون بالعلاج وزرع الثقه من جديد نحو الطرف الاخر من قبل زوجكِ ..
فلهذا اختي يجب عليكِ ان تساعديه بزرع ثقه زوجكِ بنفسه وفي غيره.. وحثه بطريقه واخرى على الخروج والانفتاح مع المجتمع وتكوين علاقات اجتماعيه خاصه مع من تثقين بدينهم وعلمهم في بدايه تلك المرحله لكي يساعدوه في تجاوز تلك المرحله ..و ممارسه الرياضه وخاصه الرياضات ذات الجهد الحركي العالي ..
ولاانسى اختي انه في حال استمرار زوجكِ على دواء معين لمده سته اشهر بدون فائده ملموسه انصحكِ ان تراجعي طبيب اخر غير الذي صرف العلاج الاول ..علما بارك الله فيكِ ان جميع الادويه النفسيه هي غالبا مهدئه وتقلل نسبه المشكله لحدما لكن يبقى الجزء الاكبر هو عليكِ بمساعده هذه الادويه وهو العلاج السلوكي ..هناك كثير من المواقع والمنتديات التي تتعلق بالامراض النفسيه فأرجو ان تقومي بعرض مايعانيه زوجكِ من اعراض نفسيه والادويه التي يستعملها على المختصين بها وفي النهايه سوف يكون عندك تصور معين للتشخيص الدقيق لحاله زوجكِ وكيفيه علاجه دوائيا وسلوكيا.. وفي الختام انصحكِ نصيحه عليك بدفع بالصدقه بنيه الشفاء لكن عن طريقكِ انتِ شخصيا وزوجكِ بحيث تذهبين لا حد الفقرا وتقومي بزيارته ودفع الصدقه له ففيه راحه نفسيه كبيره واجر اكثر وتغير لروتين حياه زوجكِ اليومي ..

اشكرك اخوي على كلامك بصراحه ريحني كثير وانا بالفعل قاعده اسوي هالشي يروح لبرعه ويجتمع معاهم على الاقل يلتهي عن التفكير والوساوس ..

والعلاج اللي يأخذه ممتاز جدا والدليل غلات ثمنه غالي جدا لكن يصرف له ببلاش من المستشفى مشكورين تصوور ثمنه 4000 ريال سعودي لان مفعوله قوي وان شاء الله يفيده مع الايام لكن مشكلتي انه لي الحين يفكر ويسرح كثير ..

بالنسبه لمواقع الاستشارات النفسيه ياليت تدلني عليها لاني ماني عارفه القاها اسفه اذا ثقلت عليك مشكوور اخوي علي رايك وحلك ..

الله يكون بعونج يا اختي

الغاليه احس الموضوع يبغيله متابعه من دكتور او استشاري نفسي

__________________

ماأملك لك الا الدعاء الله يفرج لك

الله اعلم حاولي اختي ان لا تشعريه بالحاجه الماديه وان حالكم ما شاء الله افضل من كثير وان الله هو مقدر الارزاق . ثم ان كان بامكانك اعملي في مجالك وساعديه قولي له انك بودك العمل و اثبات مهاراتي لا تذكري الماده ابدا.
والله يرزقكم ويشفيه اللهم امين امين

__________________
بـــــــــغداد لا تتالمي بـــــــــغداد لا تستسلمي

اخوي لووف 3 انا حاليا ادور وظيفه لان شهادتي دبلوم ويبيلها وقت عشان يقبلوني اتوظف وانا يشهد علي الله ماعمري ضغطت عليه بالفلوس بالعكـس اكثر الاحيان اذا احتاج اعطيه ومره بعت ذهب عشان خاطره ..

والمشكله الكبرى اخوي يأخذ منه فلوس كل شهر وسبب له ازمه ماديه

اختي مياس مشكورره اختي على مرورج وانا بصراحه محتاجه لدعائج جزاج الله خيير

اختي اول شي الله يعينك ويصبرك ويشفيه يارب

اسمعي اختي على قولة المثل أسال مجرب ولا تسأل طبيب

والدي عنده نفس حاله زوجك تقريباً بس الفرق ان سبب المرض لوالدي من جدي لان كان يخاصمه قدامنا ولان يطلب منه يعيش معه ويعطيه راتبه المهم والشاهد في الموضوع لازم توقفين معاه أنتـــــــــــي وحطي بينها اقواس كثيره انتي

لان المريض مايحب احد يتعاطف معاه اي احد اي كان لكن من زوجته وعياله بالعكس بيفرح

اول شي اترجي فيه انك تروحين معاه لدكتوره مثل مااعمل انا ومع ان في البدايه ماوافق ابوي رفض نهائيا ولحد مااقنعته وان احنا نحبه ونبي له الخير ولمن كنت اروح معاه في البدايه كان يحفظني وش اقول للدكتور وسويت الي قالي عليه في البدايه لكن اخذت رقم الدكتور وكلمته وقلتله كل شي (( لان المريض النفسي لازم احد يروووح معاه لان هم مايدري عن حاله )) فاهمتني <<<<<< هذا من ناحية الدكتور

ومن ناحيه البيت حاولي باي طريقه تكونين معاه ولا تتركين له مجال يفكر ابدآ ..... انا بصراحه اجلس عند ابوي وكل ماشفته راح بعيد اصرخ عليه ويستوعب ويضحك بحركتي

واهم شي والمهم والهام الــــــدواء بانتظام وعلى الوقت ابوي صارله اكثر من 15 سنه على العلاج والحمدالله على كل حال صحيح احيان يظطر التنويم بالمستشفى وجلسات كهربايئه لان احيان مايعرفنا وينكرنا لكن الحمدالله الحمدالله يارب وين كنا وين صرنا اللهم لك الحمد والشكر

واي سؤال انا حاضره اختي بس باامانه اصبري عليه والله اني عشت الحاله مع الوالد وقد ايش تعبنا وهو نفسه تعب اكثر منا والوالده تعبت كثير بس صبرت صبرت ماشاءالله تبارك الرحمن وبصراحه اقولها لو بنات هالوقت مايصبرون لان عاشت معاه عيشه كثير صعبه

وحاولي انتي تتصدقي بنيت شفاءه وحاولي معاه يترك الاغاني ويواظب على صلاته وصدقيني مافي شي على الزوجه مستحيل لاتجلسين وتناظرين وتقولين ماااقدر

وبالنسبه لأخوانه انا بصراحه ماشفت عماني وقفو مع ابوي استغفرالله يارب والله ماغير زادوه مرض من كثر مايطلبون منه فلوس وسيارات لهم وماقولك هالشي اكرهك فيهم لا والله بس اقولك هالشي من واقع تجربه وماكانو يعترفون بمرضه ويقولون طيب بس احنا الي تعبنا والله لان عايشين معاه والله يطوول بعمره ويخليه لنا يارب قوولي آمين

واسفه اختي طولت عليك بس والله بغيت اساعدك وحزنت بصراحه كثير وذكرتيني باشياء كثيره الله المستعان

تحيتي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(