عادي سنها مناسب للمشاركه حتى لو ماكانت متزوجه

__________________

كان قلبي في ايديك ضامنه لا ما يخون
لا ولا بحلمك اجيك هذا في حكم الجنون

اكره البنت الوقحه والجريئه

ذكرتني في بنت مثلها من جرائتها تتكلم في كل مكان

وعادي ماتستحي

ليه القهر !!!

والله انا اشوف الموضوع عادي

يعني البنت كبيره والمفروض تعرف هذي الاشياء

ولاحياء في العلم

وما اشوف الموضوع فيه شئ

وهالشئ يختلف من ناس لناس

فيه ناس تستحي تتكلم فيه مع بناتها وفيه امهات عادي تحب تكون خلفيه لهذا الموضوع عند بنتها

علشان ما تتعلمه من برا البيت

__________________

و الله فعلا حركة تقهر .. انا لو مكان امها بنصدم اكيد و ما ادري كيف بتكون ردة فعلي بس اكيد ما بتقبل هالكلام..

هو صح في هالزمن مو شرط الوحدة تتزوج عشان تعرف معلومات مثل هذي لان الدنيا صارت مفتوحه و سهل ان اي حد يعرف عن هالمواضيع .. بس في نفي الوقت الحياء مطلوب و كون البنت تتكلم بهالجرأة و الوقاحة شي مو مقبول بالمرة

ول ول ول خليتوا البنت وقحه و جريئه و الحركه تقهر
انتوا شفيكم ؟؟
ما تدرون ان اغلب مشاكل المتزوجين ان الزوجه ما تعرف شيء و امها تستحي تتكلم معاها عن هالأشياء
ما تدرون ان اغلب خراااااااب المراهقه ان الولد او البنت يسمعون هالكلام من برى ما ندري اذا كان يقول لهم هالشيء بطريقه صحيحه و الا لا
لا تقولون بنات آخر زمن
لكن قولوا
يااااااااااااااه على زمن التخلف
خلاااااااااااص عاد البنت في ثالث كليه و كبيره و فاهمه بلا تخلف و لا تصفونها بالوقاحه رجاءاً
هي ما قلت ادبها و صحيح موقفها
الحين انتوا ياللي تقولون بنات آخر زمن مسوين فيها انكم ما تعرفون شي قبل ما تتزوجون ؟؟؟
واذا انها تجرأت فما في احد غريب بنت خالتها و امها وش صار يعني

مجتمعنا متخلف و طوووووووول عمره بيظل متخلف
هذي البنت يمكن انها تعرف اساليب انتي نفسك ما تعرفينها
مو شرط انها مو متزوجه صار مالها حق تتكلم
استغفر الله
الا كلامك انتي اللي يقهر مو حركتها

عادى موقفها مش يقهر ايه المشكله هى لم تقل كلام قبيح

حبايبي كلامها عادي ومانكر اني قبل ماتزوج كنت اعرف شغلات متاكدة ان امي ماتعرفها الي قهرني جرأتها الي احرجت امها بس كلنا كنا عارفين بس البنت ميزتها الخجل وانا من مويدين تثقيف البنت قبل الزواج بس مع التزام الادب والخجل مو المفاخرة بمعرفتها

طريقة البنت غلط مو لهدرجه الجرأة

أوكي الناس تغيرت وصار الكل يعرف
حتى المراهقات يمكن يعرفون أكثر من امهاتهم
بس يظل إن البنت لها وقارها

تحياتي

__________________
أختكم id123 بحاجة ماسة لدعــــــــــــــــــــــــــــائكم
أحبتي لا تنسوني من دعائكم في ظهر الغيب

اولا" :عطيتوا الموضوع اكبر من حقه ,,
ثانيا" : الموضوع والموقف مافيه اي شي يخدش الحياء ,, والبنت ماكانت وقحه لان اللي كانوا موجودين الام وبنت الخاله ,, فكيف تكون وقحه ,, الوقاحه يااعزائي تكون من البنت في حال تكلمت في موضوع مايخصها ,, وهالموضوع هي اكثر وحده يهمها حتى لو ماتزوجت ,, لانه بكرا بأذن الله راح تكون مثل امها متزوجه ,, وهذا اعتبر مثل التثقيف لها..
ثالثا" : واللي يقهر بجد ان الام سكتت ,, فالمفروض انها تاخذ وتعطي او على الاقل تسكر الموضوع بشكل وطريقة ذكيه ,, مو تسكت وتنحرج ,, لانه لا مجال للحياء في هالموضوع ..
رابعا" : لو الاهل عرفوا ان البنت تكلمت عن هالموضوع مع احد ثاني لاأقاموا الدنيا وأقعدوها على رأسها ,, وأن تحدثت معهم التزموا الصمت ,, أو وبخت كأنها اجرمت وفعلت الشيئ العظيم ..
خامسا" : يابنت الخاله لو قمتي بالتحدث معها بهذا الموضوع بكل اريحيه (اعني موضوعكم المطروح عن الحمل,, وليس نقدك على التصرف)لكان أجدى من طرحه هنا بالمنتدى كمشكله عظيمه ومصاب" جلل ..

**
وبصراح أكثر أنا قبل زواجي كنت اعاني من هالمشكله يعني اذا دخلت مجلس وكان فيه نساء متزوجات وكانوا يتحدثون عن مواضيع تخص الحياة الزوجيه ,, اول ماادخل ارى علامات الاستياء على وجوههن واماأن يلتزمن الصمت او يقلب الى موضوع مخالف جدا" لموضوعهم السابق ,, فشي طبيعي انه انا راح انحرج وقد يسبب الم في نفس الفتاة كما شعرت بذاك الالم حينها ,, او الاشد الما " حين اكون ثالث امراتان وانا العزباء بينهن وتاتي احدهن بالمبادره بسؤال الاخرى(المتزوجه)وفجأه تتراجع قائله:لا أذا صرنا لحالنا ,, أو أستحي من فلانه توها ماتزوجت ,, هنا احس اني ابنفجر من القهر على التخلف في المجتمع ,, <<هذا الكلام من قبل زواجي فكيف بالوضع الان مع التغير في الزمااان والعقليات ,, فأصبحت ذات ال15ربيعا" افقه مني ومن غيري من المتزوجات باأمور الزواج !!!!!!!!!!


هذا ماوددت قوله ,, واعتذر ان كنت مندفعه بعض الشيء ,,,










.