اي والله كسبت خبره اني مستحيل اتوسل له مره ثانيه ولا اترجاه

مشكوره ياختي على النصايح

بصراحة زوجك ما عنده سالفة الحين مشاورته ومترجيته وهو بيطلع عنك وموراضي .....

غريبة ............الله يهديه ...............

اذا جا حسسيه بالذنب باسلوب غير مباشر .......

حبيبتي شكلك حساسه وبالك موطويل وتقولي مافيه فايده
ترى كل رجال عنده نقطة ضعف حاولي تكتشفيها وراح توصلي للي تبغيه
وانا ماشوفه اهان كرامتك بالعكس هو نبهك بعدم الاصرار وشكلك فرضتي رايك وهو ركب راسه
روقي الجوا وخليه يدخل البيت وانتي جالسه بكل زينتك وابتسمي راح تلاقيه يراضيك وانتي بدلالك قولي له هنت عليك راح تلاقيه يراضيك ومنها راح تعرفي سبب رفضه
الله يسخره لك

السلام عليكم ورحمة الله وبركاته,
اختي ديمه الله يعينش على زوجش...يمكن زوجش متحسس من عيال عمه علشان كذا ما خلاش تروحين او ان بنت عمش ما تجيكم فقال اذا هم ما يزورونا ليش احنا نزورهم...وكرامتش مصونة وما فيها شي بس عنوانش كان شوي كبير

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

أولاً : ياأختي الكريمة لا تزعلي من زوجك الحمد لله هو ماأهانك ولاشيء هو أعطاكِ نصيحة إنه مايحب يشوفك تترجي بهذا الشكل

وفعلاً أنا ماأحب أستخدم أسلوب الترجي ...ياتوافق ....يالا

لكن عندي طرق أخرى أخليه يوافق وكنت كتبتها في موضوع قديم سوي له بحث في المنتدى بعنوان (تعالوا يانسوة أعلمكم مكر النسوان)

ومنها إنك إذا أردتي استئذانه للخروج ورفض

فردي بدلال ....(على أمرك أنت تأمر)...وقولي بدلع وضعف وكسر خاطر....(كان نفسي أروح وانبسط ...بس بما إنك مو موافق فخلاص ما راح أروح فرضاك عندي أهم من كل شيء وأرسمي إبتسامة على وجهك ولو مصطنعة)


شوفيه بعدها كيف بيصير


وبعدين ماشاء الله عليكِ مارحتي لبنت عمك من شهر؟؟؟ الظاهر دائماً تخرجين لهم .....ويمكن هذا الشيء مايحبه زوجك فخلاص طيعيه ...فزوجك هو جنتك ونارك





ولاتنسين إذا بغيتي شيء اطلبيه بدلع وتغنج ...وليس بترجي وتقبيل الأقدام.

__________________

الله يهدي زوجك ويحنن قلبه عليك


اللهم اميم ويسخركم لبعض

__________________
أستغفر الله اللذي لا اله الاهو الحي القيوم واتوب اليه

ياديمه ياحبيبتي لا تشيلين هم الرجال عليهم حركات احيانا يطلعون فيها
بس مو مشكله حاولي تحسسينه بذنبه بس بشكل مو مباشر واذا هو يعتبر الترجي
اهانه لا تترجينه قوليله وافق كان بها ماوافق الدنيا ماشيه سواء بطلعه او بغيرها
بس اهم شئ لا تشيلي هالسالفه بالك وفوتي واحمدي ربك ماقال لك كلمه شينه لان شكله مو رايق
ولا تقولين ما ينفع معاه اعرفه بالدعاء والاسلوب والصبر تقدرين تغيرينه للي تبين
اتمنى لك التوفيق اختي

س- كم لكم متزوجين ؟

س- كم عندكم ابنا ؟

وبعدين اقدر اجاوبك

مع الشكر

متزوجه من ست سنوات

عندي اثنين
الله يخليهم لي

يلا بانتظار اجابتك

السلام عليكم ورحمة الله وبركاته

أختي العزيزة ديما ...


بصراحة أنا استغربت من رد الأخوة والأخوات لأن فيه شي مهم كنت أنتظر أقراه في أحد الردود ومالقيته !!!!


وهالشي مهممممم جدا جدا


أختي



ما فيه كرامة بين الرجل وزوجته


هادي الكلمة أمسحيها من قاموسك مع زوجك نهائيا

في عجوز عندنا حكيمة تقول ....

البنت يوم تتزوج تعلق كرامتها وعزة نفسها "والخ من هادي الألفاظ" على باب بيتها تاخدها معها لما تطلع منه بس !!!


حبيبتي زوجك هو نفسك ... والله العلاقة الزوجية أعظم وأكرم من أي علاقة ..
ولازم نحن نستغلها ونتعامل معها بطريقة فيها حكمة وذكاء شوي



أختي كل رجل وله عيوب كما له مميزات "مو كل رجل بل وكل انسان"
ونحن لازم نشوف مميزات اللي نحبهم ونحاول نتجاهل عيوبهم ونتعامل معهم بطريقة نحاول نغيرهم أو نتأقلم معهم


أنا ما أقدر أحكم على زوجك وعليك .. منو الغلط في الموضوع لأني ما أعرف عنكم شي


ولكن أختي كما قلتي زوجك مايحب أهلك .. هادي مشكلة لازم تتعاملي معها ويمكن تبغالها وقت !!

أنا مثلا .. زوجي مايحب أحدى أخواتي لأن صايرله مشكلة مع زوجها من قبل زواجي ... يقولي باخدك عندها بس ماتطلبي مني إني أروح لهم ...

تكلمت معاه كثيرا بالموضوع بس هو رافض

المهم مرة عزمتنا أختي أنا وزوجي وكنا وقتها عرسان ... وخلت موعد العزومة نحن نحدده حتى مايعتذر زوجي ويقول أنه بالشغل ... حاولت معاه قال روحي إنتي أنا ماني رايح !!!


المهم
ماعدت تكلمت معاه في الموضوع بس يوم العزومة مانمت وظليت بالليل بين الكتب أجمع الأحاديث والآيات اللي فيها عن المتخاصمين و "والكاظمين الغيظ والعافين عن الناس " وغيرها
كتبتهم له بورقة ووضعتها بشنطته اللي بياخدها معه للعمل ... وكتبتله بعد أني أعرف مدى حرصه على طاعة الله وعلى كسب الأجر وإنه قلبه كبير .... وإن الخيار الأول والأخير له !!!


"طبعا الحمد لله أنا أعرف زوجي يوقف عند شرع الله وحدود الله والحمد لله تعالى"

المهم اتصل بي وكتبلي شعر جدا حلو يشكرني فيه ... وراح معي لأختي .. تصوري وتصالحو وماعادت والحمد لله فيه أي مشاكل بينهم !!!



آسفة أختي طولت عليك ....


بس بقولك سر زوجك إنتي بتعرفيه ولكل رجل مفتاح ...
والباين زوجك يكره كثر الإلحاح .. أطلبي منه مرة واسكتي ... ولو رفض وطلع لما يرجع عامليه بالطيب ... بل عامليه أفضل وأحسن من قبل ...وابتسمي في وجهه .....وجهزيله مثلا عشاء حلو ... وبعدين قوليله مثلا ... صحيح أنا كانت عندي رغبة إني أروح ... بس رضاك عندي أحسن من الدنيا ومافيها .... صدقيني سيخجل من نفسه


آسفة جدا جدا على الإطالة وأتمنى أكون أفدتك !!!

__________________