مرحبا غاليتي

ماقول غير الله يهدي لك زوجك ويبعده عن الحرام وازواجنا وكل المسلمين

غاليتي لاتنسي مداخل الشيطان وان الشيطان شاطر الله يبعده عنا وعنكم والمسلمين

لكن كيف تقولين اكره ياحبيبتي هذا زوجك جنتك ونارك وطالما انتي واثقه انك مو مقصره معه

لايضيق صدرك ولا تبالين ادري يالغاليه ان صعبه عليك الموقف وانا والله ما الومك

والله يكون بعونك بس ياحبيبتي اكيد ان علاقة زوجك بربه ضعيفه لان الواحد اذا كان يخاف ربه

ياخافه في السر والعلن حاولي معه لاتتركيه هو محتاجك تكوني جنبه تسانديه ودايم ذكريه بربه

وانك ماترضين يسوي معك كذا بس ياحبيبتي باسلوب وهداوه مو تجينه كانك تكلمين ابنك

وقولي له لو دريت ان اسوي شيئ غلط وغير كذا ماترضاه وش بيكون شعورك حط نفسك بمكاني

وانت احكم وعلى فكره حبيبتي ترى الد الاعداء واكثر من يدعيه لهذا الشيئ الاصحاب

احمدي ربك جت على كذا انا اعرف لك وحده ياحبيبتي تسولف علي بنفسي ومو قادره تمسك روحها من البكاء

تقول انها لقت شريط فيديو لزوجها مع اصحابه مسافرين لاحدى الدول شرق اسيا واصحابه عراه ومعهم نساء

لو انتي مكانها ماراح تجلسين ثانيه واخر ماتفكرين فيه ولدك بتقولين مو ضايع بس هذي تدرين وش سوت

راحت وعطت الشريط زوجها وكلها حزن واسى والدموع تملى وجهها وقالت له ابي تبرير لتصرفك هذا

لا والادهى والامر انه مسافر وهي متزوجته يعني مو ماضي وانتهى

بس يوم كلمتني قلت لها صدقيني طالما انك كلمتيه وذكرتيه بربه وعاقبة فعلته الشنيعه هذي

هو اكيد عنده ضمير وبيحاسب نفسه وبيعرف غلطه وبيندم والحين الله يتمم لها معه

ماتركته ماشاء الله تبارك الرحمن بالعكس تمسك فيه وحاولت تتقرب منه اكثر من قبل

وانا سردت لك هالقصه عشان تقارنين بين وضعك ووضعها ولاتفكرين بالطلاق لو وش مايصير ياما وياما ناس مرت عليها ظروف اقسى منك وماهنت عليهم العشره وكل منهم تمسك بالثاني

ولاتنسين من رائ مصائب غيره هانت عليه مصائبه

حبيبتي ارجعي لربك وادعيه ليل ونهار بهداية زوجك وتذكري ان الله لايغير مابي قوم حتى يغيروا مابي انفسهم

يعني نفسك يمكنك غلطتي بشيئ وهذا نتيجته انا ما اظلمك بس انبهك واذكرك (( فذكر ان الذكرى تنفع المؤمنين))

ومانزل بلاء الا بذنب ومارفع الا بتوبه واستغفار كثري من الاستغفار واالجئ للي مايخيب رجا من رجاه

والله يوفقك ويسخر لك زوجك ويهديكم لبعض يارب وواياي وكل المسلمين