عزيزتي لا تجزعي من امر الله فكلنا يتمنى الزواج والاستقرار وتكوين اسرة ولكن لا اعتراض على حكم الله وكل تأخيرة فيها خيرة صدقيني ان كلنا نعيش هذه اللحظات والمواقف الصعبة ولكن يجب ان يكون ايماننا بالله قوي وانت بعدك صغيرة
عندك مثال انا عمري 30 سنة موظفة بدوام جزئي غير متزوجة اعاني من عرجة خفيفة واجريت 3 عمليات في قدمي والحمد لله على كل شيء احمدي الله على نعم الصحة والعاقية والعقل غيرك يتمناها وما يجدها
حبيبتي الغاااااااااااااالية لا تفكرين انشالله المكتوب عالجبين بتشوفه العين وانشالله عما قريب يا رب العالمين انا رايي من رايي الاخت ام وداد انسي طلعي واستانسي لا حقة على الزوج وطلبات الزوج اللي ما تخلص
لو كنت مكانك اطلع وافرفش واستانس ومااخلي شي يعتب علي سوي كل اللي بمزاجك والله يوفقك راب ويكتب الزوج الصالح اللي يقدر مقامك ويحترمك ويعرف قيمتك امين يارب العالمين بحق محمد وال محمد
اختي ... المرمر
والله انا كنت اسوي كل اللي مكتوب ... واني كنت احسن من كذا بعد
لكن ما انهبلت الا هالسنه ... من جد مدري وشفيني
والله العظيم حتى طالباتي كنت اسوي لهم برامج ومسابقات وحركات وعروض للدروس بالبوير بوينت
وتمارين استرخاء لأن لي خبره فيها واعرف اهئ الوضع رغم اني ادرس رياضيات وثانوي بعد و استانس معاهم حيل والله حتى اني العب معهم بالمطر بالشتا ويجون عندي البيت ويكلموني واي وحده اعرفها او ما اعرفها لازم تقولي شي سواء اخبارك ابله هدى او صباح الخير او مع السلامه او ابله درسينا او ابله تعالي معانا الرحله او او رغم ان المدرسه حكوميه وقديمه لكن والله كنت اموت وناسه رغم اني على بند مو رسميه ولا كان يهمني كانت نفسيتي منشرحه حييلوالحين
ماصرت اعطي احد وجه مدري وشفيني حتى نفسي ماقمت اعطيها وجه
صرت اغيب و مالي خلق لاحد .. حتى بالماسنجر احط وضع دون اتصال لان مالي خلق لاحد
والله مابي الا الدعاء ..
والله يوفق كل من مر على موضوعي..
[QUOTE=topaco-flower]حبيبتي الغاااااااااااااالية لا تفكرين انشالله المكتوب عالجبين بتشوفه العين وانشالله عما قريب يا رب العالمين انا رايي من رايي الاخت ام وداد انسي طلعي واستانسي لا حقة على الزوج وطلبات الزوج اللي ما تخلص :)
لو كنت مكانك اطلع وافرفش واستانس ومااخلي شي يعتب علي سوي كل اللي بمزاجك والله يوفقك راب ويكتب الزوج الصالح اللي يقدر مقامك ويحترمك ويعرف قيمتك امين يارب العالمين بحق محمد وال محمد[/QUOTE]
[SIZE="5"][COLOR="Red"]انسي طلعي واستانسي لا حقة على الزوج وطلبات الزوج اللي ما تخلص :)[/COLOR][/SIZE]
عادي مابي طلباته تخلص ابي اسوي كل شي له ... ابي احبه بالحلال واعطيه عيوني بعد والله كل اللي ما اسويه في بيتنا بسويه له .. حتى اني بغسل ملابسه وبكويهم وبسوي كل شي حلو .. بس وينه..ومابي طلعات بعد
شبعت طلعات ووناسه ابي استانس مع انسان رجل يعني بالحلال .. لاتحسبوني ابالغ انا اتكلم جد
ع الاقل بعض الاخوات عندهم اخوان كبار او عيال اخوانهم كبار او اعمامهم او خوالهم توهم شباب ويطلعون معهم ويستانسون ويمكن يجي عندهم وتعطيه اغراضه ويطلبها تسوي له شي او او حتى بس يسولف معها .. الله يبارك لهم ... لكن انا لاهذي ولا هذي ..
يااااااااااااااااااااااارب محد يدري الا انت ... انك انت اللي حافظني والملذات من كل مكان حولي ياااارب انت حدك تدري وتعلم اني لا أ أمن مكرك واخاف عقابك ومابي اعصيك يااارب احفظني وزوجني ياااارب
يااااربي ياااحبيبي ارحم حااالتي ..
حافظي على الصلوات في وقتها ، وأدعي في كل سجدة هذي الدعوات > ( اللهم لاتجعل في قلوبنا هموما ً ألا فرجتها ولا ذنوبا ً ألا غفرتها ولا حاجة من حوائج الدنيا ألا قضيتها ويسرتها ) ، ( اللهم أشرح لي صدري ويسر لي أمري ) ، ( اللهم إني أسألك قلبا ً خاشعا ً ولسانا ً ذاكرا ً ) ، ( اللهم إني أسألك عيش السعداء ونزل الشهداء ومرافقة الأنبياء والفوز بالجنة والنجاة من النار ) ، وأكثري من الأستغفار قال رسول الله صلى الله عليه وسلم ( من لزم الأستغفار جعل الله له من كل هم فرجا ً ومن كل ضيق مخرجا ً ورزقه من حيث لايحتسب ) ، الأستغفار سبب في ذهاب الهموم والغموم وإنشراح الصدر وإستجابة الدعاء .. في قصة عن خباز كان دايم يعجن ويستغفر فسأله الأمام أحمد هل وجدت ثمار الأستغفار قال نعم فإنني لم أدعو دعوة ألا أستجيبت لي ألا دعوة واحدة أن أرى الأمام أحمد بن حنبل فقال الإمام أحمد والله إني جررت إليك جررا ً ، فإنت أدعي إن الله يرزقك زوج يكون قرة عين لك وتكوني قرة عين له وأكثري من الأستغفار وإن شاء الله ربي راح يستجيب دعائك ، وإذا جاتك هموم ولا مشاكل أكتبها في ذا المنتدى وإن شاء الله راح تنحل كل مشاكلك .(