تاجي حجابي
هذا اللي صرت اسويه بعد ماتزوج يروح يجي ماأسأل فيه عشان احسسه انو عادي حتى انا ممكن اعيش بدونك
بس ودي يكون معاي على طول
اسعدني تواجدك

__________________

حبيبتي والله سابرينا صج محد مرتاح
زعلت عليج وحسيت بقهرج من زواجه عليج .. ولا بعد مايعدل !!
صعب الواحده زوجها يتزوج عليها ومايعدل بعد ؟!
الزواج بثانيه لين رابعه حلال بس بشرط العدل ...... بس بعض الازواج يتزوج على زوجته يظن انه بيأدبها والا بيقهرها مادرى انه ظلم نفسه وتحمل ذنب زوجته وفتح عليه باب من ابواب جهنم .... والله ماراح يوفقه في دنيته وفي الاخره يمشي ونصه مايل
وعادة الازواج العادلين بعد مايجربون الزواج بثانيه ماينصحون بالتعدد لمعاناتهم من صعوبة العدل وتوزيع الاوقات بين الزوجتين بالملي
ونفس الشي النفقه حتى لو الزوجه الثانيه تعمل وراتبها ضعف راتبه فهو يعطيها من ماله نفس المصروف اللي يعطيه للزوجه الاولى حتى يكون عادل ولأنه يخاف من عقاب الله في حال الظلم
ومثل هذول الازواج ربي يجيب الطمأنينه للزوجتين ومع الوقت يحبون بعض وعيال بعض لان كل واحده تدري ان زوجها مايرضى الا بالعدل واللي يسويه للثانيه هو نفسه للاولى خاصة اذا كان الزواج من الثانيه كان لسبب ملح وليس نزوه

ولاتزعلين ياعزيزتي وتتهاوشين معاه بسببها لان الزوجه الثانيه بتستغل تنكيدج له وبتتفنن فيه حتى لو ماسوت له ربع اللي تسوينه بس يكفي انها طبطبت عليه وسوت عمرها كانها حنونه واطيب منج
لكن اذا كنتي عادي ومطنشه هي اللي بيطلع قناعها وبيكتشفها زوجك ويعرف انها فيها عيوب مثلج ويمكن انتي افضل منها واللي بقلبج على لسانج مو مثلها وبيعرف ان محد كامل
واظن لو انا بمكانج انا اول شيء قلبي بينكسر منه خاصه اذا كان الزواج بدون عيب مني واظن ماراح اكون مهتمه فيه مثل قبل دام رخص فيني وتزوج علي ولا بعد مايعدل !!يعني لو كان يعدل بيشفع له
وبصراحه انا نفسي ماراح اتغير خاصه اذا كنت مو مقصره معاه ... وبعطيه حسب طاقتي واستطاعتي والا يعني علشان تزوج علي بصير واحده ثانيه (ويني من قبل ؟؟)
بالعكس بكون انا نفسي باصالتي وطبيعتي لان التمثيل وبذل طاقه فوق طاقتي بتكون مو دايمه ومؤقته ومصيري بتعب منها .. حتى الزوج بيمل وبيكون محتاج يعيش حياه طبيعيه وحب طبيعي بدون تمثيل ومبالغه ..
وبعض الازواج اذا لاحظ عقلية زوجاته جذي يستغله ويقعد يقارن بين الثنيتن علشان يتنافسون عليه .. ولو خاف الله ماسوا جذي بس قلة عقل منه ومن حريمه ... وبعدين مو هذي الحركات هي اللي تكسب الزوج وبتمنعه يتزوج في ازواج يتزوجون على زوجاتهم مع انهم مو مقصرين مع ازواجهم بكل شي وفي الاخير يتزوج .. يعني هذا قرار يكون في الرجل ويحدده المكتوب والنصيب
وبنفس الوقت لو انا بترك له المجال وبهدا وبسكت وبتجاهله في مشاعري لين الغموض وانتي سوي جذي لين يشبع من الثانيه ويتهاوش معاها ويرد يدورج انتي ووقتها سوي نفس اسلوب الثانيه وحطي نفسج طيبه وحبوبه وعقلج كبير
وهي اللي بتنجن لانها بتكون تعودت انه يطنشج انتي ويروح لها مو يطنشها هي
ووقتها استغلي عصبيتها عليه وكوني اكثر حنان له ودام ظلمج بيظلمها هي واذا قال لج تعالي نطلع بيوم هو يومها اطلعي علشان هي تحس وتذوق اللي ذقتيه دام زوجك مايعرف كيف يعدل ودام هي تتعدى حددوها سوي مثلها
وخليها هي بعدين اللي بتطالب بالعدل وان محد تطلع بيوم الثانيه
بس لا تتعلقي فيه كثير لانه مو عادل ولمن يزعل منج بيرجع لها ويقهرج فحاولي يكون الموضوع عادي ..... جا عندج عيشي حياتج واستمتعي معاه واشبعي غريزج منه واطلعي معاه وتونسي .... راح لها خذي لنفسج فرصه للراحه منه ...وبجذي عيشي يومج ولاتخلين زوجك محور حياتج ..
وصدقيني كوني بطبيعتج وادعي الله بالصبر .... واذا انظلمتي فربج فوق وتذكري قوله تعالى: (( ولننصرنكم ولو بعد حين ))
ان شاء الله بيكون معاج على طول

والله ياجرك ويصبرك ... ان شاء الله

__________________

يا حبيبتى الله يعينك واعلمي أختى أن الحياة لا تهنأ و الراحة فى الجنة و مع أزواج الجنة ربي يقدرنا و يعطينا الهمة العالية لنصل لها

__________________

آآآآآآآمين يارب
انا اقول يابنت السعاده في الجنه بس احيانا الواحد يخرج عن طوره وينسى نفسه
اسعدني تواجدك

ياااااااارب احنا وياك

الله يخليك لأولادك
انا احيانا لما اعرف انه مع اصحابه يهون علي واقوله نفس كلامك وارحب فيه
بس ياعمري كان مقضي ليلتي عن الطبينه
واللي مزعلني الحين انو هو مسوي فيها زعلان

__________________

ربي يسهل امورك ويبعد عنك جميع الهموم ويجعل حياتك سعاده في سعاده

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

يا حبيبتي انتي لا تحطينه في بالك و ما يصير الا الخير يعني لمن يطلع معاها في ليلتك او ما يجيكي الا متاخر

خليكي عادي مرررررره

اضغطي على نفسك مو مشكله و قوليله هلا والله ان شاء الله مبسوط مستانس و من هالكلام يعني


لا تبينيله انك زعلانه او شيء و لا انه انتي منتظرته في بعض الرجال يحبوا يقهروا الحريم و الله بالذات اذا عرفوا انه زوجتهم مرتبطه فيهم او منتظرته يخلوها عادي و اخرتها الطاوله تنقلب علينا !!!!!!!


انتي الحين لا تكبرين السالفه و لا جاكم مره ثانيه


خليكي عادي جدا

الله يهديه ان شاء الله و يبعد اذى نمبر 2 عنكم

امين

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

و يخليكي يا رب ( عندي واحد الله يخليه)

ادري حبيبتي انها صعبه بس انتي خليكي عااااااااااديو جربي مره انك تطلعي في ليلتها لو العصر تتمشي انتي وهو بس تجربه

و ما دام هو مسوي زعلان ( قلب عليكي الطاوله) راضيه و مشيها هالمره

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

اختي سابرينا الله يكون بعونك يارب
مع اني كنت نمبر 2 لكن العكس الظلم وقع علي انا

المشكله صدقيني يااختي في الرجل نفسه ومن يتقي الله يجعل له مخرجا

هم لو يخافوا الله ويضعوا العدل نصب اعينهم كان ماوقع ظلم لا على الأولى ولا الثانيه

لكن الله يهديهم

اما من ناحية تصرفك انا اقولك بحكم التجربه اخطيتي علما الخطأ اساسا خطأ زوجك

لكن لما جا عندك استقبلتيه بأبتسامه واعصاب هاديه عالأخر

وخليتي الجلسه ضحك وناسه بعد ماتقضوا لليلتكم واعطيتيه المهم

عاتبيه عتاب محبين ومن هالكلام الحلو وبيني ان خروجه معاها في يومك

وتركه لك واولادك عشان يطلع مع زوجته في غير ضروره هذا شي مايرضيك

في يومها يسوي اللي يبي اما يومك لك ولأولادك انا والأولاد وش كثر

نتظر جيتك ولهفتنا لكن انت بتصرفك ضايقتني وضايق الأولاد ومثل هالحكي وانت

ماشاالله مايحتاج اخبرك

انا ادري لو كنت مكانك يمكن افجر فيه قنبله مو كلام حلو خخخخخ امزح

الله يوفقك ويسخر لك زوجك ويبعد عنك شر وكيد نمبر 2

اسعدني تواجدك وفعلا هو المفروض يكون قائد السفينه
وانا اخطأت اني ماكتمت زعلي وبعدين عاتبته بعد العشا والوناسه

الله يرزقك

__________________

لالا اذا باطلع في ليلتها اروح مع السواق
عارفه ليه ؟؟
كله عشان ماتتجرأ هي وتطلع في يومي ...
والله ماظن اراضيه ابداً
وشكرا لرجوعك مرة اخرى

__________________