فعلا قربت أجن والسبب زوجي
كتبت مشكلتي قبل أشهر وعن خيانة زوجي في السنوات الأولى من زواجنا والحمد الله تغير مع الأيام وقلت لكم ان المشكلة مشكلتي والشك ذابحني وقريت ردودكم وما قصرتوا
رغم انه تغير للأحسن وايد بس يوم رجعت من الدوام قبل ساعة من نهايته للأسف سمعته يتكلم بالنت مع وحده ولما شافني تلخبط فوق تحت وحلف لي انه بس يتسلى وما كو شيء غير التسليه وحذف لي البالوتك والمسنجر ووعدني ما يرجع لهالشيء حتى الميكروفون رميته بنفسي ....... والحمدالله ارتحت رغم شكي فيه هذه المشكله الشك وآآآآآآه من الشك تعبت منه ....... الخميس رجعت من بيت أهلي شفت ميكروفون ثاني مع سماعته .... جنيت فعلا دقيت عليه قال لي ببساطه هذا للتلفون القديم وانه حاب يسمع الأغاني من غير ما يزعجني وكان يبي يجربه ونسى يرجعه مكانه مع العلم انه قبل لا أكلمه بالموضوع قال لي انه اشترى لي عطر يجنن وكان مستانس ..... ولما رجع كلمه مني وكلمه منه تهاوشنا وهو يتهمني بالشك ولي متى الموضوع القديم في بالي ، يقول لي أنا راجع لك بهدية وكلمة حلوه ما سمعت منك غير الهواش والشك .......... بكيت وايد والله واليوم الثاني شكرته على الهدية واعتذرت له وهو قال لي هذه آخر مره ............... شنو الحل والله قربت أجن ،،،، ودي أكسر الكمبيوتر خلاص مليت من الشك والخيانه ساعدوني يا جماعة الخير الله لايبليكم يارب ، مشكورين وأتمنى ماتبخلون علي بالنصيحه والحل