قصتي مع........الموت أم الهداية
السلام عليكم ورحمة الله وبركاته
أخواني وأخواتي الكريمات.................قبل قراءتكم لقصتي أرجو منكم الدعاء لي
بالثبات وأن يغفر الله لي ولكم ويوسع لنا في قبورنا ويجعلها روضة من رياض الجنة
اللهم آميــــــــــــــــــن
سامحوني لكن ماأدري ليش حبيت أكتب لكم اللي صار لي قبل 3سنوات
يمكن لأني محتاجة دعواتكم لي بالثبات .........أكيد محتاجتها
ويمكن لأني أريد من الكثير منكم أن يتعض ويخاف لأن الموت قريـــــــــــــــــب
قبل 3 سنوات كنت اعتقد بأني أصلي فروضي كاملة لكن الآن اتأكدت بأنها كانت
جدا ناقصة حيث لم تكن في وقتها بالضبط ولم تكن في خشوع
لم أكن أعرف أذكار الصباح والمساء ولا التحصينات ولاغيرها من الأذكار
كنت في غفـــلــــــــــــــة
نعم طوال اليوم وأنا استمع للغناء وكل وقتي والسماعات في اذني
اشاهد المسلسلات ولا أفوت أي واحدة منها واشاهد الأفلام وكنت احبها
واشتريها مهما غلا ثمنها البوليسية والمرعبة وغيرها
كان يومي مثل أمس ومثل بكرة......................
وزوجي الله يسعده ويرضى عليه كتب الله له الهداية قبلي بسنين وكان دائما
يدعو لي وعندما يراني ادخل غرفة التلفزيون واشاهد فيلم يقولي الله يهديك
ياأم .........
وأنا أقول آميــــــــــــــــــن
وعلى هذا الحال كم سنة مرة علية وأنا ماتغيرت
لحد ماجا ذاك اليوم اللي كان .....................والله ماأقدر أوصفه هل هو
أفضل يوم في حياتي .........
ذاك اليوم كنت استمع لبعض الأغاني وجاني زوجي وقالي أنا معزوم على العشا
عند واحد من أصحابي ويبعد بيته عننا تقريبا نصف ساعة أو أكثر
وبعد ماخرج جلست عند التلفزيون وشغلت الفيديو وبدأت أشاهد فيلم أكشن
وبعد بداية الفيلم بقليل
شعرت بهبوط شديد وكأني أهوي على الأرض ولم أعد أستطيع أن أرى بوضوح
وضيق شديد بالتنفس ولم يكن لدي أحد أستنجد به
والحمد لله أهلي يسكنون بنفس البيت حاولت أوقف بالقوة على رجولي وكانت
تنتفض بشدة وبدأت أمشي وأنا أتخبط بالجدران حتى نزلت لأهلي ودقيت الباب
وفجأة سقطت على الأرض ولم أعد أستطيع الوقوف
عقلي ماكان معاي أشوف أهلي يرفعون فيني وأخواتي يبكون علي ويكلموني
وأنا كانت الدموع تنزل مني بشكل مو طبيعي وما كنت أردد إلا أشهد أن لا إله إلا
الله وأشهد أن محمدا رسول الله
أمي ترش علي موية وتبكي وتسألني ردي يابنتي كلميني
وأنا ماكان في بالي وقتها إلا كلمة وحدة (المـــــــــــــــــــوت)
وجلست أوصيهم ادعوا لي ربي يغفر لي خلاص هذا الموت
شالوني على المستشفى ولحظات إلا وزوجي جنبي ويهدي علي وأنا أبكي
ومو قادرة اتكلم من شدة الضيق والكتمة وقلت له سامحني ياحبيبي وياأبو ولدي
ليتني سمعت كلامك وتركت الأغاني والأفلام
وصرت أصرخ وأقول يارب اغفر لي خاتمتي كنت أتفرج فيلم
وأهلي يبكوا عندي وزوجي قرب مني وبدأ يقرأ علية وهو يقرأ وأنا كمامة الأكسجين
بفمي وأشوف دموعه تنزل على صدري ويهدي علي ويمسح على راسي
ومرت الساعات والدكاترة كلهم اتجمعوا حولي ويقولوا كل شي تمام النبض
والضغط وكل التحاليل سليمة...............
وبعدها بفترة حسيت كأني أفقت من كابوس وكانت أمي جنبي وحاطة يدها على
راسي وشافتني وقعدت تبكي مسكت يدها وسلمت عليها وقلت الحمد لله ياأمي
الحمد لله ماكانت نهايتي
إلا بداية حياة جديدة بالنسبة لي
وخرجت من المستشفى ورجعت البيت وأول مادخلت إلا ولدي يجري علي
ضميته ضمة لأني اتوقعت انه آخر لحظة اشوفه فيها كانت قبل لا أروح المستشفى
وبعد ماتعشيت وجلست مع أهلي دخلت غرفة أخواتي لأن زوجي طلب مني أنام عندهم
عشان مايتركني لحالي الصباح لا راح الدوام
ودخل عندي الغرفة وقرب مني وقالي ياحبيبتي اللي شفتيه اليوم كان أقرب للموت
لكن أنا أشوف أنه بداية هداية لك
فكري لو موت وش كان يصير لك في أول ليلة لك في القبر .........
جلست أبكي من الخوف ومن الموقف اللي صار وقلت يارب لك الحمد
وبعدها بأيام تبين أني مصابة بالعين والسحر وسبحان الله قراءة زوجي لي في
المستشفى هدتني وريحتني كثير وكله بفضل من الله سبحانه
وبدأت رحلة العلاج ..................واسأل الله سبحانه أن يشفيني ويفك مابي
والحمد لله من ذاك اليوم ولليوم مايدخل بإذني غناء فاحش ولم أرى فيلما أبدا
بدأت في سماع المحاضرات وقراءة القرآن والتحقت بالتحفيظ
وحياتي ولله الحمد أصبحت جدا رائعــــــة بكل مافيها
سامحوني أطلت عليكم الكلام ولكن أحببت أن تستفيدوا مماحصل لي
وأن تدعون لي بالثبات والصلاح لي ولزوجي ولأولادي
وإن كان أحد منك مر بموقف كان له سببا في الهداية ياليت يذكره عشان الكل
يستفيد ويتشجع للهداية
حكيت قصتي لكثير أعرفهم وكانوا يقولوا لي .......قولي الحمد لله إنك كنت تصلي
وإن اللي كنت تسويه ماكان شي كبير مرة بس أغاني وأفلام...
للأسف حزنت عليهم لأني كنت مثلهم وكنت أقول هينة على الأغاني والأفلام
لكن كل صغيرة لا كثرت أصبحت كبيرة والغناء حرااااااااااااااااااام
الحمد لله على كل حال
وجزاكم الله خيرا
تحيـــــــــــــــــــــاتي
التعديل الأخير تم بواسطة *الماسة* ; 26-01-2008 الساعة 04:05 PM
26-01-2008, 03:58 PM
ضوابط المشاركة
العرض الشجري