علاقة الشموع بالسعادة الزوجية
السلام عليكم ورحمة الله وبركاته
بصراحة من بدري عايزة أكتب عن الموضوع ده
أيه علاقة الشموع بالرومانسية ؟
في مواقع الصور أو الرومانسية منها الاقي جزء لصور القلوب و جزء لصور الشموع
طيب القلوب دي معروفة من زمان من ايام عنتر و عبلة و قيس وليلي
لكن الشموع دي جديدة مش عارفة ليه ؟ 
وكمان كل ما ألاقي موضوع لأخت بتشتكي من جوزها
لازم الاقي نصيحة من أحد الزوجات تقولها
لازم تجددي حياتك و وتحطي شموع في البيت
طيب اللي مبيحبش الشمع يعمل ايه يا جماعة ؟
بصراحة اللي بشوفوه أن الشمع ده مش رومانسي و لا حاجة مهما كان شكل الشمعة حلو فهي عبارة عن جذوة من النار
أما قصة عدم حبي للشموع دي ليها سببين
الأول
كنت صغيرة و كنت في فرح وكان في شمع جنب العروسة و بعدين النار مسكت في واحدة من الشرايط الملونة اللي متعلقة في الكووشة وانا شفت المنظر ده وخفت و قعدت انادي علي اللي حاوليها محدش سامعني مع الدوشة المهم لحقوا الموضوع بسرعة والنار معدتش الورقة اللي كانت ماسكة فيها
الثاني
ده بقي مترتب علي الموقف الأولاني
كنت في فرح تاني برده وانا صغيرة و خدت شمعة كبيرة أقف بيها جنب العروسة المهم انا خفت يتكرر نفس اللي حصل قبل كدة فقلت أطفي الشمعة و أقف بيها علي كدة
المهم جات واحدة قريبتي و بصتللي بصة مش ناسياها لغاية دلوقتي و زعقتللي عشان طفي الشمعة ده في نظرهم فال وحش
والله بصة عينيها لغاية دلوقتي في خيالي ربنا يسامحها
مش عارفة اللي بيأذي طفل ميقدرش وميملكش يرد عليه ده أيه
يا تري ده ايه
اتجرد من الأنسانية و الرحمة
والله لغاية دلوقتي لو افتكرت الموقف ده عيني تدمع
المهم
نرجع لموضوعنا
أيه رأيكم
هو الشموع دي اساسية في الحياة الزوجية
يعني لو أتقدمللي و احد لازم أقولوه أني مبحبش الشمع عشان مبقاش غشيته من الأول
حاجة اخيرة بس احب أقولها وهي هدفي من الموضوع
أن السعادة بين الزوجين دي عشان ربنا كاتب ليها الأستمرار
و أن شموع الدنيا مش حتنور بيت أنطفي أو أنهدم
جزاكم الله خيرا
__________________
انا 
منتدي عالم الأسرة و المجتمع
التعديل الأخير تم بواسطة جويرية22 ; 06-02-2008 الساعة 06:27 AM
06-02-2008, 06:16 AM
ضوابط المشاركة
العرض الشجري