من حقها ان تسكن في المكان اللي يريحها لانها اذا كانت ليست مرتاحة بينعكس هالشي على معاملتها لك وعلى نفسيتها حتى مع عيالها
البيت ما فيه لا امك ولا ابوك علشان تقول ما اقدر اخليهم انت واخوك بتستمرون بهالبيت ما عندكم مقدرة مالية على النزلة اشترو ارض وبيعو البيت اللي انتو فيه الان وابنو فلتين دبلكس كل واحد له فلة مستقلة وجنب بعض اعرض الفكرة على اخوك
وانت تخاف تنزل وتفقد ساعة الصدر والجمعة ففي هذي زوجتك معاها حق لان سعادتك الان مع اخوك وشكلك ناسي زوجتك
لكن الحقيقة انه ما راح يتغير الوضع لو نزلت الا اذا كنت متحسف ان البيت كله يصير لاخوك فهذا شي ثاني والمفروض ان اهم ما عليك راحة زوجتك وعيالك وش حادها تتحمل عيال اخوك وصجتهم ليش تجبرها على وضع مو عاجبها
الحين او بعدين فيكم فيكم بتتفرقون عيالكم بيكبرون وبيتغطون عن بعض وبيصير الوضع خطير فلازم تجلس مع اخوك جلسة مصارحة وتفكرون بمستقبل عيالكم وانا اتوقع ان اخوك وده ينفصل في بيت مستقل بس مستحي منك وكل واحد فيكم خجلان يفتح الموضوع وزملين من بعض وساكتين لكن لازم تبداها انت وتفتح الموضوع بطريقة زينة وش رايك يا اخوي نشتري ارض في حي جديد نبي دبلكسين ومن هالكلام صدقني بيفرح وزوجته بتفرح وحتى عيالكم بيفرحون ولا تسوون زي خالتي قماشة وتضنون ان العيشه في بيت واحد تولف بين قلوبكم وقلوب عيالكم بالعكس القرب الزايد يسبب المشاكل مثل ما انت شايف وانت واخوك اذا استقليتو ببيوتكم اجتمعو ان شاء الله كل يوم لكن لا تجبرون الحريم على الجمعه مره بالاسبوع تكفي
التعديل الأخير تم بواسطة لـمـــــياء ; 07-02-2008 الساعة 01:27 AM
06-02-2008, 09:20 PM
ضوابط المشاركة
العرض المتطور