أهلين بكل الصبايا اللي للحين ما تزوجوا.. لا تتضايقون من تأخركم في الزواج لأن العزوبية لها مميزاتها أيضاً
كلكم ورود متفتحة مهما تأخرتوا في الزواج؛ معروف ان المرأة العازبة تحتفظ بنضارتها وشبابها لفترة أطول من المتزوجة وأم العيال
بقول لكم شي يمكن ماراح تصدقونه،،
واحدة دخلت الأربعين مؤخراً وللحين ما تزوجت، أذكر شكلها من كنت طفلة؛ كانت صديقة العايلة وكانت تزورنا باستمرار وبعدها انقطعت أخبارها أكثر من 20 سنة... المهم صار عندنا مناسبة من فترة قصيرة وشفتها وتفاجأت من شكلها!! نفس الوجه ما تغير وكأنها عشرينية الأمس، نفس الجسم الرشيق والخصر النحيل، شعرها ما خف ولا تغير شكله، ونفس الروح الرياضية والنفسية الحلوة. عارفين ليش؟ لأن البنت تظل بنت مهما مرت السنين. صحيح ما ردها للكبر والشيخوخة بس تكون أبطأ من المتزوجة اللي تتعرض لإنفعالات نفسية وعاطفية لأن الحياة الزوجية ما تخلو من المشاكل، هذا غير الولادة وتربية الأبناء اللي تهد الحيل وتشيب الشعر قبل أوانه!

ولا تنسون الأجسام كيف تتحول للأسوأ بسبب الحمل وتمدد الجلد والولادة خصوصاً القيصرية!
يعني اللي ابي اقوله يا بنات: عيشوا حياتكم ولاحقين على العذاب وخراب الشكل والشيخوخة المبكرة