همة عالية


هلا فيك يا صبيه

الحمدلله أهم شيء العلاقة بأهل البيت

أما غيرهم من ألي برى احتكاكك فيهم مو قوي


يارب يفرجها عليك و أخواتك قريب


الله يجزاك خير يا همه على الهمسه

و بإذن الله بينصلح الحال


دعواتك لنا

تشكيلي أبكيلك

شوفي العيب مو فيكي إنتي.. هو الإنسان لم يكبر خلقه يضيق ويصيروا عصبيين

لو تلاحظي عصبيتهم مو بس عليكي.. على كل شي

أنا أمي صارت تقول لي إنتي حساسة لمن أحلل مواقف الآخرين وأقول كان قصدها كذا وقالت كذا عشان تقهرني ومن هذا الكلام

أرد عليها إي عانس وأتبلى على الناس !! تنفجع وتسكت

شوفي لو حطيتي فبالك راح تتعبي ، عن نفسي أشغلت نفسي وأي أحد يتكلم معي أقول له مشغولة إلا طبعا لو طلبوا مني شي أنفذه بسرعة لكن أتخاشى الإحتكاك معهم لمدة طويلة هذا الحل الأنسب لتشتري راحة البال.. ينقضي اليوم على كذا بسهولة..

أسأل الله تعالى أن يفرج همك وييسر أمرك عاجلا غير آجل.. اللهم آمين

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

عبّورة ،، ممكن سؤال ؟!

كم عمره أبوك ؟؟

مب مرتاحة ببيت أهلي أبدا ,, كل شي بحساب لين خلاص طفشت

هم مب فارقة معاهم أننا ما تزوجنا ,, أما اخواني الشباب زوجوهم حتى لو ما كان عندهم الرغبة ,, خايفين عليهم !!!

أبوي الله يهديه ,, ما كد سمعته يدعيلي بالزوج الصالح

أخوانا الشباب عندهم أهم منا نحنا البنات

تخيلوا

أبوي يدعي لبنت أخوي اللي توها سنتين أن يشوفها عروس ويشوف عيالها ونحنا البنات ما سمعناها منه

أمي ,, أحيانا أحس منها اهتمام وخصوصا لما تفكر فينا بعد عمر طويل ,, منو بيهتم فينا !!!!

خلاص ما أقدر أكمل
حاسة بغصة

عبورة

حتى أنا أفكر أنتقم ,, ومب صعب ترا

مرحبا Miss Hawaii

صادقه

أمي أحسها كل سنه عن سنه أشد و أصعب في تعاملها

على أنها مو كبيرة مره




أهلا جنّة الدنيا

46 سنه

الفــتاة

تعوذي من الشيطان يا بنت

و مين قال مو صعب .. ألا أصعب من الصعب

ما أتكلم عن الأهل هم في ستين داهيه << خربتها

أنا أتكلم عن عمري أنا


ما أقول ألا الحمدلله أن ربي مايجازي على النوايا



و يالغاليه حاولي تبعدين هالأفكار لأنها مضرهـ و تتعب

و يمكن بأي لحظة ضعف يستغلها الشيطان لصالحه

ألا أكيد أبليس مافيه أحرص منه على المعاصي


أعوذ بالله من أبليس



و نحن في ابتلاء لازم نصبر عليه ولا ننسى الإلحاح بالدعاء و كثرة الطاعات


الله يفرجها علينا قريب

الله يكون بعونكم وييسر اموركم ويرزقكم بالزوج الصالح
امين

عذرا اختي عبير الرياض .. ولكن اردت ان اعلق على الاخت " الفتــــــاه"
وبالأصح هذه العباره ... وربما يجيب على استفسارات بعض الاخوات

اسمحي لي اختي

ولكن ربما الوالد حفظه الله لايريد جرح مشاعركم

اي .. " وخلينا نتكلم بالعامي علشان اوصل لك المعلومه صح "

الوالد الله يخليه لك يمكن مايدعي لكم قدامكم
علشان مايجرحكم .. او خايف على مشاعركم
او ممكن تقولوا جالس يتشمت فينا

ولكن يمكن يدعي لكم في نفسه او اذا كان لوحده
او في صلاته
وانا متأكد انه يدعي لكم بالسر
ومتأكد انه حاس باللي انتم فيه
ويتألم لما يشوفكم قدامه
وده انكم كلكم في بيت ازواجكم .. لكن ماوده يدعي لكم قدامكم علشان مايجرحكم

انا مثلا عندي اخت عمرها 18 سنه .. يعني مو كبيره ولا شي
لكن مستحيل ادعي لها بالزواج قدامها
مو معنى هذا اني اكرهها
لا وربي اللي رفعها سبع وارخاها سبع مو كرهـ
لكن علشان ماتقول هذا يبي الفكه مني << وانتم تعرفون قد ايش البنت حساسه
وربي اتمنى لها افضل عريس بالكون
لكن ماحصل هالشئ
مع العلم انو يتقدم لها عرسان
لما نجي نسأل عنه اذا كنا مانعرفه
يطلع لنا عيوب تخلينا نرفضه
واكثرهم قلة الدين

ومع العلم ان بعضهم يتقدمون وهي ماتدري
واحنا بدورنا اخوانها ..لأن الوالد متوفي ..
نسأل عنه ويطلع مايصلح لها
ونرفضه وهي لسه ماتدري

مو معنى ذلك اننا بنقطع رزقها او متجاهلين رأيها ؟؟
لا والله .. بس نبي لها الافضل

اما من ناحية رأيها فهو بتأكيد اهم شي
واقسم بالله العظيم ماراح تتزوج الا برضاها
وماعاش من يجبرها واحنا احياء
حتى لو كان اقرب قريب

لكن
احنا نتجنب نقولها في البدايه علشان ماتتحسر
او تفهمها خطأ وتقول ماخذو رأيي
او يقطعو رزقي .. مع اني ادري ماراح تقول هالكلمه لو مدري ايش ..
اختي واعرفها زين زين
لكن نتجنب المشاكل
وانتو عارفين الضغط يولد الانفجار
يعني لما تدري ان جاء عرسان تقدمو لها ورفضناهم
وش راح يجي في بالها ؟؟
اكيد مع الوقت راح توسوس وفي النهايه تنفجر ..
والشيطان حريص

لكن اللي ابي اوصله لك
ان مو كل واحد مايدعي لك او مايتكلم معك بهالموضوع
انووو مايحبك ..
لكن اكيد خايف على مشاعرك

في الاخير اعذروني على الاطاله .. وان شاء الله وصل لك اللي ابيه
الله يوفقكم وييسر اموركم ويرزقكم بالازواج الصالحين
ويهني كل متزوج ومتزوجه بشريك حياته ويبارك فيهم و لهم وفي ذريتهم
ويرزق كل عزوبي وانا واحد منهم بالزوجه الصالحه يارب

اخوكم
شوق والم

رسالة عاجله الى الاخت عبير الرياض والى كل اخت تطلق على نفسها مسمى عانس
انا اختي تزوجت وعمرها 15 سنه بالغصب لولد خالتي وجابت ولد وتطلقت بعد 3 سنوات وأخذوا ولدها منها
وبعدها تزوجت ولد عمي وهي الزوجه الثانيه وجابت ولد وتطلقت منه بس ولدها عندها
وبعدها تزوجت واحد من جماعتنا وجابت بنت وتطلقت منه وأخذ البنت بحجة الدراسة
وعمرها الحين 32 سنه ونفسيتها الله لا يوريكم دايم تقول لو ما تزوجت كان أحسن لي كل واحد من اعيالي لحاله
الله يوفق الجميع لما يحبه ويرضاه

انت اسمح لي أخوي

اللي تتكلم عنه هنا مب أبوي ,, معقولة ما أسمعه يدعيلنا ولا مرة !!!!
قبل لا يتزوج أخوي الصغير كنت أسمعه دايما يلّح عليه بالزواج وأنه يتمنى يشوف عياله قبل لا يموت ( الله يطول في عمره ) لين ما تزوج أخوي والحين عيال أخوي عنده غالين ولا حد يقدر يقولهم شي أو يرفض لهم طلب لأنهم غالين عيال الغالي
فكر في أخوي الصغير ولا فكر فينا ,, هذا اللي جرحني
وباختصار ,, أبوي ما يريدنا نتزوج


أختك الله يحفظها بعدها صغيرة ,, أنا في ضغف عمرها ,, احسب كم عمري عاد ,, كبيرة صح ؟
يوم كنت في سنها ,, ما كنت أفكر بالزواج مثل الحين لأني صغيرة ولاحقة
وكونك أنك رفضت من تقدم لها بسبب عيوبه فهو يختلف عن الرفض النهائي اللي بدون أسباب أو بسبب ما أقول عنه إلا تافه ,, وعالعموم أختك بعدها صغيرة وما تعرف تحكم على المتقدمين لها وانت ما شاء الله عليك مبين أنك مهتم فيها ومب مقصر معاها .

وأنا ما قلت أن الوالد ما يحبني ,, لكنه يفضل أخوي علينا وهو الأهم عنده ونحنا مجرد بنات قاعدين في البيت لا نروح ولا ني ,, مهما سووا فينا فغصبا عنا قاعدين ..

ويا ليت عندي أخو مثلك يهتم فينا ,, يمكن ما كنت فكرت حتى بالزواج ,, لكن أخواني مب هامنهم ,, ومب فارقة معاهم ,,

أبوي يقول غيركم بنات وايد ما تزوجن ,, مب انتن بس اللي ما تزوجتن ,, بالله عليك شو معناه هالكلام ,, ما له غير معنى واحد لو ظليتن بدون زواج لطول العمر عااااااااااااااادي

وفي بقلبي أشياء وايد بس ما ودي أقولها ,, لأني أكيد بنفجر من الصايح

وجزاك الله خيرا أخوي على الدعاوي اللي دعيتها لنا