كلمات يرددها ابو مفجوع على ولده الي راح منه فلحظة! اسمعوا كلماته الي تقطع القلب: ولدي راح ياناس ولدي راح، ياناس قولولي شسوي حياتي ما تسوى بعد حبيبي الي راح بعد روحي وقلبي ياليتني مت بدالك ياولدي حبيبي بغا مني بطارية حق اللعبة ماله وماجبتها له أكيد راح وهو زعلان مني! أكيد زعلان لأني صرخت عليه يوم حذف الكره داخل الغرفه أكيدـ يعل الساني القص يوم صرخت عليه يعل ايدي القص لما حذفت لعبته لما حن على البطارية وأنا كنت تعبان ماني قادر اجيب البطارية!
وينك ياحبيبي تفتح لي الباب لما أرجع من الشغل، وينك ياحبيبي وانت تخش عني أغراضي! وينك ياجبيبي وينك، رحت ياحبيبي وانت زعلان ارجع والله لجيب كل الألعاب حقك والله يس ارجع.،ماني قادر ياناس يالله ماني قادر ملابسه جدامي العابه جدامي كوب العصير ماله جدامي فيه العصير الي شرب منه.........................الخ بصراحة كلام جدا مأثر ويبكي الي مايبكي
بتقولون ليش اكتبه بس اعور قلوبكم! بس اقول نتعظ ونشوف ان الدنيا ماتسوى ان نزعل الي نحبهم ويحبونا كل واحد منا لازم يستمسح من الي يحبه ترى الدنيا فانيه صدقوني ليش الزعل وليش نترك لنفسنا تعذيب الضمير والندم بعد ماينفع الندم ولا كلمة آخ!