بما انك حاولت معها كل الطرق فلك الحق بالزواج من اخرى حتى تتعدل
نعم يجب عليها احترام امك لكن لي سؤال هل فكرت بيوم من الايام ان تخبر زوجتك ان امك تسئل عليها مثلا او تقول انها تحبك فعلتي معها كذا وكذا وهي تحبك وهي الي شارت علي اني اتزوجك؟؟
حتى لو كذبت عليها فهذا لا يعتبر كذب لانه اصلاح ذات البين
الرجل الذكي هو من يقوم بتحبيب الام والزوجه ببعض وحتى امك قول لها نفس الكلام اجعل في قلوبهم المحبه
لذا حاول بهذا الاسلوب لاخر محاوله
ومن ثم احكم عليها بالزواج ولا انصح بالطلاق لأجل طفلتكما فكر فيها قليلا كيف سوف تنشأ بين زوجين مطلقين
وفقك الله لكل خير
واستخير في كل امورك
في رعايه الله

__________________
سبحانك اني كنت من الظالمين

ألا تملك الخيار الثالث وهو أن تصلحها ؟؟

حاول من جديد ..
الطلاق ليس سهلا ..
والخوف من ظلم التعدد يجعلك تفكر كثيرا قبل أن تقدم عليه ..

إن كنت عازم فحاول ثم حاول إصلاحها .. بعدها وإن فشلت قرر أي الخيارين أنسب لوضعك ولإبنتك ولها ..
وافتح معها حوار في أيام (روقانها) , لتعلم هي أنك جزمت وأن صبرك قد نفذ , فإما أن يعيدها حزمك لصوابها أو يجعلها تزيد من طغيانها وتعفيك تحمل مسؤولية القرار ..


رزقك الله سداد الرأي والاختيار الصحيح

__________________
اللهم لك الحمد كما يليق بجلال وجهك وعظيم سلطانك


انتبهوا على ردودكم

يقول الله تعالى : " لاخـير في كثيرٍ من نجواهم إلا من أمر بصدقةٍ أو معروفٍ أو إصلاحٍ بين الناس ، ومن يفعل ذلك ابتغاء مرضات الله فسوف نؤتيه أجراً عظيماً "


قال النبي صلى الله عليه وسلم: ليس منَّا من خبب امرأة على زوجها أو عبدًا على سيده. رواه أبو داود وغيره

اخوي الله يكون في عونك على زوجتك
5 سنوات ما قدرت عليها. اسمحلي اخوي اللى من الاساس ما
احترمت زوجها ما بتحترم اهله. الاخلاق من الاساس من التربية
شلون كانت طفولتها؟ يمكن كانوا اهلها قاسين معاها و هذا اللى
شافت و تربت عليه.مسامحه يمكن يكون كلامي شديد بس ما
اشوف انك قاسي معاها بالعكس صابر عليها 5 سنوات اي رجل
ثاني ما جاب لها خبر يتزوج عليها و يكسر راسها.
ليش ما تفاهمت مع اهلهل؟ ما يدرون بنتهم شلون تتعامل معاك؟
الله يصلح ما بينكم.

عليكم السلام ورحمة الله وبركاته

عفواً .. يُنقل للمكان المناسب .

مثل ما في رجال سيئين خلق مع زوجاتهم .. فهناك ايضا زوجات سيئين خلق من ازواجهم ..

زوجتك محتاجه العين الحمرا منك يا رجال .. يوم انها قالت لك بالمشمش ادخل عند امك كان رقعتها كفين و قلت لها

يالله على بيت اهلك مالك رجعه لبيتي بعد ما اهنتي امي ..

هل كلمت اهل زوجتك عن اخلاقها السيئه ؟؟

جربت انك تتركها في بيت اهلها و تهددها بانها اذا ما انصلح حالها انك راح تتزوج

عليها و تطلقها ؟؟

قول لها انتي بدالك اربع .. هي عارفه ان نقطة ضعفك بنتك عشان كذا مستقويه

عليك ..

حسسها ان مو بنتك اللي رابطتك فيها .. انما كرمك و طيبة اصلك هي اللي مخلتك

تتحمل سوء خلقها ..

اعتقد ان كفين على وجهها كلما قلت ادبها معك اهون من الطلاق ..

واذا ما نفع معها اسلوب الشده .. فاخر العلاج الكي ..

يااخوي ان ابغض الحلال عند الله الطلاق حاول معها وخاصه انها قريبه لك الله يكون بعونك اهم شي علاقتك معها اما اهلك اهم شي تحترم امك وتزورها ولو بالمناسبات

يا اخى عاملها بالمثل

يعنى هى لا تزور اهلك وانت لا تزور اهلها

وكلما ضايقتك ضيق عليها فى المصروف وابخل عليها واهملها

والله المستعان

__________________

كان الله بعونك ... مع الأسف اقول لك حالة صعبة لكن الحل بيدك انت ... هي عنيدة وراسها يابس وعندك بنت منها وماتبي اهلك ... هذي هي محاور المشكلة الرئيسيه أو اللي فهمناها ...الحلول اللي قد تنفع معها واذا لم تنفع فهي حالة مستعصية ... ميئوس منها لا يرجى شفائها ... الا بمشيئة الله أولاً وأخيراً ...
قبل الحل : اذا كنت انت كما اخذت عنك من انطباع فمعناته اني شخصت حالتك تشخيص مظبوط وعلاجي هو العلاج الشافي بإذن الله , وارجو ان تكون صريح مع نفسك قبل تصير صريح معنا .
انت تحبها ... تحبها ... تحبها ... ومحسسها بالشي هذا ويمكن اذا سائك منها تصرف وتكهرب الجو تكون على اعصابك ( شي طبيعي ) ولكن غير الطبيعي بمجرد ان نفسيتها تهدا وترجع الأمور الى مجاريها تنسى على طول ماحصل لو دون اعتذار منها على ماقامت به بل ترجع تعيش حياتك مثل ماتريد ولا كأنه صار شي ... تظهر اهتمام بإبنتك أمامها ... والطبيعي ان كل اب يهتم بأولاده وهي شايفه اهتمامك وتعلقك بإبنتك .... ولكن هل من يظهر عواطفه تجاه ابنائه هو من يحبهم ومن لا يظهرها لا يحبهم ...
الحل : دع حبك لإبنتك بالقلب ولا تظهره امامها ... لكي لا تحس انها نقطة ضعفك وتستغلها للضغط عليك ... فكثير من النساء اذا حست بتعلق الاب بأبنائه قالت هذا يضحي بالدنيا ولا يبعد عنهم وهذي لوحدها سبب لتنكيد الحياة الزوجيه .
الجلافه والشدة بالتعامل مطلوبه مع كثير من النساء فبعضهن يفسرن الطيبه والرحمه بأنها ضعف في الشخصية وكل زوجة مبتلاة بزوج جلف أو عصبي تلاقيها تعيش حياتها معاه تتحاشاه وتتحاشى فضاضته وجلافته وتلاقيها تقول ليته عن خيره يكف شره ولا تهس ولا تنس لأجل تعيش حياتها بلا مشاكل وهذا عيب وغلط ولكن هن من اخترن ذلك ...
بين لها عدم اهتمامك بابنتك وانه حتى لو حيحصل طلاق فلن تكون ابنتك هي العائق دون حدوثه اذا لم يكن هناك مفر من ذلك لأنه عمر الأطفال ماكانوا رابط للحياة الزوجيه ومثلا لو قلنا انه لم يحصل طلاق بل نقول انكي متي انتي يا امها هل ستتوقف حياة ابنتك او تنتهي لا وهل سيحصل لي انا ايضا ذلك لا ... بل ستعيش عندي وعند امي واذا حصل طلاق فانها ستعيش عندك باختياري وتعيش عندي باختياري والطلاق لو لم يكن حل لما حلله الله ...
انت تعاني من عنادها دعها تعاني من تطنيشك وعدم مبالاتك لها ...
هي لا تريد امك وانت مالك الا اذا صارت اي مشكله الا تجهز شنطة السفر حقتك وتشيلها بالسيارة مع اغراضها وتنزلها ببيت اهلها وتخلي شنطتك بالسيارة وقل لها اذا رجعت اخذتك واذا سألتك قالت وين رايح قل اذا يهمك تعرفي وين رايح انا اشوف انه مايعني لك شي واللي يهمني اقول له لأجل مايقلق علي هي امي وانتي اذا يهمك تعرفي وين رايح ماراح يصعب عليك بإمكانك بطريقتك تعرفي وين رايح ومتى جاي من امي وانا مايهمني عرفتي والا ماعرفتي وخذ لك اجازه من الشغل ولو تجلس بالبيت وتحول جوالك او تقفله وخلها تنحرق كم يوم واذا رديت اخذتها خل الضحكه ملي وجهك يعني انك مبسوط للآخر بس مو مبسوط عشانك اخذتها خلها تحس بكذا مبسوط عشان الكم يوم اللي غبتهم وخلك كأنك نسيت تسلم على بنتك مو تجي ملهوف وطاير وهاتك يا بوس للبنت واذا سلمت عليها سلم عااااااااادي جداً واذا وصلتوا البيت نزلها بالبيت وغيب لك ساعه ساعتين وخذ لك شور ونام لا تلقيها بال وتصنع الابتسامه على وجهك ... هي بالحاله هذي راح تطرطع عشان تعرف وش صار ووش التغير ووش فيه ووين كنت ووش سويت وحاول انها ماتعرف شي واذا سألت قل معقوله مادريتي شطكلك ما سألتي ولا سألتي امي اذا قالت لا قل خلاص شكل الموضوع مو مهم بالنسبة لكي ودامك صبرتي لحد ماجيت تصبري لحد ما أقول لك من نفسي واذا قالت قول الحين قل لا مو الحين انا بالوقت المناسب اقول لك واذا قالت متى قل اذا ناسب الوقت قلت لك ... وبعدها على طول قل بروح امي تروحين معي اذا راحت خير وبركه واذا ماراحت قل براحتك بس جهزي البنت باخذها معي اذا قالت لا وتحججت بأي شي قلت انتي ومو مشكله ما اغصبك على ناس ماتبينهم حتى لو انها امي لأن اذا ماقدرتيها واحترمتيها من نفسك بغض النظر عشانها امي لأجل انها بعد انسانه كبيرة بالسن بكيفك شي راجع لك لكن بنتي لا معليش مالك شغل يكفي بكره امي انت الحق بنتي بعد وخذها لو بالقوة وانت لازم تكون مختار الوقت الصح يعني مو يصير الشي هذا الساعه 12 او 1 بالليل او الظهر لا بعد العصر بعد المغرب عشان مايصير الوقت حجة لها .
احيان كثيرة لازم الرجل يكون ممثل وممثل كبير بعد لأجل تمشي الأمور .

أعتقد إنه لابد الإستماع للطرفين قبل الحكم و تحريض الأخ على الطلاق و التأديب ووو إلخ

بيت القصيد في امي اخواتي ماتروح ماتزور ما تحترم ماتتواضع لهم ما تنذل الامي
يا اخي الزوجه ليست مجبره على بر امك والخضوع لاسم العائله المبجل الا تسمع الا ترا الكثير من المشاكل التي طحنت بيوت وفرقت اسر وشتت ابناء والسبب امي امك اختي اختك
بر امك بقدر ماتستطيع كن لها عبدا لكن لا تجبر زوجتك ان تكون لها جاريه
وكن منصفا كن منصفا كن منصفا فما حلل الله ظلم النساء وما شرع العبوديه لهن ولست مطلع على ماتخبأه الجدران عنك حين تختلي زوجتك بأهلك