بسم الله الرحمن الرحيم



السلام عليكم و رحمة الله و بركاته





بتكلم في هالموضوع عن أمي العزيزه كمثال!!



أمي من النوع العصبي جدا، و متسلطه علي بشكل يخليني أشك أني بنتها وهي أمي !!

لازم تجيب سيرتي عند أي مشكله سواء أنا طرف فيها أو لا


و طبعا هالسنين الأخيرة كلمة عانس صايره تتصدر قائمة الألفاظ الجميله


_وبما أنا في قسم العوانس راح أتكلم عن هالكلمه بس _


أذكر أول مابدت تقول لي عانس وتقولي شوفي فلانه و فلانه اصغر منك وعندهم عيال

كنت أرد عليها الشرهه عليكم لو زوجتوني كان عندي درزن عيال


ومن تالي صايره أتأثر يمكن لأني بديت أحس اني فعلا عنست



أذكر لكم موقف من المواقف اللي صارت لي بسبب هالكلمه :

مره سمعت هالكلمه و كنت بغرفتي _طبعا ماأدري وش مضايقها وقتها_

ماحسيت في نفسي من سمعتهاألا وانا ارمي كاس بيدي على الارض

طبعا هي تسمع و تسمي !!

ويوم طلعت قامت تضحك وتقول انهبلتي < يابرد اعصابها بس


وياليتها عقلت ألا زادت علي بس صرت أحاول اطنش واتجنبها

ولا كأني سمعت شيء

صرت أحسها من أعدائي ومابيها تتشمت فيني


أنا من رايي لو هي تشوف لي صرفه وتحاول تحل موضوعي

مو أصرف لها من أنها تتفرج علي و تعايرني؟


هي تدري بمشاكلي كلها مع أبوي بس مدري وش فيها متسلطه



نفسي أعرف ايش تستفيد لما تقول عانس؟

و أيش المتعه أللي تحصلها من ورى هالكلمه؟





أدعولي بحسن الخاتمه