السلام عليكم ...


انا مثلك وتعلمت طريقة جديدة ..



اذا احد سالني شي ..أقوم اساله .... ليه تسال ؟؟ فيه شي؟


أو ...

وغالبا استخدم هذه الطريقة .. ( لا ادري )




عموما فيه قاعدة حطيها في راسك ..


اللي ما يستحي لا تستحي منه

انا اعانى من نفس المشكله اتمنا اتعلم لف ودوران والاخوات ماقصرو بالحلول الله يعطيهم العافيه

معليش غاليتي مهره امون على موضوعك

ردود الاخوات افادتني

اعجبتني انتي شرايك ابجربها

انتي مالك مااعتقد اقدر اقولها لااي احد حتى اختي لانها تزعل صراحه


ومدري ماستفدنا شئ تكون كذبه لاني انا ادري

الابتسامه الصفراء المصطنعه حلوووووووه نجربها

تطويل السالفه واللف مااتقنه لاني بالاخير بااقول لهم


مره وحده سالتها عن طبق جايبته معاها ابغى طريقته

قامت تطالع السقف وتحك رقبتها كاانها تعد اللمبات

صراحه انا انحرجت >>>>>>>وعرفت انها ماتبغى تقول

شرايكم نسوي مثلها ونعد لمبات البيت كلها


وننتظر المزيد من التصريفات

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الصراحة افكار وااااااااااايد حلوه ... والاخت (فيافي نجد ) لخصت المهم ... وجزاكم الله خيرا ...

__________________

(((اللهم اني عبدك ابن عبدك ابن امتك ناصيتي بيدك ، ماض في حكمك، عدل في قضاؤك اسألك بكل اسم هو لك سميت به نفسك او انزلته في كتابك ، او علمته احدا من خلقك او استأثرت به في علم الغيب عندك ان تجعل القرآن ربيع قلبي ،ونور صدري وجلاء حزني وذهاب همي )))

عزيزتي رسيل..

(ما ادري) جواب يدفعني للكذب .. لأنني أدري بالفعل .. وبصراحة لا أحب أن أجد نفسي مضطرة للكذب حتى لو كان لأمر بسيط.


عزيزتي فيافي نجد..

تمونين بالطبع .. وخذي راحتج

__________________


اللهم طِيبَ الأثر .. وحُسْنَ الرحيل.

بالنسبه لي اذا انسألت عن شي مثلا ليه اختك زعلانه وعند اهلها
بقول الله يصلح شانها هي بس تغير جو وان شاء الله الامور تعدي على خير

انا راح اقول الله يحييكم باي وقت والبيت بيتكم ماتحتاجون عزيمه انتو شرفونا بالاول
واذا جو يحلها الف حلال
واذا احد سألني من وين فستانك بقول جاني هديه
واذا احد سألني عن طريقة حلاي وانا ما ابي اعلم بقول والله ماله مقادير معينه
حطي حبتين بيض وشوية سكر وشوية زيت وشوية طحين ..... الخ
واللي عندها اي أسئله حاضرين في اللف والدوران

هلا فيك اختي مهرة ...


استخدم كلمة ( مدري ) عندما أسال عن شيء لا يخصني ...كاهلي مثلا أو اختي ... لأن ما فيه احد يعرف عن الناس كل شي ...

أو ( الله يعين ) ... لأنك صدقتي .. فأنا لاأريد الكذب ولو بكلمة صغيرة ... ولكني وان كنت ادري عن بعض الشيء فأنا لاأدري ( كل ) شيء



دمتي في حفظ الرحمن,,,

الله يعينك
كانت عندي كعقده وانحلت الحمد لله

تطبيق عملي للف والدوران.

ربما يعلم البعض أنني في منزلي أهلي حالياً نظراً لظروف مرض وسفر والدي للعلاج .... المهم .. اتصلت بي أمي (أم زوجي) لتسلم وتطمئن عليّ وعلى ابني .. وخلال الحديث سألتني: (هاااا بتسافرون هالصيف؟) .. فأجبتها: (اسالي ابنك (زوجي) .. فهو الذي يتولي ترتيب مثل هذه الأمور .. وأنا مهمتي فقط أن أجهز الحقائب وأركب الطائرة)

والحقيقة أنني أعرف خطة زوجي للصيف إن شاء الله .. وليست عندي مشكلة حقيقية في إخبار أمي (أم زوجي) بذلك .. ولكنها حفظها الله لا تكتم أمراً وأنا متأكدة أنها ستخبر بعض قريباتها ممن يسألن دائماً عن أخباري بمناسبة وبدون مناسبة .. وهذا ما لا أريده.


ما رأيكن؟

__________________


اللهم طِيبَ الأثر .. وحُسْنَ الرحيل.

السلام عليكم ....


نفس طريقتك اختي مهرة استخدمها مع والدة زوجي .. وخصوصا في مسالة لسفر ... بتسافرون ؟

أقول لها :

يعتمد على ابو فلان ...اذا قال مشينا مشينا ..


ما كذبنا ....صح؟