دموعي ببيفضحني.. كيف امنع نزلهم..؟؟؟؟
السلام عليكم ورحمة الله وبركاته...
اخواتي الكريمات..
مشكلتي.. هي اني من اشوف ملابس طفل او جزمة طفل.. او اي شئ يتعلق في مولود .. تنزل دموعي ..
ما اقدر اسيطر عليها..
اكره الحديث قدامي عن الاطفال.. من اسمع كلمة طفل احس بالم كبير جدا..
حتى صور الاطفال اللي كنت احب اجمعهم.. صرت ما اجمعهم..
وحتى انا بحديثي اليومي صرت اتجنب موضوع طفل..
اذا جات لقطات فيها طفل على التلفزيون.. عشان ما تنزل موعي .. اجلس اعلق على هذا الطفل.... واقلب الموقف كوميدي.. لاني لو بطالعه بتنزل دموعي..
حتى صديقاتي من يولدون ما عدت اروح لهم..و لا عدت اشيل اطفال مثل زمان...
فعلا الان صايرة مشكلة سرعة نزول دموعي من اشوف طفل..؟؟؟
ساعات اتحجج باي حجه.. وادخل الحمام واجلس ابكي.. وساعات اذا بالسيارة اغطي وجهي.. ولا احد يدري بالدموع اللي تنزل.. وساعات اكتمها لين اجي على فراشي وانزلها على مخدتي دموعي..
حتى صرت اتحسس من المزح اذا جاء فيه طاري طفل.. لانه اخاف تنزل دموعي..
والله تسبب لي احرج كبير.. قدام اهلي واخواتي وصاحباتي.. ابي اتخلص من هذي المشكلة.. فعلا مسببه لي الم فوق المي..؟؟
ما ابي احد يشوف دموعي يحس بمدة الانكسار داخلي..
22-07-2008, 06:12 AM
ضوابط المشاركة
العرض الشجري