غلطانة .. وأعتذرت .. ومازال زعلان ويهددني
السلام عليكم ورحمة الله وبركاته
انا خابةاقولك على مشكلةصارت لي مع زوجي وانا غلطانة فيها نوعا ما وابغى منكم الحل لثقتي في ارائكم
اول وقبلكل شي نبذة بسيطة عننا
انا متزوجة من 3 سنين والحمد لله وعندي بنوته الله يخليها ايايارب ..الحمد لله حياتناحلوةاناوزوجي لكن زي اي اتنين لازم من البهارات اللي تزينها لكن احيانا كتير تكون تقيلة
المشكلو مافيها انو امس كنت عند اهلي زيارة وجا زوجي يبغىياخدنا عالبيت عادي يعني الا قالي ايش رايك نبات عندهم انا مرة اتحمست من زمان ما نمنا عند اهلي .. وقعدنا مع اخواني وماما وبابا وانبسطنا
حتقولوا المشكلة فين ..انا اقولكم
تلميح بسيط ؛؛اهلي كلهم ساكنين في عمارة وحدة يعني في العمارة ما في الا 2 اعمامي وستي واهلي وكان في شقة فاضية بنجهزها لاخويا عشان زواجة
بداية المشكله
الوقت كان ظهر ؛؛تعرفوا اجازةوالنوم ملخبط :: ماما قالت انزلو انتي وزجك شوفوا الشقة ركبنا السيراميك حلوولا لأ انا قمت لبسط عبايتي وحطيت الطرحة على راسي بس ما اخدت برقعي قلت الدنا ظهر والكل نايم وعلى حد علمي مافي عمال في الشقة وما اتوقغت زوجي يزعل لاني ما غطيت وجهي
واحنا نازلين سالني ليش ما اخدتي برقعك رديت عليه ببراءة والله مافي احد دحين عادي وما خليت في بالي انو زعل الين جينا داخلين الشقة الا اخوي قالي اطلعي شكلو العمال جوا ما يختاج تدخلي انا على طول طلعت لاني ماني مغطية وما دريت انو زوجي واصلة معاه مرة طلعت عادي واستنيتزوجي يطلع ما طلع يمكن مرت ربع ساعة قلت معقولة ما خلصوا دقيت عليه مارد طلع اخويا سالتو فينو قالي يقول عنده شغلة وراح
انا حسيت ساعتها انو زعل مرة
دقيت ودقيت ودقيت واخر شي اعطاني مشغولوبعدين ارسل لي رسالة ||بكل برود تقولي مافي احد وطلع في عمال انا ما اثق فيكي وانتي راح تندمي وراح اشربك من نفس الكاس.... وكلامكتير يجرح
انا اتفاجأتمنه صحيحي زوجي خساس مرة في خكاية الغطا بس ما اتوقعت كدا
المهم ثلت يابنت انتي غلطانة واعتذريله رجعت دقيت عليه واعتذرت له واترجيتو مارضي قلت له تعال خدني مارضي قالي البيت بيتك وانا ماراح ارجعك خلي اهلك يرجعوكي وانا ما ابغى اوصل الكلام دا لاهلي تعرفوا صعبه مرة
ارسلت له يمكن 20 رساله اعتذاروبرضه مصمم
اناالصراحة ندمانة بس والله ما كنت ادري انو في عمال وبعدين العمارة ما فيها احد غريب كهم اهلي ولو انينازلة من غير عباية كان معاهحق ..
المشكلة انو صاريهددني هو قبل فترة الله يهديه كان يكلم بنات عانت وانا لما اكتشفت قال لي خلاص اتوب
ودحين هو يقول والله لاارجع للي كنت عليه واقهرك وراحاكون قاسيولا تتقربي مني لاني راخ اكون صخر وعلاقتنارسمية ..كلام كتير يجرح
في رايكم الغلط كلو راكبني ولا لأ وايش رايكم في ردة فعله والاهم من داكله انا ايش اسوي دحين ؟؟؟؟؟؟؟؟؟
التعديل الأخير تم بواسطة عربيية وبس ; 31-07-2008 الساعة 06:27 AM
31-07-2008, 06:10 AM
ضوابط المشاركة
العرض الشجري