نصيحه مثل ماقالت الاخت هاايدي الققط تجلب الامراض تخلصي منها فقد تكون احد اسباب تأخر الانجاب والسمنه شيى اكيد وبالنسبه للنظافه فهل تنتظرين حتى يأني زوجك بزوجه ثانيه حتى تنظف له البيت اهتمي بمنزلك وصحتك والحركه بركه ..

الله يـ ع ـينك يادووبا هههههههههه


اسمعي ياحلوه انا عندي الي ينفعك ان شاء الله لأني قبل ثلاث شهور كنت بنفس حوستك

لكن الـ ح ـلو اني مو متزوجه هههههههههههههه

يعني بنت لكن برضه البيت علي وعشان كذا استفدت من موضوع

وابي انزله لك والصراحه انا دخلت بالصدفه هنا
ولقيت عنوان موضوعك وسجلت هنا عشان انزله لك
وان شاء الله افيد واستفيد

بس اهم شي الاراده
حبوبه ما ينفع انزله هنا بنزله بموضوع لوحده عشان الكل يقراها ويستفيد لأنه طويل
شوي

__________________

لو بجدة جيت عندك بالعكس مافيه احلا من التنظيف وخلينا نبدأ خطوة خطوة..
أولا شي لازم تقومين بجرد غرفة الكوي والغرفة اللي فيها اغراض زوجك..بدون تفكير لاتقولين يمكن احتاجه بعدين خاصة اغراض الكلية وش تسوي عندك للحين!!
اجمعي كل الأغراض اللي مو محتاجتها وطلعيها للجمعية واللي تالف في الزبالة..
ايضا حوض السمك لحاله يبي له عناية وأنتي مايحتاج
ايضا القطط حاولي تطلعينها من بيتك اصلا لو حملتي بتضرك لهذا من الحين نظفي البيت منها..

إذا قمتي بتنفيذ الخطوة السابقة كملت معك..

الى لقاء...

الأخوات ما قصرو بالاجابه
شمّري عن ايديكي وبلشي شغل وبعدها رح ترتاحي نفسيا
اتخلصي من القطط باسرع وقت مش كويس تعيش بالبيت بتنقل الامراض وهي السبب بتأخر الحمل عند كتير من النساء

__________________
اللهم بارك لي في اولادي ولا تضرهم ووفقهم لطاعتك وارزقني برهم

اختي انتي مو زوجه كسلانه

انتي زوجه همامه.. يعني كيف؟ يعني تشيلي هم لأبسط الأشياء

تحبي النظافه والترتيب الي على أصول وأضيف دقيقه في عمل هالأشياء

صحيح كلامي والا مو صحيح

فاهمتك لأني مثلك



طاح المتعوس على خايب الرجا:14::14::14:

بس الحمدلله خفت المشكله كثيييييييييييييييييييييييير عندي.. وان شاء الله عن قريب بتنتهي

بيتي الآن كله الحمدلله مرتب ماعدا غرفتين

غرفة العفش فيها عفشي وعفش زوجي وأغراض للبيت مخزنتها فيها

وغرفة الكوي فيها شوية ملابس بس والله شكلها مقبول يعني حوسه على خفيف

باقي البيت من مطبخ وغرفة النوم وغرفة الجلوس الحمدلله مرتب والحمام الي نستخدمه نظيف دائما

مجلس الاستقبال وحمام الضيوف نظيف بس مغبر وكل فتره ادخله وانظفه

وأعتبر نفسي تخطيت مرحله صعععععععععبه الحمدلله وهي البدايه

والآن مستمره على هالوضع وان شاء الله ابتخطى المرحله الجايه

وهي ان غرفة العفش تكون دائما مرتبه وغرفه الكوي أيضا

وان شاءالله بتنتهي بعد ما نجيب دولاب تخزين في غرفة العفش وتنفتح نفسي على ترتيبها وغسالة صحون عشان اتفرغ للكوي


المرحله الأخيره هي الغبار في قسم الاستقبال وهذا اسهل شي بس مو أهم شي

راح أقولك كيف :

أول شي جيبي لك الغساله الاوتوماتيكيه والمجفف الكهربائي اذا ما عندك وغسالة الصحون واحرصي ان الماركات تكون كويسه حتى تفيدك

نجي للشغل اليومي

تعوذي بالله من العجز والكسل

ترتيب لغرفة الجلوس وغرفة النوم + الطبخ + شغله وحده وبس من الشغلات الي راح اذكرها لك:

1)كنس الحوش لأن بيتي مثل بيتك دور أرضي (وترى له مميزات الدور الأرضي وأهمها الدرج لأنه يسبب أمراض في الظهر والعمود الفقري يعني الحمدلله ان بيوتنا ارضيه)

2)كنس أرضية البيت كله من جوا

3)تنظيف الحمام ( ترا مره وحده في الاسبوع والله كفايه لأن ماعندك أطفال بس يكون التنظيف محترم )

4)تنظيف المطبخ

5)تنظيف الثلاجه

6)تمسيح الأثاث وأرضية البيت

7)الكوي

وانتي اختاري على حسب مزاجك في ذاك اليوم

بالنسبه لحوض السمك اذا نوعيته جيده فهو ما يحتاج تنظيف الا في الشهر مره

أنا مثلك عندي حوض سمك بس لأن نوعيته جيده فالفلتلر جيد ويقوم بمهمة تنظيف المويه وفيه نوع من انواع السمك اسمها الزبال تتغذا على الأوساخ والطحالب

والي اسويه في يوم التنظيف للحوض انقص من موية الحوض الربع وأبدلها بمويه نظيفه وأغسل الفلتر واذا يحتاج زجاج الحوض من جوا انه يتنظف انظفه بالليفه الخاصه أحركها من برا وتنظف لي الحوض من جوا ( بالمغناطيس )

وبالنسبه للحوش مره وحده في الشهر غسيل كفايه

بس قبل كل هذا يبيلك شغاله يوميه تجيك وتنظف معاك البيت عشان تبدين من جديد

وتذكري اختي ان الوحده وهي تهتم ببيتها وبزوجها لها من الأجر مثل أجر المجاهد في سبيل الله

والله يكون بعونك وبعونا جميعا ويسعدك ويهنيك مع زوجك دنيا وآخره ويرزقكم بالأبناء البارين

انتي الي طلبتي انا رجال وبكون قاسي عليك ياكسلانه هههههههه امزح

صراحه انا ما ارتاح الا في بيت مرتب حاليا وانا عزوبي

يعني اذا تزوجت راح ازعل اذا شفت البيت مو نظيف ومرتب

لان الترتيب يعطيني ارتياح نفسي مو انا بس اكثر الناس


يعني حنا نروح نداوم ونتعب لازم تتعبون شوي ولا لا ياحريم ؟

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

أنت زوجة كسولة ومالك إلا حل واحد لو انا مكان زوجك سويته أنك تخلية يتزوج تجيء الزوجة تتساعد معك في الترتيب والتنظيف ويمكن تكون أفضل منك وسنعة وتقوم بكل شيء وتخليك جالسة لأنك تحبين الكسل

وشو دعوة غرفة النوم مكان الراحة مكركبة واين عقلك

مرحبا
انا خجلاااااانة منكم والله
كتبت الموضوع و انا في قمة الاحباط لكن معليش اعرف انكن اخواني و اكيد كلامكم بيريحني و يساعدني و الله يجزاكم خير
ادعو ان شاء الله بكرة ربي يقويني و ابدا بالغسيل و غرفة النوم
و الحمد لله اني عندي غسالة اتوماتيك و نشافة ارحم من نشر الغسيل
و اذا فضل عندي وقت بعد ما اتحمم اكويلي كم قطعة و اعلق الملابس المهملة في الدواليب
قولو يااااااااااااارب
و الله يهني كل من ردت عليا و يريح بالها و خاطرها يارب
و بعد بكرة ان الله احيانا حياة طيبة اكمل الباقي

__________________
رب لا تذرني فردا و انت خير الوارثين

ياحليلك وانا كنت اشوف نفسي كسوله بس ابدا مولهالدرجه.......
اول شي زوجك له يد في الموضوع ... المفروض انه يشد عليكي شويه كيف يقدر يقعد في مكان مونظيف انا كان لو جا ولقى غرفة النوم مونظيفع يزعل يومين ...
المهم اختي انتي غرفتك لازم يوميا تنظفينها وتبخرينها وملابس الخروج اللي تخلصي منها تفصخينها وتعلقينها لاتتراكم عليكي ...
المطبخ وماشاء الله عليكي شكلك شاطرة يعني اللي يقرا موضوعك هنا مايقرااااااااه هناك... غسلي المواعين بسرعه بسرعه وانتي تطبخين يعني وانتي تستني اللحم تستوي غسلس المواعين اللي استخدمتيهم ولاتكثري اغراض في الطبخ يعني صحن واحد غسلي فيه اللحم بعدين غسليه وحطي الخضار قيه بعديم غسليه ونقعي الرز ... لاتكومي عليكي الشغل...
الحمام كل يوم بعد ماتسبحين غسليه ونظفيه ... وطبعا هذا كله قبل لايجي زوجك من العمل ...
الملابس حطي لك غساله اتوماتيك ويوميا شغليها وشغلي الكواي بعد ماينشوفون ...
الصاله بسرعه المكنسه توفي الغرض ومدام ماعندك اطفال ماتحتاجي مسح الارض كل يوم ...بس مسحي المكتبه والتلفزيون وانتي ماشيه ...
باقي البيت نظفيه كل اسبوع ...
اما عاد غرفة الكراكيب والحوسه لازم تتخلصي منها تقريبا الاشيا اللي ماتحتاجينها ارميها باقرب زباله عشان لايتراكم عليكم تراااااااب وحوسه...

بس انا رااايي مع جميع الاعضاء اللي قالولك جيبي شغاله مؤقته لمدة يومين تساعدك للاشياء المتراكمه وبعدين افتحي صفحه جديده واشتغلي يوم بيوم ...
وانصحك كل اسبوع جيبي لك وحده بالايجار تسوي تنظيف شاااااااااامل تطلعلك دواليب المطبخ والحمامات تغسل جدرانها والكنب تنفضه وتكنس الكنبات والكراسي واذا عندك زوالي تغسلها ... والدرايش يبيلها تنظيف كل فترة وكمان شراشف السرير يبيلها غسيل وكوي كل اسبوع ... يعني لو جبتي شغاله اسبوعيا او كل اسبوعين تشيل عنك هالتعب..

و كل سنة و انتي سالمة

__________________
رب لا تذرني فردا و انت خير الوارثين