|
شوف يااخي الحبيب يقول الشاعر : ومن يتهيب صعود الجبال * * * * * يعش ابد الدهر بين الحفر اجدادك المسلمين الفاتحين لو فعلوا مثلك ما انتشر الاسلام في بقاع الارض انهض وانطلق وايقظ المارد اللي بداخلك .. انت شاب ومسلم ورجل .. دع البيت للخدور وانطلق نحو المعالي والثغور |
اخوي الله يكون في عونك ويفرج همك
طيب ممكن تاخذ من وحد مثل حالك او قريب منها و الحمدلله ربي فرجها علي ورجعت مثل اول انا كنت اطلع من البيت واروح واجي جات مشاكل دفعه واحده فوق راسي وانا من الناس الي يكتم و يضحك بعد ولا يبين لاحد صار وقتي كله في البيت اطلع للمسجد وارجع واخر الاسبوع ممكن الف بالسياره اقل من ساعه وارجع اجتماع الاهل الاسبوعي ما اروح الكل يسأل وين الولد راح ليش ما صار يجي فيه شي احد مزعه بعدها جلست مع نفسي وقلت ياولد الى متى الوضع هذا بيت تلفزيون نت المهم صرت اطلع شوي شوي ارح الاجتماع اجل نصف ساعه او ساعه بالكثير ثم الباب وشوي شوي لين طلعت من الحالي الي كنت عايش فيها يعني الزبده اخوي الي يبي لك هو العزيمه شوي وصدقني راح تزين امورك وذا كان ابوك من النوع الي يعد ولده زميله مثل والدي حفظه الله صدقني راح تسهل عليك المهم وحاول تطلع مع ابوك حتى ولو وقت العصر وشوي شوي راح تنطلق دعواتك لي اخي |
كلامك يا اخي جميل صدقت والله مثل كلام خويي الي كنه اخو لي لأني
ما عندي اخوان اكبر مني يقول ابدورلك وضيفه في المساء عشان تطلع من عزلتك وتجمع لك فلوس لأني من النوع الي صرفيته قليله اخي الله يوفقك ويسعدك |
شكلك خويي يعني منت راعي استراحت مثل اغلب الشباب
اقول سلم لي على صدقيك وبوس راسه هذا الخوي الي ينشد فيه الظهر اخويك صادق ووظيف المساء لها مفعول ساحر وخاصه اذا كانت فيها مقابله جمهور مثل شغلتي بالمساء بدون مبالغه قابلت انواع الاجناس و الحمدلله على كل حال |
السلام عليكم ورحمه الله وبركاته
اخوووي مشكلتكم ماشاء الله هينه سهله باذن الله بس تبغى منك انت تتحرك اطلع مع الناس زور عمامك خوالك حاول تكون صدقات صالحه مع رفقاء صالحين اضحك لدنيا الحياة تمر والعمر يمشي وانت منعزل عن العالم جاااااااااااااااري الحياة عش مع الناس افرح لفرحهم شاركهم بكل شي كان كالشجرة المثمرة اينما كنت في اهلك وعيلتك وجماعتك كلهااااااااااا لاتجلس تحط يد على يد وتقول مااقدر وين همه الرجاااااااااااال وين عزم الشباب انت توك في مقتبل العمر ماشاء الله 20 سنه هذا سن الحركه والهمه والعزم الله يسر امرك |
اخي غارق في الاحلام
كلامك من اول وله شككت ان زوجي شارك في المنتدى وكتبها لكن تبين من كلامك انك عزوبي وهذا كان الفاصل في شكي ...مع انه كان شخص اجتماعي ومحب للحياه ويضرب به المثل لكن الان حتى انه بدا يتضايق بالجلوس معي ...حاول ان تقرا سوره البقره صدقني لها مردود كبيير.. زوجي حاولت معه بان يقرا سوره البقره لكن مكانك سر حتى انه لا يستطيع اكمالها اشتريت لها اشرطه للسياره لشيوخ عده وحاليا بالايام هذي اقولك مرودها قوي جدا جدا يكفي بانه يشعر براحه بداخله ... ضع افكارك اهدافك في مذكره وحاول انجازها لان لا شيء مستحيلا في هذه الحياه وحاول تحقيقها ..... الدعاء والاستغفار انه لا يرد صدقني ستيسر امورك باذن الله واياك واليأس... واطلب من ابويك ان يجعلوا لك من دعائهم نصيب... اخي ذكرت انه بسبب موضوع قلبت حياتك لااريد ان اسالك ما هو ولكن حبيت اقولك اذا تشك بشخص او باشخاص حاول ان تأخذ من اثرهم لعله شفاء لك ياحي يااقيوم جميع ردود الاخوان رائعه اتمنى ان تطبقها وان شاء الله مافيك الا العافيه اللهم فرج همه وهمي وهم المهمومين ياحي ياقيوم .... وخذ بيده للطريق الصحيح يارحمان يارحيم |
مواقع النشر |
الكلمات الدليلية |
مساعدتي, ارجو, راح, راسي |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|