حبيبتي حائره شكرا لكي على كلامك الرائع ولكني لا اجد اليوم الذي يكون فيه العاشق ولو وجدته لكفاني وسأقول لكي امر مضحك انا لا اراه كل يوم ولا خمس ايام ولا ثلاثه ولكني اراه كلما سمحت ظروفه وهذا ما يضايقني انني بالرغم من انني لا اراته لا اشعر بلهفته علي حتى اختي الحبيبه أم الثلاثه قالت انني امثل جزء في حياته ولكنني لا أرى هذا الجزء ولو رأيته لكفاني ولكنني أعدك ان ابعث له رسائل مع انني لا أراه يجد الوقت كي يقرؤها

أسعدني وجودك ومشاركتك أراحتني شكرا حبيبتي

__________________

اسفه يا حبيبتي لسه شايفه الموضوع حالا طبعا انتي عارفه هندسة وانشغالها

طبعا انا مش حقول اكتر من اللي اخواتي قالوه سواء في موضوعك ده او موضوعي

بس صدقيني في كلمه أحمد حبيبي ربنا يخليه قالهالي خلتني ابطل اقول الكلام ده لاني كنت طالعه في موضه

الايام اللي فاتت كل شويه اقوله انت مش بتحبني

قالي يا عبيطه هوانا ليا غيرك انا بقى بحبك اكتر وبثبتلك ده في افعالي اني دايما بسعى وبتعب ومشغول

وكل د ه عشان بحبك وعاوز اتجوزك ولو انا مش بحبك ومش عاوزك ايه اللي يخليني معاكي؟؟

طبعا انا اتحرجت من نفسي لانه فعلا تعبان وشقيان وانا بدلع ومش عاجبني(ماشاء الله عليه)

احنا طماعين اوي

ربنا يسهل لكم طريقكم ويعجل بزواجكم ويقربكم لبعض يارب

__________________

غاليتي وأختي زوجة احمد وحشتيني

دايما كلامك جميل ربنا يخليكي وربنا يهديني لاني بدأت أيأس هو بيقول كلام وأنا عارفه انه بيحبني زيي واني حاجه مهمه في حياته لكن حاسه اني مركونه على الرف لما يفضى انا عارفه انهبيحبني والله بس مبيعملش زي ما أنا بعمل معاه بهتم بيه جدا لكن هو فين

انتي عارفه اختي بتقولي هو راح فين وبتسألني عنه مش عارفه اقولها ايه

لكن على كل حال بجد ربنا يخليكي انا كنت مستنيا كلامك بفارغ الصبر متتصوريش والله بعد ما بقرؤه بيديني الامل لدرجة انه بيخليني أهتم بيه زياده واهتمامي ده بيسعده وبحس انه خجلان مني لاني دايما بحاول أضحك وانا بكلمه في التليفون وأكلمه بكل رومانسيه وحنان وهو ميعرفش انه جوايا نار بس تعرفي علشان مكونش كدابه مهما ضحكت وحاولت أداري بلاقيه حاسس بيا وبصوتي هو والله كويس جدا وبيحبني انا عارفه

بس ايه الفايده لما تبصي للزرعه بكل حب وانتي مبتسقيهاش

ربنا يوفقك ويسعدك ويصلح الاحوال بينك وبين زوجك احمد ويوفقك في الكليه ونشوفك مهندسه قد الدنيا

__________________

صدقيني كلامك ده مش من دماغك ده الشيطان اعوذ بالله هو اللي بيصورلك كده

وطبيعي جداااااااااااا ان زوجك يتغير عن ايام لما كان فاضي ومش عنده اش مسؤليات

تأكدي انك بباله على طول ولو مكنتيش بباله مش حيبقى مشغول على طول كده عشانك

الحياة بقت صعبه والشباب عليهم ضغوط كتير واحنا يا عيني حاطين ايدنا على خدنا ومستنيين

نصيحه لكي يا حبيبتي متركزيش معاه اوي واشغلي نفسك بأشياء اخرى روحي احفظي

او اشتغلي اهم حاجه اشغلي وقتك عنه لان الفراغ قاتل جداااااااا وبيجيب افكار وحشه

عندي لكي سؤال انتي من الاسكندرية؟؟؟

الله يسعدكم ويقربكم يارب

__________________

عزيزتي نقلت بعض النصائح بموضوع اختي زوجة احمد شوفيها وادعي دائما بان يجعلكما قره عين لبعض ولا تغضبي كثيرا وحصني نفسك بالرقيه والأذكار
ربي يسهل عليكي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اختي night2005

ربنا يجازيكي خير على المشاركه الجميله وفعلا ان كل كرب وهم يحتاج الى الصبر والدعاء والقران لقد تعبت كثيرا في حياتي وتعاملاتي مع الناس لكن في كل موقف دائما اجد الله بقربي ومعي ولكني عندما ارتبطت بهذا الانسان كنت اعتقد انه لا مجال لاي معاناه اخرى ولكن الحمد لله

أسعدتني مشاركتك

__________________

حبيبتي واختي زوجة احمد بجد شكرا على مشاركتك وانك دخلتي تاني وبجد كلامك جميل وبيريحني قوي تعرفي انا النهارده قبل ما اقرا كلامك اتخانقت معاه ووصل بيا اني كنت عايزه اتفق معاه اننا نسيب بعض بجد الفراغ مش بس قاتلني ده خلاني احس اني ولا حاجه بالنسباله

وسبحان الله كل الكلام اللي قولتيه هو قاله بالظبط يعني قالي انه طبيعي ميكونش زي زمان وانه بيعمل ده علشاني وانه بيحبني زي الاول لكن كلامه أول مره ميأثرش فيا من كتر ما انا فاضيه حسه بملل وخصوصا اني مليش اصحاب لي تلاته بس كل واحده منهم في محافظه شكل

بس كلامك أكدلي ان فعلا ده شيطان وبعد ما قفلت معاه استعذت بالله من الشيطان وكلمته لقيته قعد يهديني بكلامه لكن اللي انا حساه دلوقتي برووووووووووووود تام ناحيته بطريقه فظيعه

بس الحمد لله اننا قفلنا واحنا مرتاحين نوعا ما بس انا مشعارفه اقولك ايه بجد ربنا يخليكي ريحتيني
وبالنسبه لسؤالك انا اصلا من الشرقيه بس عايشه في القاهره لكن ليا عمتي في اسكندريه واحتمال قريب ناخد شقه هناك شكرا ليكي يا قمر

__________________

تسيبوا بعض ايه بس ربنا يهديكي يا حبيبتي اوعي تقولي كده تاني فاهمه

بقى تسيبيه عشان بتحبيه وبيوحشك ؟؟

ابعدي التفكير ده تماما وكل مشكله ليها حل بس الانفصال مش حل خالص

بصي انا كان ليا فترة بردو بحس احمد بعيد عني ومطنشني قررت اتقل عليه ولما يكلمني اوريه دايما

اني مشغوله بحجات كتييييييير صدقيني ساعتها حتلاقيه حيموت عشان ترجعيله زي الاول

شيلي من بالك تماما انه مش بيحبك هو بيحبك واختارك من بين كل بنات الدنيا

استحمليه بقى واستحملي ظروفه وهو اكيد مش حينسى ابدااااااااااااا وقفتك جمبه وصبرك عليه

ده جوزك وحبيبك فاهمه

وبجد لازم تشغلي نفسك زي ما قلتلك سواء انك تشتغلي و تحفظي قرآن في دار مثلا واحضري دروس

دين اللي في المساجد وساعدي والدتك وكده

ربنا يقربلكم البعيد ياااااااااااااااااااااارب ويسعدكم ويقربكم من بعض ويزينك في عينه ياااااااااااااارب

__________________

حبيبتي الجميله زوجة احمد انتي بجد مش عارفه اقولك ايه بس انا متأكده انك دعيتيلي

النهارده قابلته واتكلمنا وسبحان الله اول ما شفته وقعدت معاه حسيت باحساس مختلف خالص بجد مش عارفه ازاي غيرني كده بجد انا قولتله انت مش سهل ابدا ولقيت نفسي بضحك زي الهبله وحسيت انه غيرني خالص وكان معاه علاجي

لكن قولتله انه يخلي باله مني لاني فعلا تعبت بس هو قالي انه هيفضي نفسه يوم الجمعه ونتفسح مع بعض

انا قلت لازم ابشر اختي حبيبتي زوجة احمد وادعيلها لانك فعلا حبيبتي قوي ربنا يخليكي ليا وتفضلي تنصحيني كده على طول:20: بس انتي مقولتيليش انتي منين بالظبط ؟؟؟؟ لاني بجد نفسي اتعرف عليكي اكتر

ونفسي اشكر كل اخواتي اللي هدوني قوي قوي وبخاصه اختي حائره واختي night2005

__________________

ماشاء الله ولاقوة الا بالله
الف مبروك انقشاع الغمه
انا حاسه بيكى لأنى مخطوبه بردو من زماااان من 3 سنين تقريبا ومعاكى ان الفترة لما بتطول بتكون فظيعه وممله
بس انا هديكى حاجه هتشكرينى عليها جدااااااااااا
قوليلى ايه
بصى ياستى انا بقرا دلوقتى كتاب (الرجال من المريخ والنساء من الزهرة)
اكيد سمعتى عنه انا نزلته من النت على ملف pdfهتلاقيه كتير اكتبى اسم الكتاب على جوجل ونزلى برنامج الpdfهيشتغل عليه لو مش عندك
صدقينى الكتاب ده اكتر من رائع وهيقلل نسبة المشاكل بينك وبين زوجك بنسبه 95%
انا كنت زيك بنزعج اوى لما زوجى يتغير منى او يبعد بس لما قريت مقتطفات من الكتاب فهمت ان السبب مش انه بطل يحبنى ابدااا ومبقتش انزعج زى الأول وبقيت فاهمه ان دى حاجه عاديه جدا وهيرجع تانى
انتى اهم حاجه تلاقى الحاجه اللى تشغلك اوحش حاجه انك ميبقاش وراكى اى حاجه الا هو بس ده مش حلو ابدا
فيه موضوع قريته فى قسم المتزوجين جميل اوى اسمه(عزيزى الزوج عذرا انت شريك حياتى وليس كل حياتى )اقريه كمان هيريحك
ومبروك عليكى الخروجه يوم الجمعه ياقمر:14:

__________________
[marq]زوجى الحبيب..........قرة عينى...........أحبك[/marq]