زوجي خطب .. و سيتزوج علي ..تريدون معرفة ردة فعلي؟
السلام عليكم
جداً جداً مشتاقه لكم والله
وكل ما يصيرلي حدث أقول بدخل المنتدى واقول لكم
بس وقتي مادري شلووون يطييير
ادري ناطرين اخباري وشنو صار معاااي
انا اصلا ناسيه شنو مشاركتي الاخيره ووييين وصلت معاكم
المهم أهم الاحداث كانت قبل رمضان
كنا متزاعلين تقريبا شهرين
وانا عزلت عنه بغرفه بروحي
بس الشك والغيره كانو ذابحيني
قمت و ارسلت مسج على تليفونها فيها صورتها عريانه وكتبت تحتها ( نفس هالصوره واكثر راح اطرشها حق اخوانك)
طبعا خافت جداً وقامت تتصل علي وانا اطنشها حسيت مو مستواااي اني ارد علها ما اقدر احس انها تافهه
المهم شلته اخيرا قلت:ألو
قالت: سمعيني بقولك شي
قلت : مو أنا الي أسمع ....
قالت:بقولك شي عن زوجك..ترا زوجك
قلت: صورتك راح ارسلها حق اخوانك
قالت : زوجك متقدملي
قلت شنو .. إنتي مجنونة
قالت:والله زوجك خاطبني من أخواني
قلت:زوجي مو هذا مستوااه إنتي كذابه
قالت :والله والله العظيم ..واذا مو مصدقه......أنا سكرت التلفون بوجهها ..ماقدرت اسمع اكثر
و انتابتني نوبه ضحك
رفيقتي الي اهيا نفس اختي بجانبي تسالني شفيك ؟ اقولها هذي مجنونة تقول زوجي خاطبها شلون بوفلان مايسويها هذي جداً رخييصه ومعروفه بالديره
ردت علي رفيقتي بكل قوه : عطيني أنا اكلمها وأفهم منها شالسالفه
انا الهدووء نزل علي مادري من ويين سبحان الله
المهم سألتها عن السالفه
تذكروون يووم دقييت على أخوها وعلمته ؟؟؟
يومها زوجي قالي دقو علي ناس هددوني تذكروون؟
وأهيا تقول اليوم الي علمتي فييه اخواني اخوي أخذني من شعري وسحبني مثل الخرووف بيته وحبسني أسبوووع كامل زوجي دق على أخوها بنفس اللحظه وطلبها للزواج
وبعدها تقول حددو المهر نص مليون دينار كوييتي تخيلو؟؟ وأهما بيتهم مافييه سنترال ولا وحدات بعد حدهم تكيييف قديم
بس شافوووه فلوووس قالوو هذا إسكت
المهم حددو المهر الاخواان واتفقو على مؤخر بعد نفس الشي وواتفقو خالاتها ياخذون جزء من مهرها
طبعا بتعرفون ليش ؟
لان اطلعت خالتها تعرف وحده تعرف زوجي .. وإهيا إدخل عليه بنات بالمكتب بحجه إنه يبي موظفات يستغل مكان عمله الأخ
وطبعا يعاينها ودق عليها لما ياخذ الي يبييه وإهيا تاخذ إلي تبييه
المهم زوجي رفض المبلغ المذكووور بحجه إنه كثير أكييد كثير
خصوصا انه بخييل شوي
وتعلق الموضوع إلى يومنا هذا
طبعا إهيا تحلف وتتكفر أنها ماتكلمه ولا تشوفه ولا عمرها شافته أصلا ولا تطلع معاه
الكاذبة و ثيابه كلها مكياج
المهم انا يوم عرفت ان الأثنين كاذبين .. قررت أنتشل نفسي من هالإنحطاط
ما صدقت لا زوجي ولا إهيا
إهيا كانت خايفه إني أبعث صورها حق إخوانها وأهوا خايف إني أفضحه إذا زعلت وطلعت من البيت
قررت إني أغير حياتي
وغيرت دوامي
وأنا ألحين أدرس بالجامعه والكل حاب شخصيتي
والكل يمدحني وأنا أصلا أقوم من الفجر عشان المكتب والشغل حسيت أن في شي حلو بالدنيا وصرت أهتم بنفسي أكثر من الاول ونزل وزني واايد وصرت حريصه على الدوام بحكم الاجتماعات والمسؤوليه الموجوده بهذا المجال
المهم ان سعادتي ما توصف لما أكلم دكتور أو عميد او أستاذ ويمدح مهاراتي وقدرتي ورشحوني لدورات خارجيه
شي جدا جمييل حسيت بكياني واهميتي وان مو شرط بعين زوجي أكون ممله وسمينه ومو شي على قوله الكويتيين
المهم الناس الي حوالي
دوامي ونجاحي خلوني استعيد الثقه بنفسي
وزوجي أعمل معاه الواجب الي أمرني فييه ربي
أكله
شربه
ملبسه
بيته
غير هذا لا يوجد..مايستاهل
لا ويووم عاملته هكذا ... وحس بلهفتي للعمل ..كأنه بدى يغاار شوي ولاحظ ..هه بعد ماذا
وانا الحين مو خايفه واصلا مستعده لاي صدمه ثانيه
عادي وحده ادق علي تقولي زوجك متزوج عليك..عادي لاني متخذه قرار في حاله زواجه علي
نسيت ما قلت لكم
ماعلمت زوجي عن الحوار الي بيني وبيت رفيقته ولا مذا قالت لي
تدرون ليش
لانها اكيد قالتله
وأنا ساكته
وأهما كلهم كاذبينن فمايدري يحتار يصدقها ولا يصدق زوجته الصامته
ودمتم سالمييين
يرجى الابتعاد قدر الإمكان عن اللهجات المحلية ..
الإشراف
__________________
حبيبك بموت بعد 24 ساعه...ماذا تفعل له؟؟؟
التعديل الأخير تم بواسطة cutiepie ; 26-11-2008 الساعة 02:11 AM
25-11-2008, 10:05 AM
ضوابط المشاركة
العرض الشجري