تبيعيها يعني تنقلين كفالتها لناس ثانين
ويدفعون لك حق الاستقدام كامل
ونقل الكفاله الفين عليهم بعد

وبالفلوس قدمي شغاله ثانيه

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

راما شو صار معاك ان شاءلله لقيتي الحل انا عندي حل ممكن يريحك كتير


الاشراف:لفظ المشيئة تكتب هكذا (ان شاء الله)

عزيزتي ..

الحل الأول .. التحويل المحلي .. يعني انك تحطي اعلان في الصحيفة عن شغالة للتحويل المحلي .. واي عايلة محتاجة لشغالة او يمكن شركة (شركة تنظيفات مثلاً) محتاجين لشغالة راح يحولوها على فيزتهم ويعطونك نفس المبلغ اللي يعطون لمكتب الخدم .. وبكذا بتكونين قادرة ماديا على احضار شغالة ثانية ..


الحل الثاني .. ما يصير كل يوم يكون لك خدامة .. فالحل انك تسوي لنفسك شخصية وتخلي لها قوانين تمشي عليها .. واولها انها ما تمد يدها على عيالك .. ويكونون العيال من اولوياتها وبعدها يجي شغل البيت .. يعني شنو خدامة تمد يدها على ابنك؟؟ خليها تشوف عاطفة الأم شنو تسوي .. انا لو منك اعطيها كفين .. اكره شي لما شخص كبير يطلع قوته على طفل ..


الله يسخرها لك ولإبنائك ويخلي ابنائك ويحفظهم من كل شر ياااااااااارب

ليش ما تحاولي تحلي المشكلة ..و تناقشيها في موضوع الضرب..من جد صعبة تمد يدها على ولدك بوجودك..و الله أعلم ايش تسوي له في غيابك...حطي لها حد..حطي كاميرات مراقبة سواء لها او لغيرها..

و ممكن تخليها عند أمك في فترة شغلك على الأقل تكون تحت عينها ..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

اختي

حاولي انت تقومي بترحيلها فورا .. بقدر الامكان

( الفلوس تجي وتروح .. لكن الولد لا ) <بسم الله عليه من كل شر

الله يحفظك

يار يت فيه حاجة زي كدا ... خليها على الله !
بس زي ما قلت مشكلتي تتعدى حضانتهم وقت الدوام فقط !

ربي بيفرجها اكيد ..

شكرا لجميع .. للتوضيح وللإقتراحات وللدعوات القلبية

انا واجهتها بالطبع وهي خافت واتعدلت ..
شوفوا انا مابغى اعطيها اعذار لكن حتى ولدي احيانا يبكي عليها لنها تلعب معاه وتدلعه لكن لمن تكون نفسيتها زفت من ظروفها في بلدها وهو يترزل قامت مدت يدها ..
أيا كان ...هي انعدلت وخافت
وانا برضه عيني مفتحة عليها ... الين ما يفرجها ربنا ..
والله نفسي اتقفلت منها !

ناوية على الكاميرات بعون الله ...
وانا دااااااايما اقول لأي شغالة عندي انا جايبتك عشان العيااااااااال وهم لهم الاولوية ..

تدري اش مضيق صدري ..؟؟؟
اني ح استقدم من جديد ...وبيها تصيب وبيها تخيب ..

ولا حول ولا قوة الا بالله

!

ربي يفرجها عليك وييسر لك أمورك,,بس انتبهي اذا قدامك وحصل تجاوزات ومدة يد أجل من وراك ايش تسوي,,أنا توصلني ايميلات عن تعذيب الخدم لأطفال في غياب أهاليهم,,أقسم بالله حاجه توجع القلب وتبكي,,الولدبالدنيا ومافيها وكل المبررات الي ذكرتيها عن نفسيتها الزفت وسوء أوضاع بلدها ماهي عذر بالمررره,,أنا ماأدري انتي بأي منطقه بس عندنا بالشرقيه حضانات رسميه,وحضانات في بعض المجمعات السكنيه وعمومامعظمها مررره كويسه ويقومون بالولد على أكمل وجه وغير كذا دوامهم طويل ويستمر الى الساعه6المغرب,,نظرا لظروف عمل بعض الاخوات في بنوك أو مستشفيات وغيره,,

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه

اختي الشغالات مالهم امان حتى لو تعدلت يومين تحقد وتشيل في قلبها لين يقرب سفرها ..
مافي قدامك حل الا انك اذا كان اقل من 5 سنوات تدخليه حضانة واذا تعدى الخمس سنوات دخليه روضة وانتي في طريقك وصليه وتكون قريبة من مدرستك اليوم الحمدلله مافي مدبنة ولا قرية الا فيها او قريبة منها حضانة او روضة ..