السلام عليكم

عندي مشكلة ولااعرف كيف حلها

بنتي عمرها تسع شهور حاليا وانا ادرس واتركها من الساعه سبع الصبح للساعة ثلاث الظهر

يوم كانت اصغر اعطيها حليب صناعي فترة اللي مااكون معاها .المشكلة ان ام زوجي تبي تسيطر على بنتي وتربيها بكيفها .بنتي ماكانت ترغب للصناعي كثير تخيلو ام زوجي يوم جافت بنتي ترفض الصناعي ولا تشرب شوي وتتركه قامت تطلع صدرها لبنتي عشان تبي ترضعها واهي مافيها حليب وفي اشياء ازيد بس انا ساكته ووقت اللي انفجر واتكلم لزوجي اطلع انا الغلطانة واني احقد على بيتهم .ودايما تقولي لا تعطينها طبيعي اعطيها صناعي وانتي حليبك ما يكفي ومن هالكلام
بنتي في الشهر التاسع وانا ارضعها الصبح قبل لااروح وتنام وقلت لهم مايحتاج تعطونها حليب بس اكلوها لان اهي كبرت انها تشرب حليب كل ساعتين .وش قامت سوت ام زوجي من وراي قامت اشترت لها حليب واذا ارجع تغسل الرضاعة عشان لااجوف
خلاص وصلت حدي ليش تسوي جذي يوم كلمت زوجي عصب علي خلاص مااتحمل تصرفاتهم اذا مالقيت حل راح اسوي مشكله غصبا عني وانا مااتمنى هالشى
اتمنى تفهموني انا حسيت من تصرفاتها انها تبي تسيطر على بنتي وتبي تربيها عندهم شلوون ماادري
وزوجي الله يهداه مقدس بيتهم تقديس مع الغلط اللي يسونه انا الغلطانه
تخيلو يقولي اذا حملتي مرة ثانيه بنعطي ولدنا حق اخته لانها ما عندها اولاد

ماقدر اعلق على هالشى بس اتمنى القى حلول عندكم
وشكرا مقدما