يجب عليك وضع حوار معه ومنه تنظيم وقتكم وجعل وقت للنزهة اسبوعيا حتى تتقارب الانفس

غيري ونوعي في الاكل في الاثاث يمكن للتغير دور

ولاتنسي الدعاء والاستغفار اعانك الله وفقك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

لا أملك حالياً إلا الدعاء لكِ .. بأن يفرج الله همك و ييسر أمرك

ويحنن قلب زوجك عليكِ .. حتى يشعر بوجودك

الله يساعدك .. فيه كذا رجال جافين وجامدين إلى آخر درجة

ما عندهم أي إحساس أبداً ..

بالاضافة إلى أني شايفة من كلامك أن زوجك أناني ما يهتم إلا بنفسه وراحته وبس

يعني هو متزوج عشان يشوف وحدة تطبخ وتغسل له وهم بعد تخلف له .. وبس

هو يفكر في نفسه .. ما عمره فكر أن الزواج مشاركة .. وانه مثل ما انتي تبذلين عشان تسعدينه

المفروض هو يبذل عشان يسعدك ..

بس الظاهر هو يشوف أن الي تسوينه واجب مفروض عليكِ وهو واجبه يصرف من ماله وبس

دون الاهتمام بشيء اسمه مشاعر ..

المشكلة جفاف الطبع الي فيه .. ما يشعر به .. يحس ان هذي اشياء عادية

يمكن طبيعة تربيته جافة .. يمكن هذا اسلوب تعامل ابوه مع أمه

الحياة بهذي الطريقة جريمة بحق النفس اولاً قبل الشريك

كأنه واحد يطلب منك تسقيه ماء وتروح تعطيه خبز

الحياة الي مافيها ارواء عاطفي مالها داعي

الحياة بدون مودة ورحمة مالها داعي

والمشكلة انه ما حاول يتقرب منك .. هو مو حاس بحاجاتك بالمرة ويمكن يشوفها تافه ولا لها معنى

ولما طلبتي الطلاق .. ولا كأنه يسمع .. طنش ولا كأن لك وجود أو أهمية في حياته

اساساً مو فاضي يفكر في الي تقولينه !!!!

يا ربييييييي كل هذا تبلد في الاحساس .. وربي شي غير طبيعي

هل أنتي متأكدة أنه تزوجك عن رغبة تامة ؟؟

كيف كانت ظروف زواجكم ؟؟ كيف تم هالزواج ؟؟

__________________

اما عن ظروف زواجنا هو اولا يعتبر من الاقارب وتقدم لطلبي من والدي ووالدي الله يعطيه العافيه سالني لو موافقة فقلت لا لاني ما اعرفه وبصراحة لاني كنت احب شاب كان معي في الجامعة بس بس لما رفضت زعل لوالد وهو صاحب مرض فقالي لو تبي تزعليني منك لاتتزوجيه وقبل ما اقولو اني احب شاب خر قالي لو عندك حد في بالك حجلسك في البيت وما عاد تروحي الجامعة وما حتتزوجي احد غير اللي انا اقول عليه... فما كان عندي سبيل لا الزواج ..

اما زوجي تقدملي لاني كنت اجمل بنت في العائلة ... يعني تقدملي عشن شكلي بس ولو كان في بنت احلى كان راح اتزوجها... يعني مافي حب

عزيزتي خذيها مني نصيحة ...

لا تقارنيني زوجج الحالي بحبيبج القديم لأنه أكيد راح يجي ع بالج كل ما أساء لج زوجج أو طنش

أنا ايام الجامعة لم تكن معي علاقة ولا شي ولكني كنت فتاة من النوع اللي عندها خطاطيب وااايد ورا بعض وخطبة فوق خطبة ... ولما تزوجت زوجي كانت تصدر منه أفعال ما أحبها ولحد الحين وأحسه مب من النوع اللي كنت أحلم به فقعدت أقارن مع الأشخاص اللي خطبوني وأتخيل حياتي معاهم هل بتكون أحسن ولا لأ !!

بس تعبت لأني لازم أرضى بمصيري ونصيبي

وصارت لنا مشاكل من أول ايامنا بس ع الخفيف ولحد الحين تصير بس أنا أقول كل شي يبيله صبر

الحين علاقتنا أحسن ...وما فيه شي كامل الا وجهه سبحانه
وكل انسان عزيزتي وله عيوبه

حاولي ادورين ايجابيات زوجج وادخليله من ها الباب

وحتى أنا عزيزتي كنت دلوعة في بيت أهلي وكل أهلي وعايلتنا الكبيرة تتمناني حق أحد من عيالها

بس خلاص لازم نرضى بالواقع والواقع مو سيء ابدات لذيك الدرجة اذا اقنعنا أنفسنا

وابتسمي

__________________
الظلال تمد ايديها لنا !
هل يا ترى تكون ارفق علينا من الضوء؟

انا اشكر لكم تفاعلكم معي ولانها اول مرة ابوح بمشاكلي لكن بصدق ارتحت جدا وارجو المزيد من المشورة جزاكم لله خيرا
وربنا يسعدكم ولا تشوفوا اللي انا شايفاه

لو كانت الحياة من اجل كسب المال فلا اريد مالا عند اهلي ولحمدلله كنت عايشة في نعيم ومبسوطة انا اتزوجت عشان الحب الكل شغال وعندو دوام ولو قلتلك لو ني طلبت منو فلوس يتردد الف مرة ويستخسر فيني فلوسو حتى مرة في محل مجوهرات عجبني طقم كان ب5000 ريال في المحل قالي وبصوت مسمووع مجنون انا اشتريلك ب5000 مين انتي عشان اشتريلك بها المبلغ....

لا تقسون على المرأة ..

تقول لو وحدة في العائلة أجمل منها كان تزوجها ..

لا هذا مو شي طبيعي ابد .. بعد لو كان كريم معاها وبين لها الحب كان قلنا اوكي

بس ليش هالجفاء الزايد .. وليش يقلل من شأنها لهدرجة

أجل بالله عليكم شنو شعو أي وحدة لما تطلب من زوجها يشتري لها شي ويقول لها

( مجنون انا اشتريلك ب5000 مين انتي عشان اشتريلك بها المبلغ )

بالله عليكم هذا كلام ..

اذا أنت متزوجها عشان جمالها قدر هالجمال على الأقل

لكن سوء النفسية والكلام الي يسم ليش !!

أنتوا تعاتبونها عشانكم بعيدين عن المشكلة وتشفونها صغيرة لأنكم مو عايشين مثلها

صدق من قال ( الي ايده في النار مو مثل الي ايده في الماي )

كل وحدة تتخيل نفسها لمدة اسبوع زوجها مطنشها ياكل ويشرب وينام

يعاملها كأنها جماد ومهما عملت له ومهما وفرت له هي جماد في نظرة

ولا تستحق حتى كلمة يعطيك العافية ..

تقولون حبيه عشقيه .. طيب هو مو معطيها فرصة .. وإذا قالت أحبك قابلها بوجه مثل الثلج

واذا ابتسمت ما لاحظ ..

تقول انها قصت شعرها قصير .. وشعرها الاساسي طويل ولا لاحظ إلا بعد فترة

هذا دليل على شنو .. ؟!! دليل أن ما يرفع راسه في وجهها .. وين تحبه

الحب يبيله وجه بشوش .. يبي له ناس عيونهم تتكلم قبل شفاهم

مو ناس جامدين مثل الثلج وجافين كأنهم صحراء قاحلة

واذا على الفلوس والشغل والكرف .. هي ماكانت جايعة والا عريانة في بيت اهلها عشان تقولون لها

هالكلام .. والانسان اذا يتزوج بس عشان أكل وشرب وسكن .. يكون الزواج ماله أهمية

الزواج سكن وراحة واستقرار .. الزواج هو الوسيلة الي نفرغ في مشاعرنا وناخذ حاجاتنا

بالحلال ..

الانسان مو بس مادة .. الانسان نفس وروح

ومثل ما الانسان بحاجة أنه يشبع بطنه .. محتاج انه يملي قلبه

__________________

ايوه أختي أميرات عندي فكرة عند عن بوصلة الشخصية ..

وعارفه أن أحنا عشان نوصل لأنسان لازم نعرف شنو مفتاحة

بس أنا تكلمت عن الحاجات العامة والتصرفات الطبيعية للأنسان .. كفطرة فيه

تكلمت عن التصرفات السوية الي تصدر من الناس الأسوياء

يعني مثلاً :

في ناس متربين في بيئة ما عودتهم يقولون كلام حلو .. حتى كلمة أحبك صعبه عليهم

بيئتهم صعبة وتربيتهم قاسية تجمد المشاعر ..

هالناس إذا أسوياء وغير معقدين شلون يعبرون عن حبهم .. ؟؟

بهذي الطريقة .. يلبون مطالب الطرف الثاني .. لما يزعل يحسسونه بقيمته بطريقة معينه ..

لما يمرض تتحرك مشاعرهم اتجاهه بخوفهم عليه .. لما يبكي ويمر بأزمه يقفون معاه

كل هذا يعملونه بغير ما ينطقون كلمة حب أو تعبير عن المشاعر

رغم أن داخلهم حب بس تربيتهم وعاداتهم تكبلهم وتربط لسانهم وحركاتهم

لكن الطرف الثاني يحس أنه محبوب .. وتكون مشكلته كالتالي :

زوجي ما يقول كلام حلو .. زوجي غير رومنسي .. كيف أخلي يزوجي يعبر عن مشاعره

ـ ـ ـ

لكن زوج الأخت جااااااامد وجااااااااف .. ومبين أن قلبه ما فيه شي

والا شالتجريح .. لهدرجة دفش ..

طيب واذا تركنا الدفاشه على جنب .. وناخذ العذر ونقول ما يعرف يتعامل مع المرأة

يا أميرات انتي عارفه عدل أن المرأة تعرف مين الي يحبها حتى من غير كلام

يا أختي العيون تتكلم .. هفوات اللسان حتى لو من غير قصد .. نبرة الصوت توضح

الحب شي نحس فيه قبل نشوفه


بوصلة الشخصية تنفع مع الناس الي عارفين انهم يحبونا بس مو قادرين نتأقلم معاهم

بس الأخت ما تدري شنو موقعها من حياة هالشخص



عموماً الله يسهل أمرها .. وأتمنى تنتهي مشكلتها على خير

وتقدر تفكك رموز شخصية هالرجال .. لأنه متعب ومرهق بالمرة

__________________