أختي دنيا

الله يساعدك .. أنت ضحية أهل رمو بنتهم هالرمية السودا

أتوقع تزوجتي بعمر صغير بين 18 _ 19 .. يعني وش عرفك بالدنيا وبلاويها

وما كنتي تملكين قرار ولا فكر ناضج .. أهلك قالوا لك تزوجي .. تزوجتي

بكل الأحوال هذا قدرك وضروري تتحملين نتيجة الاختيار الخاطئ

مو عشانك بس .. عشان عيالك .. وش ذنبهم يشوفون ابوهم ليل ونهار سكران ؟؟

تتوقعين مراح يأثر على نفسيتهم؟ راح يأثر ويستسهلون الشرب بس يكبرون

وبيصيرون مثله ( الحب يطلع على بذره )

ماله داعي الأبناء يتربون في بيئة لهدرجة سيئة وفي حضن ماهو نظيف

الأبناء أمانة في عنق الابوين راح ينسألون عنها أمام الله

وإذا كان الأب فرط وخان الأمانة .. انتي لا تصيرين مثله


انقذي نفسك من هذا الوضع وبعدين فكري .. لي فرصة والا مالي

لأن الحياة مع شخص ما عنده غيرة ولا يخاف الله أنتحار

وبالنسبة لإصلاحة أنا أقول ( من لم يكن له واعظ من نفسه لم تنفعه المواعظ )

ليش ما يدري أن شرب الخمر حرام .. وين عايشين أحنا فيه !!

اهو محتاج لهزة عنيفة وعنيفة جداً من داخله .. مو منك هالنوعيات الجاهله ما تتعظ إلا من مصايبها

لمن يحس أن فقد كل شي في الحياة يمكن .. يمكن يفكر يصلح نفسه

ولو كان طالب منك توقفين معه وتساعدينه .. كان يمكن يتصلح

بس اهو راضي بالهوضع

إذا تبين تنفصلين وتبين حل عملي .. أخوي خالد الذابح ما قصر جابها لك من الآخر

وتقدرين تربين عيالك بعيد عنه ..

تبين تكملين معه وتجبين مزيد من ابناء أبوهم عار على جبينهم .. انتي حرة

__________________

جزاكم الله خير على الدعوات اللي تثلج الصدر..

انا تزوجته وعمري 16 سنه .. يعني كنت جاهله باهالامور.. ويوم كبرت وفهمت نصحته بكل ما اقدر وترجيته ما يشرب لو يوم واحد لكن مافيه فايده يشتري الخمر بـ خمسين دينار يعني تقريبا 600 ريال .. ولو احتجت فلوس يعصب علي ويهاوش..
ماعليه هالموضوع مايهمني..

لكن هو يشوفني ليل نهار على سجادتي اصلي والحمدلله .. ومايهتز ولا يحس .. يطلع يشتري ويرجع يشرب.. ولا يهتم في عياله ولا شي.. بصراحه انا تعبت ورجعه له مستحيييله ..

واخوي الكبير يقول مايقدر ياخذ عيالج لو شنو .. انا واقف معاج .. والله يستر


دعواااتكم لي الله يخليكم ..

__________________


((حسبي الله لا إله الا هو عليــــــــه توكلت وهو رب العرش العظيـــــم ))

اختي الكريمه زوجك ليس له اهليه لحضانة الاطفال اي قاضي يتأكد من معاقرته للخمر سوف يحكم لك فورا وانصحك بعدم الرجوع اليه او ترك الفتيات في منزله فنهاك خطر كبير عليهم اعانك الله على بلواك

الله يفرج همك ويفك كربك عاجلا غير اجلا ويعوضك خيرا يارب

__________________

لو تم الطلاق مابحقلو الاولاد لانو في سن الحضانة
ولو مش في سن الحضانة برضو ماباخدهم
لانو غير مؤهل لتربيتهم والله بروحو فيها بعيد الشر
بترفعي قضية وقتها انو غير قادر على تربيتهم وانو سفيه
وهالشي سهل اثباته
كون انو مدمن خمر بسيطة بفحصوه بالمستشفى اضافة لشهادة الناس ومن حولك
بعدين لما يجيكي سكرن بما انو سكران افتحي الفيديو وصوريه كاميرة الجوال او خبي كاميرا تصورو وهوة مو داري ولانو سكران ماحيركز اصلا
وسجلي صوته وهوة سكران عالجوال
وفكرة الهيئة حلوة كتير

بعدين اختك حرام ماتخافي ابدا وتشجعي
حرام اولادك تطلع نفسياتهم تعبانة
كلو الا اولادك

انا لو زوجي هيك بعيد الشر
يا بطلق
يا بسكن بعيد عنو
حراااام الاطفال شو ذنبهم

ماتنسي تخبرينا بالتطورات
الله يفرجها

__________________

	اول حالة اقراها في المنتدى واجد ردي عليها بهذه السرعة الطلاق ثم الطلاق ثم الطلاق بلا تردد ولا احد يقولك اولادك وابوهم وربيهم مابين ابوهم وامهم اولادك لو تربو في حضن ابوهم بكرى بتطلعين للمجتمع ثلاث فتيان امثال زوجك انا اقولك اطلبي الطلاق عشانهم واحمدي ربك ان اهلك واقفين معاك والله قلبي معاك وطمنينا عليك دائما

الله يكون في عونك ..................ويهدي زوجك....

الله يكون في عونك ويفرج كربك عاجل غير اجل يارب العالمين ونصيحتي ليكي انقذي نفسك واولادك اطلبي الطلاق وبالنسبه لاولادك مايقدر ياخذهم منك ابد ما تخافي بس اقولك شئوبصراحه ردي علياانتي لما تقدم لخطبتك ما كنتوا عارفين انه بيشرب خمر وقلبي معك

يا اخواني ادعوا لي ان الله يعيني على تربية ابنائي من دون اب ..
انا فكرت وغدآ ان شاءالله ابي اصلي صلاة استخاره واشوف ربي وش يكتب لي
رجاء تدعون لي في ظهر غيب .. محتاجه دعواتكم .. والله يصبرني..

__________________


((حسبي الله لا إله الا هو عليــــــــه توكلت وهو رب العرش العظيـــــم ))

لاحول ولاقوة الابالله ..

الله يكتب لك الخير ..

ويحفظلك ابناءك ..

ويهدي زوجك ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ