بسم الله الرحمن الرحيم السلام عليكم ورحمة الله وبركاته...كيفكم؟؟..شخباركم..؟؟ ان شاء الله تكونون جميعا بافضل صحه واحسن حال...صراحه مدري وشلون ابتدي موضوعي معاكم...لكن بحاول اوضح الامور لكم قدر الامكان وانا داري ان موضوعي هذا اللي بكلمكم فيه قد مرّ على كثير منكم بس بغيت اعرف كيف كان تصرفكم لعلي استفيد من تجاربكم وخبراتكم...انا ملكّت(كتبنا الكتاب) ولله الحمد قبل ثلاث اسابيع من الان والامور ولله الحمد مشت على احسن ما يرام...عمري 28 وعمري خطيبتي 18...انا موظف وهي لسا تدرس بصف ثالث ثانوي الان...وطبعا كنا مخطوبين لبعض من حوالي سنتين...انا من صغري انسان حساااس وعاااااطفي ورومنسي كثيييييير....بس حسيت من خلال كذا مكالمه انا وخطيبتي انها مو مثلي بهالشي يعني احسها انسانه عاديه لا هي اللي جافه ولا هي اللي مثلي(رومنسيه وعااااطفيه)...مدري الشي هذا مخليني احس انه انا جالس اعطي وابوح بكل مشاعري بعفويه وبدون تردد من اول يوم كلمتها فيه واللي على قلبي على قولتهم على لساني على طول وهي احسها لا ماهي جالسه تتكلم مثل ما انا اتكلم...ادري ان اغلبكم بيجي ويقولي اصبر توك ما كملت شهر انت وبنت الناس... وناس ثانيين بيقولون لي البنت توها صغيره حرام عليك مابعد تعرف للاشياء هاذي... وكيف تتصرف مع انسان جديد عليها... ولسا ماتعودت عليك وعلى اسلوبك وشخصيتك...انا والله داري عن كل هالاشياء بس انا اقول انه مو تونا نعرف بعض يعني حنا قبل كتب الكتاب كنا مخطوبين لمدة سنتين تقريباً..يعني المفروض المشاعر والاحاسيس قد تكونت خلال هالفتره بشكل بسيط ومقنع على الاقل...مدري الشي هذا خلاني مثل اللي انصدمت بشخصية البنت وماني اعرف وش اسوي...انا والله مقدر ظروفها الان انها بآخر العام واختبارات الثانويه مثل منتم عارفين يبي لها تركيز واجتهاد...لكن ما احسها انها مررره مجتهده في هالجانب على شان اقول والله البنت معذوره احسها عادي مرات تقولي جالسه اذاكر ومرات تقولي لا طفشانه مالي نفس اذاكر لدرجة ان بعض المرات تروح للاختبار بدون مذاكره ابد...طبعا هي اكبر اخوانها يعني هي البنت الوحيده لامها وابوها والباقيين اولاد بالبيت يعني ماعندها خوات...بس عندها صديقات واااااجد..لدرجة اني احس انها تهتم فيهم اكثر مني بعض الاحيان....ساعات برضو اقول ان الفارق بالعمر يلعب دوور كبير لاننا لما نكلم بعض سوالفي انا تكون عن حياتنا ومسقبلنا وكيف بنعيش واتكلم لها عن عواطفي ومشاعري وهي لا ياهي ساكته وتسمعلي ولا اذا سولفت سوالفها احس انها سوالف وحده عقلها صغير...((طلعنا البحر...كلمت صديقتي...رحت عند صديقتي..بنروح نتمشى...احب الوناسه واللعب...)) صراحه احس انها سوالف لاتناسب سني ابد ابد...وبعد برضو فيه شغله ثانيه...انا احس اني ابي اكلمها واسولف معها كل يوم احس اني احبها ومحتاجها...بس احس انها عادي الموضوع مو ضروري كل يوم مكالمات رسايل تؤدي الغرض..طبعا بالرسايل ما ننقطع ابد على طووول شغالين مسجات...بس برضو احس اني محتاج اكلمها اكثر...داري والله اني طوووولت عليكم..واعذروني الموضوع كاتبه بدون ترتيب مسبق بس وربي جالس افضفض لكم عن اللي بقلبي ولا لي بعد الله الا انتم لاني ماحب اتكلم لاحد عن الموضوع هذا...وان شاء الله اني اجد المشوره منكم الله لا يحرمني منكم يارب...وجزاكم الله الف خير...اخوكم>>>بدر

__________________

ربي انا نقطــــه فـ..بحر..
علمني كيف اهوى الحيـــاه..
علمني كيف اهوى القـــدر..
علمني بإيمـــاني اكـــون..
ياربي اكثر من بشـــر..