لا لن اوافق
لانه بالنسبه لي راح يكون عقله كبر النمله
الحين جعل الرابط بيني وبينه اذا وافقت على ترك المنتديات؟!
طبعا ملاحظه هني
انا شخصيا المنتدى المختلط الوحيد اللي ادخله هو هذا المنتدى فقط والباقي نسائي
فليش يمنعني؟

__________________

ربما يكون شرط غريب

وربما يكون في بعض الأحيان دليل على سطحية الشخص المتقدم

خصوصا إذا ما قدم أسباب مقنعة

وما أظن بيقدر يقدمها

لأن الغيرة ربما لا تكون سبب كافي في هذه الحالة خصوصا إذا كان ينظر للأمر من زواية معينة والأغلب أنها سيئة

يعني خلى الجوانب الايجابية وأخذ في التفكير في الجوانب السلبية

أما إن كان يقصد انه من حبه لها وده يشاركها بكل شيء حتى إنهم يدخلون نفس المنتدى

ويقرأون نفس المواضيع ويتشاركون في وضع التعقيب المناسب يمكن يصير في الأمر نظر

أما يحسسها إنها غير أهل للثقة ولازم هو يكون معاها رقيب عشان لا تلعب مشكلة والله

لاطبعا مستحيل اوافق
هذا شرط بالله !!!
اكيد بتكون نيته شينه واستخدامه هو للنت والمنتديات خاطئ

__________________

راح ارضى وامرى لله بس بعد مااعرف السبب

__________________
ياررب ارح قلبي وعوضني خير

ممكن اتفاهم معاه لو انا ما اقدر استغنى عن المنتديات واقوله نعمل حساب واعرفه الباسورد لو رفض نهائي خلاص مادام هو يستاهل خلاص يكفي اقرا بس دون المشاركه

الرجل اذا قال لا يعني لا .......ماراح توقفين بوجهه له هيبه وياحلاتها من هيبه اموت انا عند كلمة لا .....
بصراحه ماقد جربت. النت عندي لوقت الفراغ والفراغ هذا بعد شغل البيت واذا ماشاف مني تقصير ماراح يقول شي
اهم شي زوجك .أولادك.بيتك.وبعدين النت
بعض الحريم 24 ساعه عالنت الله يعين رجالهم

لن أوافق دون معرفة الأسباب المقنعة
لمنعي من دخول المنتديات التي تزيدني ثقافة وخبرة في الحياه
إذا كانت أسبابه سطحيه غير مقنعه فهذا يدل على عدم ثقته بي ..
ولكن إن شاءالله سوف نتوصل لحل مناسب يرضى الطرفين
مثلا اتصفح المنتديات دون تسجيل
او اسجل بمنتديات نسائية
الحلول كثيرة في هذا الموضوع.
ولا اعتقد يوجد شاب بهذا الزمن يمنع زوجته
من المنتديات التى تزيدها ثقافة وخبرة

__________________

ِأشعر ان الشرط

أوافقك ...حل مناسب
تحياتي

بالله عليكم هذا شرط ..

هالنوعية من الرجال ما تعجبني أبداً ولا تلفت نظري لا من قريب ولا من بعيد

لأن هو واحد من اثنين .. أما أنه عقلية متحجرة والحياة معاه معناة في معاناه

أو أنه رجل صاحب سقطات ومغامرات سيئة في النت وحين ذاك يصدق المثل القائل

( كلاً يرى الناس بعين طبعه ) وهذا بالله عليكم شسوي فيه .. تبيني اموت حسره

ومسوي جاي لي بأسم الغيره !!! ايه هين غيره

ليش عاد مافي هالبلد إلا هالولد .. أصلاً هالنوع ما يجذبني خير شر

بس اقول لك شي

أن أنسب وحده له بنت تبعث من القبور عاشت في عصر ما قبل التاريخ

ذيك الساعه مراح يتكلف عناء الشرط لأنها ما تدري عن شي

هذي أكثر وحدة مناسبة له

ليش يدور وحده من زمنه وهو من الاساس مو عايش زمنه

ايه ليش .. خله يرتاح ويريح

لأن الي كذا تفكيره في كل أمور الحياة بهالطريقة مو بس سالفة نت

بس في شي أحترمه فيه .. وهو أنه ترك لي حرية الأختيار ومافرض علي هالشي بعد الزواج






ما بعد يصير زوج .. توه الرجال يخطب ويتشرط ..

يعني للحين انتي على البر ولك مطلق الحرية في قول نعم أو لا

__________________