استعمال حبوب منع الحمل المركبة اثناء الرضاعة ارجو الافادة
السلام عليكم ورحمة الله و بركاته
بالنسبة لحبوب منع الحمل المركبة والرضاعة الطبيعية
لي صديقة تستعملها ولكن من بعد بلوغ بنتها 6 شهور
حيث قالت لي (هي دكتورة صيدلانية)
انه بعد ال6 شهور تاثيرها لايكون مهم جدا عالرضاعة يعني بتخفف الحليب لكن مع الاكل الجيد
والمراعاة
يستمر انتاج الحليب انما يخف قليلا
وتقول انها مازالت مستمرة في ارضاع بنتها الان عمرها 9 شهور ماشاءالله
وانو دايما وقت تطلب بنتها حليب بتلاقي في صدرها ماشاءالله
لكن بتقول خف عن اول لكن ما اثر لانو صار في طعام للطفلة و يعني الاعتماد الكلي مش عالرضاعة الطبيعية
سالت دكتورة نسا وولادة قالتلي التاثير خفيف جدا بعد 6 شهور ولا يأثر على البيبي
فهل صحيح انو بعد 6 شهور ممكن اخذها بدون الخوف من انقطاع الرضاعة الطبيعية
الي جربت او عندها علم او خبرة ياريت تفيدني والي تقدر تسال دكتورتها تفيدني كمان
والسبب انو الابرة الي ركبتها مش كتير مناسباني
شهرين وزيادة اغلب الوقت نزيف
وانا قرفت وتعبت ونفسيتي تاثرت جدااااااا
واصبح عندي كابة بسبب الدم
والدكتورة بتقلي اصبري ماهو شو عليهااااا مرتاحة انا القرفانة قال استني من هون ليصيرلك 6 شهور مركباها
كحد اقصا بعدين تزبط الامور وممكن قبل تزبط معك
يعني ليصيرلي مركباها 6 شهور بكون الي والدة 10 شهور
وزوجي المسكين الي متحمل من يوم ولادتي
بسبب مضاعفات الولادة
والنزيف الي بعدها
والدورة الطويلة بسبب تخبيص الهرمونات
واختتمت الحفلة بمانع الحمل الي هلكني
من يوم مركبتو لم يحصل شي داخلي
وزوجي مراعي الظروف لكن انا تازمت بكل معنى الكلمة اريد حياة طبيعية من جميع النواحي
والان صحيت مكتئبة لاقصا درجة
من 1-5-2009 لليوم وعندي نزيف
اشي من المانع واشي دورة
شي بقرف بلد
لا والله شي بقرف الكرة الارضية والناس الي عاشو قبلنا كمان
افيدوني
حتقولي جربي اللولب مابدي اجرب اشي احتمال يعملي نزيف
مو ناقصني تجارب تانية اضافة انو انا من النوع الي بنزف وعندو قابلية و100% اللولب حيعملي نزيف
حبوب الرضاعة لاطبعا بسبب انو حتعملي نزيف لانها هرمون احادي ايضا
شو ضل؟
الحبوب المركبة حكولي بتخفف الدورة وبتنظمها وانا هادا الي نفسي فيه
يعني شكلي حضل ادور عموانع حمل لغاية ميصير موعد الحمل الجاي ليصير ابني سنتين
مضا منهم 6 شهور
وانا بدي ارتاح واعيش حياتي شوي قبل الحمل التاني واعيش طبيعي وبصحة جيدة من كل النواحي
حتقولو استعملي العد
والله ياريت مافي احسن من الطبيعي لكن غير مضمون ابدا
الكوندوم كمان غير مضمون
طيب لو فترة التبيوض عملت عزل كامل
لاكوندوم ولا غيرو
وبعدها استعملت الكوندوم
بحيث فترة امان إن شاء الله
ولوووو صدفت وصار غلط في الكوندوم وانفجر مثلا يكون امان شوي مافي تبويض
هاي طريقة مضمونة
مين بتستعمل الكوندوم وماشي معها منيح ياريت الجواب مفصل
شو كمان؟هي كل الوسائل
انا بدي اشي مضمون بإذن الله عشان اكون مرتاحة نفسيا بالعملية
انا موسوسة جدا
ولو استعملت شي غير مضمون مش حبسط زوجي وحكون خايفة طول الوقت وحتهرب من الموضوع كمان
خوفا من الحمل الغير مخطط له
لهيك حابة اخد الحبوب او اي اشي امن عشان اكون براحتي ومااخاف من اشي
بس في ناس بتاخد الغرسة الي انا حاطاها
ومرتاحين لا نزيف ولا غيرو
ليش هالحظ علية مابعرف
انا عموما عملت استخارة قبل فترة ازا اخلي الابرة او اخد حبوب منع الحمل
وحاسة باحساس بقلي شيليها وخدي الحبوب
ومرات بقول لا الكوندوم
انامحتارة وقرفانة وخايفة
اعذروني لطول الموضوع لكن الديق واصل عندي لاقصا درجة
متخيلين
ولادة والامها
بعدين 3 شهور نفاس
راحة اسبوعين ودورة اسبوعين
راحة اسبوعين ودورة عادية 9 ايام
بعدين راحة اسبوع وبلش نزف المانع 12 يوم
بعدين راحة 6 ايام والدورة التانية
بعدين راحة 5 ايام او اقل كان خلالهم افرازات بنية
بعدين رجعنا للنزف ولليوم ماوقف واجا خلالو الدورة وكمل بعدين اسم الله عليه مو مقصر
المشكلة خبصت الامور عندي من الدورة من النزف بس كنت اعرف الدورة من اعراضها ومواصفات الدم
المهم متخيلين كل القرف هادا؟؟؟
غير تعب الولادة والرضاعة وفهود افندي
والغربة وماحد من اهلي اجا لولادتي
وظروف عمل زوجي
شو ممكن كل هادول يعملو
بارك الله فيكم خبروني تجاربكم
وادعولي انا متازمة عنجد
حتقولو لو الله رايدلك الحمل حتحملي عالمانع هادا صحيح
لكن الواحد يعمل الي عليه بعد هيك لو حملت يمكن ماحنبسط لكن حقول خلص ارادة ربنا
لكن اني مااعمل احتياطي واحمل وقتها بلوم نفسي
يعني كل شي بارادة ربنا
ولازم الانسان يخطط ويعمل احتياطو بعد هيك كلو بامر ربنا
فما تقولو ازا حتحملي حتحملي غصب عنك لاني عارفة هالكلام بس حابة اعمل الي علية وكل شي بعدين بقدرة الله الكريم
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة ملَك شادي ; 27-05-2009 الساعة 02:01 PM
27-05-2009, 01:57 PM
ضوابط المشاركة
العرض الشجري