والله خليك مثل ما انت دامكم الاثنين مبسوطين لهذي الدرجه !!!

انتبه , لا يعاقبنك الله فتحرم من بركة الزواج , واتقي الله فيما تفعل , والحياة الزوجية ليست جنس , بل هناك أفضل من ذلك , هل علمت الحكمة من الزواج , اتمنىذلك ؟؟؟؟

اخي العزيز مدري ليه انا قريت كذا موضوع من كتاباتك واحسك مره تعطي الموضوع اكبر من حجمه لا تزعل مني بس هالانسانه زوجتك يعني حلالك ليه تقطع اتصالاتك هذا ابسط حقوقها وحقوقك واذا كانت تبي منك حنان فهذا شي طبيعي انت زوجها وعزوتها
انا متزوجه واقلك خذ راحتك البنت حلالك واترك زي مايقولو العنان لمشاعرك معاها الحب والحنان اكبر من ان الشخص يقيسه ويتحكم فيه عط زوجتك كل الي تبيه منك وانت كمان الموضوع اسهل من كذا بكثير وعجل من الزواج نبي نشوفك عرييييييييييييييييس

السلام عليكم ورحمه الله ..

في البدايه احب اقول .. اسئل الله عينه ما تنام انه مثل ما جمعنا في هذا المنتدى اسئله ان يجمعنا وزوجاتنا في جنته وفي مستقر رحمته وان يظلنا بظله يوم لا ظل الا ضله ..

وربي مادري وش اقول لكم .. والله ما اقدر اقول الا الله يجزاكم خير وييسر اموركم يارب ..

ولكن عندي نقطه ابغى اوضحها لاني اظن ان فيه اخوان غافلين عنها وهي .. ان حفل الزفاف لم يتم بعد ولكن تم عقد قراننا قبل قرابه الشهرين .. وكذلك انا في مدينه وزوجتي في مدينه اخرى .. يعني المسافه بيننا اكثر من 1200 كلم ..

الاخ جمر :
انا ارى من صيغه كلامه انني فعلت شيء خطاء فياليت لو تتفضل عليه وتقول لي وش الله كان غلط من اجل ان اتجنبه في المستقبل

اختي العزيزه رهف حبيبة زوجها :
صدقيني ما راح ازعل منك بالعكس وربي انك اسعدتيني بردك ومستحل ان ازعل من انسان ينصحني ويرشدني الى ما هو الصواب .. بس لا تلوميني اذا اعطيت الموضوع اكبر من حقه لاني والله وقتها لم اكن اعلم ما اقول من شده خوفي من الموقف الذي حصل لي .. واحب اقول لك اننا توصلنا الى حل سهل بيننا وهو انني قمت بشراء كتاب وكذلك طلبت منها شراء كتاب يتكلم عن الحياه الزوجيه وفي بعض الاحاديث النبويه واصبحنا نناقش بعض الامور الوارده في الكتاب .. واحب ابشرك ان امورنا اصبحت من احسن ما يكون ..

في النهايه ..

اشكر جميع الاخوان الذين تفضلوا باضاف آرائهم ..