المشاركة الأصلية كتبت بواسطة @خالد الذابح@

ادعي ان الله يرزقك الزوج الصالح ،،، ماهو تدعين ان الله يرزقك فلان وعلان ، ومسألة انه مستحيل يتزوجك حبيبك الغافل ، فأعتقد ان الله ماهو كاتبه لك زوج ، يمكن لأنه يستاهل افضل منك او انك انتي تستاهلين افضل منه . والله المستعان .

المشاركة الأصلية كتبت بواسطة عصافير الجنه

بسم الله الرحمن الرحيم السلام عليكم و رحمة الله و بركاته
لا ادري من وين ابد تفكيري مشوش , دائما اطلب من الله الزوج الصالح و الذريه الصالحه , من وصلت عمري 27 سنه لا حد يتقدم لي حتى دخلت 30 من عمري , و لاكن قبل اسبوع تقدم لي شاب طيب و مب متزوج و لا مطلق و بعمري انا, الكل في بيتنا فرح و خاصة اخواتي , اكيد بتقولون و انتي شو , اخاف اقولكم و بتنصدمون مني , تدرون يا اخواتي جزء مني فرح و جزء مني لا اريد انا اتزوج اليوم قبل باجر و اطوق أن اكون اما باسرع وقت تدرون ليش ما فرحت لاني من صغري احب واحد من اقاربنا و اتمنى يكون زوج لي و دوم ادعي الله يكون من نصيبي و ها امنيه حياتي لاحد يعرف سري الا اخواتي , مع اني اعرف ها شي مستحيل لان امه ما يحبنا و نسمع و هي اتقول ما بوافق ولدي ياخذ الفلانه , يعني مافي امل بس انا دوم افكر فيه, بس اقول في نفسي لما يتقدم لي احد بوافق على طول لاني كبيره بل بنظرة مجتمعي كبيره جدا , المهم ابوي قال لي عن شاب و انا وافقت و حدده نظرة الشرعيه بس ما اخبي عنكم بداخلي ما كنت فرحانه و مرتاحه و كنت اتمنى الشاب اللي من اقاربنا و تمنيت أن يكون هو , و قلت لاخواتي يا ريت كان هو و انا بكون اسعد انسانه اخواتي انصدموا مني و زعلوا مني لانهم يبوني اتزوج , ما عرف شو اقول عقلي مشوش , المهم هم اتصلوا و قالوا بناجل لان بنتنا مسويه حادث بس ما قالوا متى بيون و ها سالفه من اسبوعين و الحين لا حس عنهم و لا خبر و اخواتي يقولون انتي ما كنتي راضيه من قلبك فالله جي سوى و ما ظلم الرجل , انا الحين بعذاب و احس بتانيب الضمير وايد و احس اخواتي يقولون حقيقه , و احس انا رفضت النعمه التي طالما حلمت فيه و اقول في نفسي انا ما شكرت ربي بل تمنيت شخص الثاني و الله عاقبني ارجوكم قولولي هل اذا تقدم شخص الطيب و تمنينا غيره الله بيعاقب , ما عرف شو اقول ندمانه كد شعر راسي لاني تمنيت غيره , ملاحظه لما احد يتقدم لي انا اتمنى الشخص اللي احب بس ما ارفض الخطاب اوافق عليهم بس ما يستوي نصيب و يدخل السبب في الموضوع , سؤالي هل اللي في قلبي و تفكيري ياثر على موضوع الزواج , ادري كلامي مب واضح . ياريت اتجاوبوني لاني في حاله نفسيه سيئه جدا و احس انا سبب تعاستي بها الدنيا.

المشاركة الأصلية كتبت بواسطة @خالد الذابح@

ادعي ان الله يرزقك الزوج الصالح ،،، ماهو تدعين ان الله يرزقك فلان وعلان

المشاركة الأصلية كتبت بواسطة باريسا

شوفي اقولك كلمه وحطيها حلق في أذنك

مدام أنه أمه مو موافقه .. ومدام هو مو قادر يتقدم لك >>> هذا إذا كان شعور متبادل الخوف يكون من طرف واحد وهو انتي

المهم .. اعرفي وتأكدي أن حياتك معه جحييييييييييييييم .. امه مدام تكرهك ومو راضيه

ابتقلب حياتك فوق تحت هذا إذا بقت لك معاه حياة

في أمهات صحيح ما يبون ولدهم يتزوج بنت معينه لكن اذا شافوا اصراره تركوه براحته لأن هو الي بيتزوج

وفي امهات اللهم يا كافي مستعده تحرقك وتحرق ولدها بس أهم شي إرادتها تتحقق

أحمدي الله انه باعد قريبك عنه .. ترى احنا البشر ما ندري وين مصلحتنا

بس نبغي ونبغي ويطلع الي نبغيه دمارنا وهلاكنا

عشان كذا مثل ما قلك أخوي خالد



لأنك اذا دعيتيه بهذا الدعاء معناته انك وضعتي ثقتك في تدبير رب العالمين والله مستحيل يضيع ثقة العبد فيه

عشان كذا راح يرسل لك اكثر انسان يصلح لك وتصلحين له

أما اذا جلستي تدعين ارزقني بفلان فمعناه حطيتي ثقتك في تدبيرك انتي مو في الله

على الأقل قولي يا رب اجعل فلان من نصيبي إذا كان خيراً لي .. وابعده عني اذا كان شر لي

وحطي في بالك أهم شي في الزواج الاستقرار



وبعدين إذا جاء واحد ولد حلال وطيب لا تقعدين تفكرين في ولد عمك ومادري شنو .. ترى الرجل الي يدخل

ويقول ابي فلانه هو الي يستاهل تحطينه في بالك وتفكرين فيه ..

لأن اهو الي بيوقف امام كل الناس ويقول اخترت فلانه تكون زوجتي وأم عيالي .. تكون شرفي وسكني

مو ذاك الي مو قادر يتكلم ولا بكلمه بينه وبين نفسه ويقول حق امه ابي فلانه

تركي عنك هالكلام وفكري قدام إلى متى ابتنتظرين !! >>> لو ابتمطر كان غيمت

وأحذرك اشد الحذر لا تتزوجين شخص وقلبك معلق بغيره .. لا تظلمين نفسك وتظلمين ولد الناس

تراه ما يستاهل هالظلم .. جاي لك على نياته وانتي قلبك في مكان ثاني



الله يوفقك بالزوج الصالح .. وتأكدي أنه الي تقدم لك إذا نصيبك راح يرجع مهما لف الدنيا ومهما كانت الظروف

المشاركة الأصلية كتبت بواسطة tunisian

يا أختي إدعي ربك و أطلبي منه اي شئ تريدينه . أليس الله رينا ؟ أدعيه أن يجمعك بقريبك إن شئت أو أن يصرف عنك حبه إن شئت . لا نقول لا يجب أن نطلب شيئا بعينه كشخص بعينه ... من قال هذا ؟ فهمتيني أختي و أنت ما عندك أي ذنب لا من بعيد و لا من قريب و لا تتشائمي . فقط عليك بالدعاء . و من رأيي إذا أتاك من ترضين خلقه فلا تترددي و الحب سيأتي من بعد بإذن الله.

المشاركة الأصلية كتبت بواسطة صبا نجد