مشكوره يابندوره العسوله
وغفر الله لكي وبلغكي الشهر الفضيل
وتحياتي

أخي كل الناس تشتكي من الصداع والقولون هذه أمراض ماتتحكم في اتخاذ قراراتنا المصيرية

زوجتك الأولى تزن عليك بطلاق الثانية ( فعلها محرم شرعاَ) يعني اللي تطلبه معصية تغضب الله

وزوجتك الثانية تغيرت يمكن بسبب الحمل وخاصة أنو الحمل الأول.

اقتباس:

احيانا" اقول بيني وبين نفسي خل اطلقها قبل لا تجيب حمل ثاني وثالث وخااااااااااامس

كلامك هذا وسوسة ابليس اللعين لك ........تخيل يقولك حرام وش ذنبها !!!!!!!! ما يصير شيطان

أخوي زوجتك الأولى سكنها في بيت وسكن الثانية في ييت مستقل

بعدين ماأدري ليش أحس أنك تميل في كلامك لزوجة الاولى ودور لزوجة الانية مبررات لطلاقها أتقى الله

المفروض يكون أهم شي عندك الابناء فقط مستقبلهم مهم روح أسال وشوف كيف عايشين أولاد المطلقين كأنهم أيتام

__________________
ماعدت أنا ..ورقة ليمون , سافر معي , مطلقه صغيره ,
اخباركم

اخوي فتى الديرة

اسمع وانا اخوك ... سويت في حياتك خربطة كبيرة ، تطلق هذي وتتزوج وترجع الأولى وتبي تطلق الثانية ياخوووي اركد.
الآن انت تعتبر معدد وواجب عليك العدل والحزم مع الزوجتين ، كل وحدة عطها حقوقها كاملة من المبيت والنفقة وخلافه

اخوي استشير رجل عاقل فزوجتك الاولى والثانية لا يوجد مبرر قوي لأجل تطلقهم حرااااام والله ما يصير يعني خاصة زوجتك الثانية وش ذنبها ما يكفي انها فشلت في الزواج الأول وتسبب لها انت الفشل في الزواج الثاني وما لها أي ذنب والله حراااام وبعدين هي كلها فترة بسيطه وتكون ام لأبنائك. وزوجتك الأولى ام بناتك يعني لو ايش ما كان بناتك يستحقون التضحية .

اخوي فتى الديرة اياك اياك والظلم ذولا الحريم مساكين انت الرجل العاقل اللي تقدر تضع حل بإذن الله لك مشاكلك

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

أولا و قبل كيف تطلق زوجتك الأولى لخلافات بينها و بين إخواتك !!!!!!!!!!!!!!!!!!
هل كانت تظلمهم ؟ كان الأجدر بك إيجاد حل آخر مثل الإستقلال ببيتك و ليس الطلاق ماهو ذنبها؟
و تريد أن تعيد نفس الإسطوانة مع الزوجة الثانية أنت ظاهر فيك مزواج مطلاق . يا راجل عيب الظلم حرام.
أمسك زوجتيك و كفاية كلام.

و اهلك و اخواتك وينهم عنك لمن سببولك المشاكل

__________________
ارجو الدعاء لامي بان يفرج همها و يسهل امرها و ينصرها و يقويها يارب

لاتفكر ابد تطلقها المسكينه بس اعدل بينهم صدقني يمكن تضيع البنت ويضيع ولدك اللي فبطنها..

انت لازم تتحمل المسؤليه ونصيحه لاتاخذ بكلام الاهل والخوات انت من نفسك تعرف زوجتك

ولا تدع احد يؤثر فيك لان الناس صاروا مايحبوا الخير لبعض وصاروا يتقاتلون ع اتفه الاسباب

فلا تنصت الى احد اهم قناعتك... اتمنى لك الصبر عليهم وهذا نتيجه تسرعك ولازم تتحملها

الله يسعدك انت وزوجاتك ويحبب زوجاتك فبعض

__________________

اخي الفاضل ماقصر الجميع الله يجزيهم خير واعطوك الحل الصح

وانا تأكيداً لكلامهم أقول يااخي ولكن أتمنى أن لاتغضب من كلامي لأن قصدي الخير لك فقط مشكلتك أنك ضعيف الشخصية

أولاً : صارت مشاكل بين الحريم ورحت طلقت أم عيالك.........,هذا يدل على أن ماعندك رجاحة عقل وقوة شخصية

وإلا المفروض ماتدخل نفسك بين الحريم أبداااااااااااا وتحط لزوجتك وأخواتك حدود أنك مالك شغل فيهم ويحلوا أمورهم بنفسهم ولاتسمع لهم أبداااااااااااا

ثانياً : رجعت زوجتك الأولى بحمد الله والأن هي تزن عليك الله يهديها علشان تطلق الثانية وأنت متأثر بكلامها ونسيت كل شيء حلو مع زوجتك الثانية وهذا يدل أيضاص ويؤكد على ضعف شخصيتك أن كلمة توديك وكلمة تجيبك

لا ياأخوي الثانية مالها ذنب وانت بنفسك تقول فيها إيجابيات غير عن الأولى

وكمان أنت من دقيت بابهم وطلبتها فعيب عليك تردها وهي ماقصرت معاك



وزوجتك الأولى رضيت ترجع وهي عارفة إن عندك غيرها فغصب عنها ترضى وتوافق على الإستمرار وحرااااام عليها تطلب منك تطلق زوجتك


وخوفها وقول لها : أنتِ كذا ماتحبيني لأنك لو تحبيني ماترضي إني أغضب ربي وأدخل النار علشان خاطرك

فإذا تحبيني بصدق المفروض تعينيني على العدل والخوف من الله وتحبين لي الجنة





أما مسألة تغيرها عليك بعد الحمل فهذا ليس معناه أنها تمسكنت لحد ماتمكنت هذا يااخوي (وحام الحمل) ويختلف من حرمة للثانية يعني لاتقول ليش زوجتي الأولى ماصار لها كذا؟؟!!

لأن الحرمة الوحدة نفسها ممكن يختلف وحامها من حمل للثاني يعني الحمل الأول تكون عادية والحمل الثاني تتوحم وتكره زوجها او العكس

وكثييييييرا يتوحموا على أزواجهم ويصيروا عصبيات وعندها يكونوا بحاجة لحضن حنون من زوجها ووقوفه بجانبها علشان تتحسن نفسيتها ويولد الطفل بإذن الله بنفسية طيبة


أسمع كلامنا يااخي أنت عندك بنات وانتبهي تظلم بنت الناس وتدور عليها الغلط علشان تطلب الطلاق ترى ممكن ربي يأخذ بحقها ويبتليك في بناتك ويصير لهم مثل ماصار لها وعندها قلبك بينحرق مثل مابتحرق قلب زوجتك الثانية واهلها

اتقي الله اتقي الله اتقي الله

خليك قوي الشخصية حط حدود لكل زوجة بأنها ماتجيب سيرة الثانية أبدااااااا لابخير ولابشر

ولاتدخل أهلك ولاتسمع لأحد أبدااااااااااااااااااااااا ولو أحد كلمك في شيء لاتخليه يكمل كلامه وقول ماابغى أسمع شيء

ولو تسكن في سكن منفصل أفضل

وكن عاااااادل بينهم لاتسمح لوحدة تغلط على الثانية أو تتصل وانت عند الثانية إلا للضرورة القصوى ولا تتهااااااون أبدااااااااااااا وإذا اتصلت بدون سبب ازعل منها ووقفها عند حدها

وتقدر تحط لهم عقاب (لو وحدة منهم اتصلت بدون سبب في ليلة الثانية إنك بتعاقبها بأنك تجلس عندالثانية ليلة إضافية ) صدقني بكذا بيتأدبوا

ولما تكون عند وحدة منهم حط في بالك كأن هي زوجتك الوحيدة وماعندك غيرها واعطيها كل حبك وحنانك وإهتمامك
وإذا رحت للثانية نفس الشيء سوي معاها

وأخيرا أقول لك (الخيل بخيالها والمرأة برجالها)

وصدقني لما تكون حازم في وضع الحدود وماتسمح لأي منهن تجاوزها مهما كان بتعيش براحة وسعادة وكل وحدة تحرص على إرضاءك وبترتاح من الهم والغم

فكن رجل حكيم عاقل محب تعدل بين الإثنتين ليبارك الله لك في صحتك ومالك ودنياك وأخرتك

ولاتجيب أخبار الأولى للثانية لابخير ولابشر ولا تجيب أخبار الثانية للأولى

وكل ماتدخل عند وحدة إذا سألتك أي شيء عن الثانية قل لها بحب وغزل : ليش هو أنا متزوج غيرك؟؟ أنا ماعندي غيرك

بمعنى حسس كل وحدة أنها كل الحب علشان ترتاح نفسها وتهدأ وماتدور مشاكل وتسعى لإسعادك



واحذر الظلم ولاتدور سبب علشان تطلق الثانية اصبر عليها وانظر لها بنظرة الحب مثل الأولى

وإلا والله لو تدعي عليكِ دعوة يمكن ربي ينكد عيشتك مع زوجتك الأولى ويصيبك بالأمراض والفقر غير العذاب في الأخرة لأن دعوة المظلوم مابينها وبين الله حجاب




وأعيد واكرر لا تتهاون أبدااااااااااااااااااا.

__________________

مالي كلام بعد هذا الاخوة والاخوات وفو وكفوا خليك عادل الله يهديك اتبع سنة الله ورسولة في التعدد وخاف ربنا الاولى زوجتك والثانية زوجتك وفهم الاثنين هذا الامر ولا تطلق حد فيهم وعش حياتك مع زوجاتك بعيدا عن المشاكل ضع نقط على الحروف اتبع نصائح الاعضاء وربنا معك ويففرج عنك ياااااااااارب

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون