حبيبتي اول ابغى ارد على الاخ اللي سابقني اللي يقول فيه انتي طالبة الطلاق عشان اتزوج عليك يااخي من ابسط حقوقها انا ما ابغى ازيد النار حطب لكن هو راح يشوف حياته وينبسط مع وحدة تانية وانا اعقد اندب حظي واربي عيالو لا والله ياخد عيالو ويخلي اللي تزوجها تربيهم ويشوف مين بيصبر عليه والا على عيالو وانا اروح كمان اعيش حياتي انا متعجبة من المجتمع الذكوري البحت اللي يبرر للرجل كل افعالو وللمرأة ان تكون سجينة قراراتو تحت شعار ربنا حللو هم اخدو من الدين اللي يبغو الحلال والجائز وسابو الواجب زي صلاتهم بالمساجد اللي صار صوت الامام فيها يرجع صدى من فضاوتها وبعدين ادا كان هدا حلال فالطلاق كمان حلال وانك تروحي تشوفي حياتك مع غيرو كمان حلال وانو يربي عيالو كمان حلال
حبيبتي بالنسبة لمشكلتك ولا تتعبي نفسيتك من الكلام اللي لا يودي ولا يجيب احنا اهل جدة عندنا مثل (الكلام ما عليه جمرك)والا كان لقيتي الناس ساكتين وما حد اتكلم الا للضرورة وهدا عكس اللي نسمعو وبعدين لفتني حاجة بتقولي انو اهلو على النية وماشيين يتكلمو عليك حبيبتي ماحد على النية هدي الايام ادا كان ولدهم عمل كدة فهدي اكيد اعمالهم واللي اتربو عليه كل حب يطلع على بذرو
وهدا مجرد رأي واللي ما عجبو لا يرد علي ولا يناقشني خليكم في مشكلة الادمية

زوجك بيحبك

أنا رأى ترجعى وتتعاملى معاه بالحسنى

وإن كان عادل بينكم أستمرى

__________________